თეოდორ ბილროთი
| კრისტიან ალბერტ თეოდორ ბილროთი | |
| Christian Albert Theodor Billroth | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 6, 1894 (64 წანერი) |
| ღურაშ აბანი: | |
| ომენცარე სფერო: | |
| სამუშაშ აბანი : |
ციურიხიშ ქირურგიული ჰოსპიტალი |
| ალმა-მატერი: |
გრაიფსვალდიშ უნივერსიტეტი |
| ჯოხოშინელი მოგურაფეეფი: |
ალექსანდრე ფონ ვინივარტერი |
| ჩინებული რე მუჭოთ: | |
კრისტიან ალბერტ თეოდორ ბილროთი (გერმ. Christian Albert Theodor Billroth; დ. 26 პირელი, 1829, ბერგენ-აუფ-რიუგენი, პრუსიაშ ომაფე — ღ. 6 ფურთუთა, 1894, ოპატია, ავსტრია-უნგრეთი) — ავსტრიალი ექიმი, ქირურგი.
ბიოგრაფია
[რედაქტირაფა | წყუშ რედაქტირაფა]თეოდორ ბილროთიქ დებადჷ ბერგენ-აუფ-რიუგენს, პრუსიაშ ომაფეს, 1829 წანაშ 26 პირელს. 5 წანერ ჸოფე თეოდორ, მუმა ტუბერკულოზით ღურუნ. სკოლაშ თებაშ უკულ გურაფულენდჷ მედიცინას გრაიფსვალდიშ უნივერსიტეტის, გეტინგენიშ უნივერსიტეტის დო ბერლინიშ უნივერსიტეტის. გურაფაშ თებაშ უკულ დიჭყჷ სამედიცინო პრაქტიკა. 1853-1860 წანეფს ბილროთი ბერლინიშ შარიტეშ კლინიკას, ბერნარდ ფონ ლანგენბეკიშ ასისტენტი რდჷ. გემანიას პრაქტიკაშ თებაშ უკულ გინორთჷ შვეიცარიაშა დო ციურიხიშ უნივერსიტეტის ქიდიჭყჷ მუშობა. ციურიხის ბილროთიქ 1863 წანას გიშაშქჷ წინგი ქირურგიული პათოლოგია დო თერაპია. 1867 წანაშე ბილროთი ვენაშ უნივერსიტეტიშ ქირურგიაშ პროფესორი რე. 1872 წანას ბილროთიქ აკეთჷ ეზოფაგოტომია დო 1873 წანას მაართა ლარინგექტომია. 1876 წანას ბილროთიქ გინირთჷ მაართა ქირურგო, ნამუთიქ ეშაჭკირ რექტალური კიბო. ბილროთი რდჷ მაართა ქირურგი ნამუქით აკეთჷ გასტრექტომია.
თეოდორ ბილროთიქ ქირურგიაშა ახალ მეთოდეფ მიშეღჷ. რდჷ აბდომინალური ქირურგიაშ პიონერი, ბილროთიშ მეთოდეფ ამდღარშახ გიმირინუაფუ მედიცინას. რდჷ შხვადოშხვა სამედიცინო წინგეფიშ დო ნახანდეფიშ ავტორი.
მუსიკა
[რედაქტირაფა | წყუშ რედაქტირაფა]თეოდორ ბილროთი რდჷ მუსიკოსი, ვირტუოზი პიანისტი. იოჰანეს ბრამსი აფასენდჷ ბილროთიშ ტალანტის დო მუშ მუსიკალურ ნახანდეფიშ მანუსკრიპტეფს ხოლო უჯღონანდჷ ბილროთის, ოინტერესჷდჷ თიშ აზრი. ბილროთი ბრამსიშ რეპეტიციეფს ხოლო ოკათუდჷ.
ტიტულეფი
[რედაქტირაფა | წყუშ რედაქტირაფა]1887 წანაშე თეოდორ ბილროთი ავსტრიაშ ლორდეფიშ პალატაშ მაკათური რდჷ, 1888 წანაშე გერმანული მენცარობაშ აკადემიაშ მაკათური.
რესურსეფი ინტერნეტის დო ლიტერატურა
[რედაქტირაფა | წყუშ რედაქტირაფა]
- Christian Albert Theodor Billroth: Master of surgery
- თეოდორ ბილროთი — Find a Grave-ს
- Telitschkin I., Theodor Billroth (1829–1894) in Russland. Würzburger medizinhistorische Mitteilungen. Band 23, S. 385–392. Würzburg: Verlag Königshausen & Neumann GmbH, 2004.