ისმაილ ჰანია
| ისმაილ ჰანია إسماعيل هنية | ||
.jpg) ჰანია 2020 წანას | ||
| ჰამასიშ პოლიტიკური ბიუროშ დუდმახვენჯი | ||
|---|---|---|
| პოსტის გერინაშ ბორჯი | ||
| 6 მესი, 2017 – 31 კვირკვე, 2024 | ||
| წიმოხონი | ხალედ მაშალი | |
| მონძე | იაჰია სინვარი | |
| პოსტის გერინაშ ბორჯი | ||
| 4 პირელი, 2013 – 6 მესი, 2017 | ||
| წიმოხონი | მუსა აბუ მარზუკი | |
| მონძე | სალეჰ ალ-არური | |
| პოსტის გერინაშ ბორჯი | ||
| 14 მანგი, 2007 – 13 ფურთუთა, 2017 | ||
| პრემიერ-მინისტრი | მუჰამედ ავადი ისამ ალ-დაალისი | |
| წიმოხონი | პოსტიქ გიჭყჷ | |
| მონძე | იაჰია სინვარი | |
| პოსტის გერინაშ ბორჯი | ||
| 29 მელახი, 2006 – 2 მანგი, 2014 | ||
| პრეზიდენტი | მაჰმუდ აბასი (რამალა) აზიზ დუეიკი (ღაზაშ სექტორი) | |
| წიმოხონი | აჰმედ კურეი | |
| მონძე | რამი ჰამდალა მუჭოთ (პალესტინაშ სახენწჷფოშ პრემიერ-მინისტრი) | |
| დუნაბადი | 29 ღურთუთა, 1962 ალ-შატი, ღაზაშ სექტორი | |
| ნაღურა | კვირკვე 31, 2024 (62 წანერი) თეირანი, ირანი | |
| ღურაშ ბაძაძი | ჸვილუა | |
| ნთხორუ აბანი | ლუსაილი, კატარი | |
| მენოღალობა |  პალესტინა | |
| ერუანობა | პალესტინარი | |
| პოლიტიკური პარტია | ჰამასი | |
| ალმასქუ | ამალი | |
| სქუალეფი | 13 | |
| გონათაფა | ღაზაშ ისლამური უნივერსიტეტი | |
| რელიგია | ისლამი | |
ისმაილ ჰანია (არაბ. إسماعيل هنية, დ. 29 ღურთუთა, 1962 — ღ. 31 კვირკვე, 2024) — პალესტინარი პოლიტიკოსი, ჰამასიშ პოლიტიკური ბიუროშ დუდმახვენჯი 2017-2024 წანეფს. ჰანიას, 2006-2014 წანეფს უკებუდჷ პალესტინაშ ერუანული ადმინისტრაციაშ პრემიერ-მინისტრიშ პოსტი დო 2007-2017 წანეფს რდჷ ჰამასიშ ლიდერი ღაზაშ სექტორს.
ჰანია გურაფულენდჷ არაბული ლიტერატურას ღაზაშ ისლამური უნივერსიტეტის, ნამუთ გათუ 1987 წანას. სტუდენტობაშ ბორჯის თიქ დეხოლჷ ჰამასიშ პოლიტიკურ იდეეფს. ჰანია ფშხირას მონაწილენდჷ გიშულეფს დო დემონსტრაციეფს, ჸათე აქტივიზმიშ გეშა სუმშა რდჷ ჭოფილი. 1992 წანას ჰანია გადუდიშულეს დო ლიბანშა გეგნახორეს. ღაზაშა დორთაშ უკულ, ჰანიაქ მუშობა ქიდიჭყჷ ღაზაშ ისლამური უნივერსიტეტის, სოდეთ ფაკულტეტიშ დეკანიშ პოსტი უკინებუდჷ. 1997 წანას ჰანიაქ გინირთჷ ჰამასიშ ლიდერო დო ორგანიზაციაშ დინახალე შანულამი პოპულარობა მიპალუ. 2006 წანაშ პალესტინაშ საპარლამენტო გიშაგორუეფს ჰამასიქ გემორძგუ. ოგიშაგორუე კამპანიაშ მიმალობას ჰამასიქ ხუჯი დუკინჷ აკოანჯარაფილი აწმარენჯობას ისრაელიშ მეხჷ. გიშაგორუეფიშ შედეგო, ჰანიაქ გინირთჷ პალესტინაშ ერუანული ადმინისტრაციაშ პრემიერ-მინისტრო, მარა მალას 2007 წანაშ 14 ივანობას, პალესტინაშ პრეზიდენტიქ, მაჰმუდ აბასიქ ჰანია პრემიერიშ პოსტიშე გეგნარინუ. ჸათე ბორჯიშო ართიანწკჷმა კონფლიქტური ურთიართალა უღუდეს ჰამასის დო ფათხის. ჰანიაქ, აბასიშ, მუჭოთ ფათხიშ მაკათურიშ გინოჭყვიდირს ვადაჸუნჷ დო პრემიერ-მინისტრობაშ საქვარუას აგინძორენდჷ ღაზაშ სექტორს. 2006-2007 წანეფს ჰანია რდჷ ჰამასიშ ლიდერი ღაზას. ბრელი ურცხოალი დიპლომატი ჰანიას პრაგმატული პოლიტიკოსო მითმირჩქინანდჷ.
2017 წანაშე ჰანია კატარს ცხოვრენდჷ. 2017 წანაშ 6 მესის, ჰანიაქ გიშაგორილქ იჸუ ჰამასიშ პოლიტიკური ბიუროშ დუდმახვენჯო. ჰანიაშ ხემანჯღვერობათ, 2023 წანაშ გჷმათუთას, ჰამასიქ ისრაელს ქიგიანთხჷ. შედეგო, ქიდიჭყჷ ისრაელ-ჰამასიშ ლჷმაქ. ჸათე ბორჯიშე ისრაელი ოცადუდჷ ჰამასიშ ლიდერეფიშ ლიკვიდაციას. 2024 წანაშ 31 კვირკვეს, ისრაელიშ სპეცნინალაშ მოსადიშ აგენტეფქ, ჰანია აფეთქეს თეირანიშ ართ-ართი სასუმაროს.