ესტუარი

ვიკიპედიაშე
ამაზონიS ესტუარი

ესტუარი (ლათ. aestuarium, ზუღაშ მორთაფათ მოჯალაგერი წყარპიჯი) — წყარმალუშ ართჸამი ძაბრიშობურო გოფართაფილი ნადუ. წჷმიქიმინუ, მუჟამსჷთ წყარმალუშ მუნაღელი მანგარი მასალა ინაკათუწკჷმა ველეკუნ, დო ნამუთ ზუღაშ მალობას ვარდა მიმორთაფას ზუღშა ინმუღუნ.

ინაკათუ ესტუარიშ სახეთ უღჷნა წყარმალუეფს: გარონას, ლუარას, გვადალკვივირს, ტახოს, გვადიანას, დუეროს, ელბას, ტემზას, შენონს, სევერნს, სომას, ემსის (ევროპა); ანაბარს, პიასინას, ხატანგას, ნარბადას, იანძის (აზია); კონგოს, გამბიას (აფრიკა); კოლუმბიას, ჯეიმზს, წიმინდე ლავრენტიშ წყარმალუს (ოორუე ამერიკა); პარანას, ესეკიბოს (ობჟათე ამერიკა).

წყარმალუეფიშ ესტუარი მოსოფელიშ მიარე აბანს მუთმოფხვადჷნა, გიშაკერძაფილო თექ, სოდე გოვითარაფილი რე სქირონაშ მიშაჭკირილ-გიშაჭკირილი განობეფი.

ევროპას არძაშე უმაართაშე ეიოშინალი რე წყარმალუ გარონაშ (ნადუ დორდონწკჷმა ართო) ესტუარი, ნამუთ ჩინებული რე ჟირონდიშ ჯოხოდვალათ. თიში სიგჷრძა 75 კმ რე, სიგანა — (გიმენი ნორთის) 10-15 კმ. შანულამი რე თაშნეშე წყარმალუ ემსიშ ესტუარი (სიგჷრძა 20 კმ).

ესტუარწკჷმა ზუღა ძალამ ტომბა რე.

ლიტერატურა[რედაქტირაფა | წყუშ რედაქტირაფა]