ოსური ნინა

ვიკიპედიაშე
ოსური ნინა
Ирон ӕвзаг
გოფაჩილი რე რუსეთიშ შილა რუსეთი, საქორთუოშ შილა საქორთუო, თურქეთიშ შილა თურქეთი
მორაგადეეფიშ მუდანობა 700 000 ადამიერი
ლინგვისტური კლასიფიკაცია ინდოევროპული ნინეფი
ირანული ბუნა
ბჟაეიოლი გიმენბუნა
ჭარალუაშ სისტემა კირილიცა (ოსური ანბანი)
ნინაშ კოდეფი ISO 639-1: os
ISO 639-2: oss
ISO 639-3: oss
ვიკიოფირჩა

ვიკიოფირჩას რე ოსური ნინამი ვიკიპედია

ოსური ნინა (ოს. Ирон ӕвзаг ვარდა Иронау, სპარს. اوسِتی), ინდოევროპულ ნინეფიშ ფანიაშ ირანულ ბუნაშ ნინა რე; გენეტურო მითმიარსხუ სკვითურ-ალანურ ნინას. თაროგოფაჩილი რე ოორუე ოსეთის, თაშნეშე საქორთუოს (ცხინვალიშ რეგიონს დო ნორთობურო კანკალე რეგიონს), ყაბარდო-ბალყარეთის დო სტავროპოლიშ აკანს. ოსურ ნინაშა მორაგადეეფიშ მუდანობა ასე 700 000-შახ რე.

ოსურ ნინაშ უღუ ჟირი დიალექტი: ირონული (სალიტერატურო ნინაშ ოსხირი რე) დო დიგორული. ოსური ნინაშ ფონეტიკას დო ლექსიკას დიდი გოლინა იღვენუ კავკაციური ორენქ, გიშაკეძაფილო ქორთულ ნინაქ.

ალმახანურ ოსურ ნინაქ გჷმიქომინჷ ირანულნინამი მახორობაშ კათაფათ ოორუე კავკაციაშ აკანური მახორობაწკჷმა, ნამუქჷთ თათარ-მონღოლეფიშ დო თემურლენგიშ მიშაკათინიშ ბორჯის ცენტრალურ კავკაციაშა ირტეს. თეშნერო, ოსურ ნინაქ გედიდარჷ ინდოევროპული ნინეფიშო ურჩქვანელი ლექსიკათ (აშკარათ ადიღეური, ნახურ-დაღესტანური დო ქართველური წჷმოულობაშ ზიტყვეფით), თეჯგურა ირაგადინე ფონოლოგიურ აკოდგინალუაშე ხოლო. 28 წოროხონარამი რე (მ. შ. კვათჷრეფი — კ, წ, ჭ, ტ, პ) დო 7 ხონარამი. ნინას 9 რთაფა უღუ. რთაფა აგლუტინაციური რე, უღულაფა — ფლექსიური. ოსურ ნინას ძალამ კომპლექსური გრამატიკა უღუ. ოსურ ნინაქ ჯვეშირანული ნინაშ მიარე მუშობურობეფი ქისქილიდუ. ოსური რთაფა აკმოდირთუ 8 რთაფაშე.

რესურსეფი ინტერნეტის[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]