ინგუშეფი

ინგუშეფი, დორხველი ჯოხოდვალა ღალღა — ინგუშეთიშ ტერიტორიას მახორუ კათა, იჩიებუნა ინგუშურ ნინაშა. თინეფიშ მუდანობა მეხოლაფირო 158 ვითოში კოჩი (1970 წ.). რელიგიათ ინგუშეფი სუნიტი მუსლიმეფი რენა. ინგუშეფიშ ჯინჯიერი საქვარი რე მეორინჯალა, დიხაქმენდალა. თუშეფი, ფშაველეფი დო ხევსურეფი ინგუშეფს ქისტეფო მიშინუანა.

ისტორია

ინგუშეფი ნინათ დო კულტურათ მოჯგირე ჩეჩენეფწკჷმა ართო ოორუე კავკაციაშ კვირდი მახორობას აკმადგინანა. გვალაშე რზენშა გინოხორუა XVI-XVII ოშწანურეფს დიჭყეს. რზენს თინეფიშ მაართა მახორუ ოფუტე ანგუში/ინგუში რდჷ, სოჸურეშეთ მოურსჷ თინეფიშ ჯოხო. 1943-1944 წანეფს ინგუშეფი მასობურო გინახორუეს აზიაშა დო ყაზახეთშა. გინოხორაფაშე თინეფქ 1957 წანას დირთეს.

ლიტერატურა

• ქორთული სხუნუეფიშ ენციკლოპედია ტ. 5, ხს. 132, ქთ., 1980 წანა.