ზაალ ჯალაღონია
ზაალ ჯალაღონია (დ. 1981, 24 პირელი, ჩხოროწყუშ მუნიციპალიტეტი, ოფუტე კირცხი) – პოეტი, ლიტერატორი. 2002 წანას გაათუ ქართიშ სახენწჷფო უნივერსიტეტიშ ზუგდიდიშ ფილიალი დო უკული გურაფა გაგინძორჷ ჯავახიშვილიშ უნივერსიტეტიშ მაგისტრატურას. რე ართი პოეტური კათელიშ - "დაბადებული ემბრიონებიშ" ავტორი. გჷშაშქუმალირი აფჷ მენცარული ნახანდი ოთარ ჭილაძეშ ,,გოდორიშენი“. თანგუნს ინგლისარ პოეტეფც ქორთულ დო მარგალურ ნინეფშა.
ბიოგრაგია
[რედაქტირაფა | წყუშ რედაქტირაფა]კირცხიშ სკოლაშ თებაშ უკული, ზაალ ჯალაღონიაქ გურაფა გაგინძორჷ ქართიშ სახენწჷფო უნივერსიტეტიშ მაგისტრატურას, სოდე გათუ მაგისტრატურა. პროფესიათ ფილოლოგი რე დო ჭარუნს ალმანახურ ლიტერატურაშ სფეროს.
მუშ ნანაშ ნინეფიშ, მარგალურიშ დო ქორთულიშ მოხ, რაგადანს ინგლისურო დო ფრანგულო.
2018 წანაშე, ზაალ ჯალაღონია რე პარიზის, საფრანგეთის.
ჭარუაშ სტილი
[რედაქტირაფა | წყუშ რედაქტირაფა]ზაალ ჯალაღონია რე გიშნაგორა მაჭარალი, რჩქინელი მუში კაბეტი მიშნაღელით მარგალურ ნინაშა დო ლიტერატურაშა. თინა რე ჩქინ ბორჯიშ ართ-ართ უკაბეტაში ჭარუ, ნამუთ ჭარუნს მარგალურ ნინაშა დო გოსოფურ სიმაღალეშა ეშმაჸუნს ნანაშ ნინაშა მეკონიშ გუმოხანტუა. თენას გჷშაკერზაფილი შანულობა უღჷ თიჯგურა მაღურუ შარას გერინელი ნინაშო, მუჭომით მარგალურ რე, ნამუთ რე სტიგმატიზირებულო დო ვა რე პოპულარული ომორდუალეფს შკას. თიში ნამთინე ხანდა ხვალე მარგალურიშ სიხვამარდეს ვა მოძირანან, ხოლო მოძირანა მარგალურიშ, მუჭოთ პოეტურო გჷმოხანტუაშ შულობეფს.
| მარგალურო | ქორთულო | ინგლისურო |
|---|---|---|
| დიხაშე ვეშესოფენი
ჩქიმ უჯვეშაში ჯინჯი რე |
მიწიდან რომ ვერ ამოგლეჯ
ჩემი უძველესი ძირია |
What you cannot uproot
is my ancient root |
ზაალ ჯალაღონიაშ ლერსეფიშ თემატიკა შხვადოშხვანერი რე, მარა უმოსო რე ფილოსოფიური დო მეტაფიზიკური. უღჷ პატრიოტული ლერსეფი. თიში ნაჭარეფს მუში აბანი უღჷ მარგალური ნინაშ დო იდენტობაშ გინოსკილადაშ შანულობას. ნახანდუეფს აფხვადჷნა მითოლოგია დო კოლხეთიშ ისტორიათ.
კრჷბეფი დო გიშაშკუმალირი ნახანდეფი
[რედაქტირაფა | წყუშ რედაქტირაფა]2022 წანას, მარგალური ნინაშ ასოციაციაქ გეგშაშქჷ პოეტიშ მარგალური ნინაშა ნაჭარა ლერსეფიშ კათელი, სოთინ ვა ვორდინ თინწკჷმა".
2014 წანას გეგშართჷ კათელქ: "ლერსეფი" (ქორთ: "ლექსები").
2004 წანას, გჷშნაშქუმელი აფჷ მენცარული ნახანდი ოთარ ჭილაძეშ ,,გოდორიშენი"
ზაალ ჯალაღონიაშ კათელი: "სოთინ ვა ვორდინ თიმწკუმა"
მენაჭირინუეფი
[რედაქტირაფა | წყუშ რედაქტირაფა]2013 წანას გიმორძგჷ ლიტერატურული კონკურსის ,,ართი ლერსიში თანგუა", სოდეთ თანგჷ რ. კიპლინგიშ ლერსი ,,მორო".
2023 წანაშ ქირსე თუთას ლიტერატურულ ჟურნალი ,,ებგურქ" გეგნოჩჷ გრანელიშ პრემია.
რესურსეფი ინტერნეტის
[რედაქტირაფა | წყუშ რედაქტირაფა]- დაბადებული ემბრიონეფი
- სოთინ ვა ვორდინ თიმწკუმა —