ვულკანური კრატერი
ვულკანური კრატერი (ჯვ.-ბერძენ. κρατήρ — ჯამი) — დიხაუჩაშ სქირონას გოჭყაფილი ატარიშობური ვარა ქჷმაშობური რღამილი. რჩქინდუ ვულკანური ეშაგორგოთინიშ გეშა. დიამეტრი ვითული მეტრაშე მუსხირენი კილომეტრშახ. სიტომბა მუსხირენი მეტრაშე ოშულ მეტრაშახ. კრატერიშ დიამეტრი ვანაფერო უმონს 2-2.5 კმ-ის, მუდგათ იშხვანერებუ კალდერაშე. კრატერიშ მაართანური ფორმა, ნამუსჷთ მირჩქინუაფუ ვულკანიშ დო კრატერიშ რსხუ, წჷმარინუანს მაარს — დიხაუჩაშ ჟიდოხიშ გეტომბიას, ნამუთ აკოხურგილიე ვულკანური გოჭყაფაშ მურღი დაბალგვალამ გუძუბეფით.
აშხვანერენა ცეკურ დო ფორიშობურ ვულკანურ კრატერეფს. ცეკური ვულკანური კრატერიშ კიდალეფი შხირას ახრა დო კირდეამი რე. ქვინჯი ფორილი რე მურღი მოღეთ. მოქიმინჯე ვულკანეფიშ კრატერეფიშ დჷმახასიათაფალიე ფუმაროლური ეშაბუნეფი. ქვინჯი ედომუშამო თი შვანს იფორუ, პაროქსიზმული ერუფცია ქიფიქსირებუნ-და. ფორიშობური ვულკანეფიშ კრატერი გჷშმეგორუ დიდი ზჷმათ. კიდალეფი ვერტიკალური რე ვარა ტერასულ-ოკუჩხურიშობური, ქვინჯი ბირტყა, დაკებულიე ლავათ. ოშინალიე, ნამდა კრატერს არძო ვულკანი ვეტალენს.
ვულკანური კრატერი მუჭოთ თაშინ, ვულკანიშ კონკას ვარა კართეს იდვალუაფუ. კრატერიშ ქვინჯის ართი ვარა მუსხირენი ვულკანური ჸალი რე, მუდგაშ მეშქაშალათ ჟიდოხიშა ეშმურს ლავა დო შხვა ვულკანური პროდუქტეფი. ნამთინეშა კრატერიშ ქვინჯი უკებჷ ტობას ვარა ახალაშო აკოქიმინელ მორჩილ ზჷმაშ ვულკანურ კონუსის. ვულკანური ტობა ოვალური ფორმაში რე დო ოძგალე ღოზი დახე უდუნწყუმუ რე. ტობა დიდი ზჷმაშ ქორენ-და, თინა შხირას დიდი სიტომბასჷთ ოჭირინუანს. თეშნერი ტობეფი რე სამანგათ, კამჩატკაშ ჩქონს.
ქოძირით თაშნეშე
[რედაქტირაფა | წყუშ რედაქტირაფა]რესურსები ინტერნეტში
[რედაქტირაფა | წყუშ რედაქტირაფა]- კრატერი – ენციკლოპედია ბრიტანიკა (ინგლისური)
- კრატერი – დიდი საბჭოთა ენციკლოპედია Archived 2011-07-02 ვებ-ხასჷლას Wayback Machine.
- კოროცხუაფონი ერკებულიშ ელემენტი
{{ქიანაშ მუნაჩემეფი {{{1}}} | country flaglink2 | variant = | size = | name = | altlink = მორაგბეეფიშ ერუანული ნაკორობა | altvar = rugby }}
- ვულკანური კრატერი Archived 2011-12-11 ვებ-ხასჷლას Wayback Machine. (ინგლისური)
- ფოტოგალერეა Archived 2016-03-05 ვებ-ხასჷლას Wayback Machine. (გერმანული)
ლიტერატურა
[რედაქტირაფა | წყუშ რედაქტირაფა]- Геологический словарь: в 2-х томах. — М.: Недра. Под редакцией К. Н. Паффенгольца и др.. 1978.