თეოდორ მაიმანი
| თეოდორ მაიმანი | |
| ინგლ. Theodore Maiman | |
 თეოდორ მაიმანი 1985 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 5, 2007 (79 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ჰიუზიშ რკვიებეფიშ ლაბორატორიეფი |
| ალმა-მატერი: | |
| ომენცარე ხემანჯღვერი: | |
| ჩინებული რე მუჭოთ: |
ლაზერიშ გჷმმაგონებელი |
| ჯილდოეფი დო პრემიეფი: |
სტიუარტ ბალანტაინიშ მენდალი (1962) |
თეოდორ ჰაროლდ მაიმანი (ინგლ. Theodore Harold Maiman; დ. 11 კვირკვე, 1927, ლოს-ანჯელესი, კალიფორნია, ააშ — ღ. 5 მესი, 2007, ვანკუვერი, ბრიტანეთიშ კოლუმბია, კანადა) — ამერიკალი ფიზიკოსი დო ინჟინერი, შინელი რე მუჭოთ ლაზერიშ გჷმმაგონებელი. მაიმანიშ გჷმოგონებეფს უკულ გიარსხუ ლაზერიშ შხვადოშხვა ტიპეფიშ გოვითარაფაქ. ლაზერიშ გჷმოგონებაშ დო გოვითარაფაშ ისტორია, მაიმანის ეჭარილი აფჷ მუშ წინგის ლაზერიშ ოდისეა.
თეოდორ მაიმანი გურაფულენდჷ კოლორადოშ უნივერსიტეტის (ბოულდერი). უკულ გურაფა გაგინძორჷ სტენფორდიშ უნივერსიტეტის, სოდეთ მიპალუ მაგისტრიშ ხარისხი ელექტროტექნიკაშ დარგის. ოდოქტორე დისერტაცია თხილუ 1955 წანას ფიზიკას. მაიმანიშ ოდოქტორე ხემანჯღვერი რდჷ გიშარჩქინელი ამერიკალი ფიზიკოსი, ნობელიშ პრემიაშ ლაურეატი უილის ლემბი. გურაფაშ თებაშ უკულ მაიმანი მუშენდჷ ჰიუზიშ რკვიებეფიშ ლაბორატორიას. ჸათე კომპანიას მუშობაშ ბორჯის, კომპანიაშ დაფინანსებათ, მაიმანიქ გჷმიგონჷ ლაზერი. 1960 წანას მაიმანიქ ჯურნალ Nature-ს გჷმაბჟინუ მენცარული სტატია, სოდეთ ეთმოჭარუნს მუშ მენცარულ რკვიებეფს, ლაზერიშ გეშა. ლაზერიშ გჷმოგონებაშ უკულ, 1961 წანას მაიმანიქ ომუშებუშა გეგნორთჷ Quantatron-იშ კომპანიაშა. 1962 წანას მაიმანიქ დარსხუ კომპანია Korad Corporation დო რდჷ თიში პრეზიდენტი. 1971 წანას მაიმანიქ დარსხუ კომპანია Laser Video Corporation. თეოდორ მაიმანი რდჷ შხვადოშხვა პრემიეფიშ დო ჯილდოეფიშ ლაურეატი. 1962 წანას მიპალუ სტიუარტ ბალანტაინიშ მენდალი, 1966 წანას ოლივერ ბაკლიშ პრემია. 1976 წანას ამერიკაშ ოპტიკაშ ჯარალუაქ მაიმანის გინოჩჷ რობერტ ვუდიშ პრემია, მაართა ლაზერიშ პიონერული გოვითარაფაშ გეშა. 1983 წანას მაიმანიქ მიპალუ ვოლფიშ პრემია ფიზიკას. 1987 წანას იაპონიაშ ფონდიქ მაიმანის ლაზერიშ გოვითარაფაშ გეშა გინოჩჷ იაპონიაშ პრემია. ჟურნალი Time-იშ ვერსიათ ლაზერიშ გჷმოგონება რდჷ XX ოშწანურაშ ართ-ართი თარი მოლინა. თეოდორ მაიმანი რდჷ ამერიკაშ მენცარობეფიშ აკადემიაშ, ამერიკაშ ინჟინერიაშ აკადემიაშ, ამერიკაშ ფიზიკაშ ჯარალუაშ დო ამერიკაშ ოპტიკაშ ჯარალუაშ მაკათური. თეოდორ მაიმანიქ ღურუ 2007 წანაშ 5 მესის, მასტოციტოზით, ვანკუვერს, კანადას.
რესურსეფი ინტერნეტის
[რედაქტირაფა | წყუშ რედაქტირაფა]