ინდოირანული ნინეფი
██ ინდოირანული
ინდოირანული ანუ არიული ნინეფი[1]— წჷმარინუანს ინდოევროპული ნინეფიშ ფანიაშ, ბჟაეიოლიშ, ჩქინშახ მოჭირინაფილ არძაშე კაბეტ ჸას. ნინეფიშ თე ფანიაშ ჸუნს მილიარდშე უმოსი მორაგადე დო თიში გულაშ ტერიტორია გინოჩქ კავკაციაშე (ოსური) დო ბალკანეთიშე (ჩაჩანური ნინა) ბჟაეიოლშა — სინძიანშახ (სარიქოლი) დო ასამაშახ (ასამური), ობჟათეშა — მალდივეშახ (მალდივური).
ფანიაშ არძა ნინაშ ართამ წიმოხონო მერჩქინელი რე პროტო-ინდოირანული ნინა (თაშნეშე ჩინებული მუჭოთ არიული ნინა), ნამუშათ ინდოირანალეფი ჯვ.წ მა-3 ავითოშწანურაშ ბოლოშ რაგადანდესჷნ. თეხანური ინდოირანული ნინეფი სუმ ბუნათ ირთჷ, თენეფი რე: ინდოარიული, ირანული დო ნურისტანული ნინეფიშ ფანიეფი. კანკალე შვანს, დარდიული ნინეფი წჷმორჩქინელი რე მუჭოთ ფანიაშ მაანთხა ზოხორინელი ბუნა. მარა თეხანური რკვიალეფიშ უმენტაშობა, დარდიული ნინეფიშ ბუნას, ინდოარიული ნინეფიშ ფანიაშ, არქაულ მაკათურო მირჩქინანას.[2]
სქოლიო[რედაქტირაფა | წყუშ რედაქტირაფა]
- ↑ Numeral Types and Changes Worldwide, by Jadranka (EDT) Gvozdanovic, Language Arts & Disciplines,1999, Page 221. Books.google.com. კითხირიშ თარიღი: 2013-01-02.
- ↑ Jain, Danesh; Cardona, George, eds (2007). "The Indo-Aryan languages". The Indo-Aryan languages. p. 905. ISBN 978-0415772945. "'Dardic' is a geographic cover term for those Northwest Indo-Aryan languages which [..] developed new characteristics different from the IA languages of the Indo-Gangetic plain. Although the Dardic and Nuristani (previously 'Kafiri') languages were formerly grouped together, Morgenstierne (1965) has established that the Dardic languages are Indo-Aryan, and that the Nuristani languages constitute a separate subgroup of Indo-Iranian.".