თავრიზი (გჷმოთქუალა (?·i) თებრიზი, თაბრიზი, სპარს. تبریز, გჷმოთ. [tæbˈriːz] Tabriz, აზერ. Təbriz) — ნოღა ირანს, ურმიაშ ტობაშ გოხოლუას, ნამუშ მახორობა 1,4 მილიონ ადამიერშე უმოსი რე, ბჟაეიოლ აზერბაიჯანიშ პროვინციაშ ადმინისტრაციული ცენტრი. ნოღა იდვალუაფჷ სეჰენდიშ ვულკანურ მასივეფს დო ეინალიშ გვალაშ შქას. ნოღაშ თარი მახორუეფი რენა აზერბაიჯანალეფი, უკულ ეკოჸუნა სპარსალეფი, ქურთეფი დო შხვა ერუანობა. მახორობა რაგადანს მუჭოთ აზერბაიჯანულ, თაშნეშე სპარსულ ნინეფშა. ირანიშ სიკაბეტათ მაჟაანთხა ნოღა. ნოღას რე თავრიზიშ რკინაშარაშ დგჷმილი (1916).
