ვესტო სლაიფერი

ვიკიპედია-შე
ნავიგაციაზე გადასვლა ძიებაზე გადასვლა
ვესტო სლაიფერი
ინგლ. Vesto M. Slipher
V.M. Slipher.gif
დაბადებაშ თარიღი:

11 გერგობათუთა, 1875

დაბადებაშ აბანი:

მალბერი, ინდიანა, ააშ

ღურაშ თარიღი:

გერგობათუთა 8, 1969 (93 წანერი)

ღურაშ აბანი:

ფლაგსტაფი, არიზონა, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

ლოუელიშ ობსერვატორია

ალმა-მატერი:

ინდიანაშ უნივერსიტეტი

ჯილდოეფი დო პრემიეფი:

ლალანდიშ პრემია (1919)
საფრანგეთიშ მენცარობეფიშ აკადემიაშ ორქოშ მენდალი (1919)
ჰენრი დრეიპერიშ მენდალი (1932)
ასტრონომიაშ ომაფე ჯარალუაშ ორქოშ მენდალი (1932)
ბრიუსიშ მენდალი (1935)

ვესტო მელვინ სლაიფერი (ინგლ. Vesto Melvin Slipher; დ. 11 გერგობათუთა, 1875, მალბერი, ინდიანა, ააშ — ღ. 8 გერგობათუთა, 1969, ფლაგსტაფი, არიზონა, ააშ) — ამერიკალი ასტრონომი. გურაფულენდჷ ასტრონომიას ინდიანაშ უნივერსიტეტის, სოდეთ თხილუ ოდოქტორე დისერტაცია 1909 წანას. გურაფაშ თებაშ უკული მუშენდჷ ლოუელიშ ობსერვატორიას დო რდჷ თიში დირექტორი ღურაშახ.

სლაიფერი რდჷ პირველი ასტრონომი ნამუქჷთ მიოგორუ გალაქტიკეფიშ სპექტრული ღოზეფიშ ზარუას, 1912 წანას. თაშნეშე სლაიფერი რდჷ პირველი ასტრონომი ნამუქჷთ ჭითა ზარუეფი (ინგლ. Redshift, ქორთ. წითელი ძვრა) თეორიულო მიორსხუ გალაქტიკეფიშ სიჩქარეს.

სლაიფერიქ სპექტროსკოპიშ გიმორინაფათ გიმირკვიუ პლანეტეფიშ როტაციული პერიოდეფი, პლანეტეფიშ ატმოსფერული აკოდგინალუა, სპირალური გალაქტიკეფიშ როტაციეფი, ზიმუ გალაქტიკეფიშ რადიუსული სიჩქარე. 1929 წანას სლაიფერიქ მიოგორუ მეზოსფეროშ ნატრიუმიშ ფენას.

შხირას გალაქტიკეფიშ ჭითა ზარუაშ მეგორაფას ედუინ ჰაბლის მითმიოჭარანა. მარა ჰაბლიშახ თიში შანულობას ირკვიენდეს ჯეიმს ედუარდ კილერი, ვესტო მელვინ სლაიფერი დო უილიამ უოლეს კემპბელი.

ჰაბლიშ, სლაიფერიშ დო მილტონ ჰიუმასონიშ კალკულაციეფს რე გერსხილი ჭითა ზარუა-დისტანციაშ კორელაციაშ კანონი, ნამუთ ჰაბლი-ლემეტრიშ კანონიშ ჯოხოდვალათ რე შინელი.

სლაიფერიქ ღურუ 1969 წანაშ 8 გერგობათუთას, 93 წანერქ.

სლაიფერი რდჷ შხვადოშხვა პრემიეფიშ დო ჯილდოეფიშ ლაურეატი. თიში ჯოხონობაშ რე ართი-ართი კრატერი თუთას დო ართი ასტეროიდი.

რესურსეფი ინტერნეტის[რედაქტირაფა | წყუშ რედაქტირაფა]