დინორეშა გინულა

კატარი

რსხილეფიშ რედაქტირაფა
ვიკიპედიაშე
კატარიშ სახენწჷფო
არაბ. دولة قطر‎‎
კატარი
კატარიშ
დევიზი: არაბ. الله، الوطن، الأمير‎‎
ალლაჰ, ალ-ვათან, ალ-ამირ
"ალაჰი, ერი, ამირა"
ჰიმნი: არაბ. السلام الأميري‎‎
As-Salām al-Amīrī
"ჯგირობუა ამირს"

კატარიშ ორენი
ნანანოღა
(დო უკაბეტაში ნოღა) 		დოჰა

25°18′ ოორ. გ. 51°31′ ელ. გ. / 

ოფიციალური ნინა(ეფი) არაბული[1]
რელიგია (2020)
თარობა უნიტარული გვერდო კონსტიტუციური მონარქია ავტორიტარული თარობაშ გიმე[2][3]
 -  ამირა თამიმ ბინ ჰამად ალ თანი
 -  პრემიერ-მინისტრი მოჰამედ ბინ აბდულრაჰმანი
ფართობი
 -  გვალო 11,581 კმ2 (158-ო)
მახორობა
 -  2023 ფასებათ 3,063,005[4] (139-ა)
 -   census 1 699 435[5] 
 -  მეჭედალა 264 ად/კმ2 (52-ა)
ედპ (ჸუპ) 2024 ფასებათ
 -  გვალო $356.0 მილიარდი[6] (60-ა)
 -  ართ მახორუშე $115,075 (4-ა)
აგი (2023) 0.886 (მაღალი) (43-ა)
ვალუტა რიალი (QAR)
ბორჯიშ ორტყაფუ UTC+3
ქიანაშ კოდი QA
Internet TLD .qa
ოტელეფონე კოდი +974

კატარი (არაბ. قطر‎‎ [ˈqɑtˁɑr], აბანურო [ɡitˁar]), ოფიციალურო კატარიშ სახენწჷფო (არაბ. دولة قطر‎‎ დაულათუ კატარ) — სახენწჷფო (საამირო) არხო ბჟაეიოლს, ბჟადალი აზიას. იდვალუაფუ არაბეთიშ ჩქონიშ ოორუე-ბჟაეიოლ ნორთის, კატარიშ ჩქონს. ქიანას ობჟათეშე უხურგანს აკა სქირონიშ მეძობელი —საუდიშ არაბეთი დო უკული ირდიხაშე ომძღჷ სპარსეთიშ ჸუჯი (საუდიშ არაბეთიშ დო არაბეფიშ გოართოიანაფილი საამიროეფიშ შქას ოდებელი ტერიტორიაშ ჸოფაშ გეშა, ანდა რუკას კატარს თაშნეშე არაბეფიშ გოართოიანაფილი საამიროეფით უხურგანს). ქიანას ოორუე-ბჟადალშე ოზუღე ხურგა უღუ ბაჰრეინიშ კოკეფწკჷმა, ობჟათე-ბჟაეიოლშე — ოზუღე ხურგა არაბეფიშ გოართოიანაფილი საამიროეფწკჷმა. ქიანაშ ნანანოღა — დოჰა, სოდე ედომუშამი მახორობაშ 80%-შე უმოსი ოხორანს. ქიანაშ ტერიტორიაშ უმენტაში ნორთი აკმოდირთუ ბირტყა, რზენამი ტიოზიშე.

კატარი იგამაგებუ ალ თანიშ დინასტიაშე მუჭოთ მონძალური მონარქია, თიშ უკული, მუთ 1868 წანას მუჰამედ ბინ თანიქ ბრიტანეთწკჷმა ხე მაჭარჷ კატარიშ ზოხო სტატუსიშ აღიარფაშენ. ოსმალური გამაგალაშ უკული, 1916 წანას, კატარქ ბრიტანეთიშ პროტექტირატო გჷნირთუ დო 1971 წანას ზოხორინალა მიპალჷ. მოქიმინჯე ამირა — თამიმ ბინ ჰამად ბინ ხალიფა ალ-თანი, ნამუთ კატარიშ კონსტიტუციაშ მეჯინათ არსულენს პრაქტიკულო არძა ემოაჸინაფური, კანონდვალური დო სასამართალო ხეშუულებას ავტოკტარიული წესით.[7] თინა დჷთმარინუანს პრემიერ-მინისტრის დო მინისტრეფიშ კაბინეტის. ნორთობურო გიშაგორილი საკონსულტაციო ასამბლეას შეულებუ დობლოკას კანონპროექტეფი დო უღჷ მინისტრეფიშ პოსტიშე გინორინაფაშ გოხურგელი მეშქაშობეფი.

2017 წანაშ დაჭყაფუს, კატარიშ მახორობა აკმადგინანდჷ 2,6 ადამიერს, მარა თინეფშე ხვალე 313 000 რდჷ კატარიშ მენმოღალე, 2,3 მილიონი — ექსპატრიატეფი დო მოხანდე მიგრანტეფი.[8] ქიანაშ ოფიციალური რელიგია რე ისლამი.[9] ქიანას უღჷ მაანტხა არძაშე მაღალი ედპ მოსოფელს.[10] დო მავითაართა — ართ შური მახორუშ მეჯინათ (ატლასიშ მეთოდით).[11] ქიანა იკენს 42-ა აბანს ადამიერიშ გოვითარაფაშ ინექსის დო არაბული ოქიანუს თე მაძირაფალით მასუმა აბანს რე.[12] ქიანას უღ მაღალმუშნაჸველამი ეკონომია, ნამუთ გერსხუ მოსოფელს სიკაბეტათ მასუმა ორთაშობური გაზიშ დო ნაფთობიშ ოზირუეფს.[13] კატარი მოსოფელს ართ-ართი უკაბეტაში თხითხუ ორთაშობური გაზიშ ექსპორტიორი რე[14] დო ართ შურ მახორუშა ნოშქერჟირჟანგიშ მოსოფელს უკაბეტაში გჷმაჭოფალი.[15]

XXI ოშწანურას, კატარი რე ართბორჯულო ააშ-იშ ნატო-შ ვამაკთური მორსხუე დო შქაფონი პოლიტიკური ნძალა არაბულ ოქიანუს. ქიანაშ ეკონომიკა უწაიათ იძინანდჷ დინდარი ორთაშობური რესურსეფიშით,[16][17] დო ქიანაშ გეოპოლიტიკური ხემანჭუაფაქ მიძინჷ თიში მედიაბუნაშით — Al Jazeera Media Network, თაშნეშე არაბული აფუნიშ ბორჯის ებუძოლირი ბუნეფიშ ფინანსური მოხვარაშ ჭყოლოფუათ.[18][19][20] კატარი თაშნეშე ოკათუ სპარსეთიშ ჸუჯიშ არაბული ქიანეფიშ წოროხანდაშ სხუნუს.

ადმინისტრაციული დორთუალა

[რედაქტირაფა | წყუშ რედაქტირაფა]
კატარიშ ადმინისტრაციული დორთუალა 2004 წანაშ უკული.
კატარიშ ადმინისტრაციული დორთუალა 2004 წანაშ უკული.

კატარი 2004 წანაშ უკული გორთილი რე 7 მუნიციპალიტეტო[21] (არაბ. بلديات‎‎ — ბალადიიათი).

№ მუნიციპალიტეტი ადმინისტრაციული ცენტრი ფართობი,
კმ² 		მახორობა,
ადმ. (2010) 		მეჭედალა,
ადმ./კმ² 		ISO კოდი
1 ად-დოჰა დოჰა 234 796 947 3405,76 QA-DA
2 ალ-დაიანი ალ-დაიანი 236 43 176 182,95 QA-ZA
3 ალ-ხორი ალ-ხორი 1 551 193 983 125,07 QA-KH
4 ალ-ვაკრა ალ-ვაკრა 2 520 141 222 56,04 QA-WA
5 ალ-რაიანი ალ-რაიანი 5 818 455 623 78,31 QA-RA
6 აშ-შამალი ერ-რუვეისი 902 7 975 8,84 QA-MS
7 უმ-სალალი უმ-სალალი 310 60 509 195,19 QA-US
გვალო 11 571 1 699 435 146,87

რესურსეფი ინტერნეტის

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]
  1. ↑ The Constitution. კითხირიშ თარიღი: 31 August 2020.
  2. ↑ “The objections to Qatar hosting the World Cup reek of Eurocentrism“, NBC News. კითხირიშ თარიღი: 22 November 2022. „In condemning Qatar, we should remember that the population of this authoritarian monarchy“ 
  3. ↑ Political Stability: the Mysterious Case of Qatar. ციტატა: „; the Qatari state remains fundamentally autocratic“ კითხირიშ თარიღი: 22 November 2022.
  4. ↑ Population structure. Ministry of Development Planning and Statistics (31 January 2020). კითხირიშ თარიღი: 7 February 2017.
  5. ↑ Согласно переписи населения Катара (2010)
  6. ↑ Report for Selected Countries and Subjects: October 2024. International Monetary Fund.
  7. ↑ Qatar: Freedom in the World 2020 Country Report (en). კითხირიშ თარიღი: 6 April 2021.
  8. ↑ Population of Qatar by nationality – 2017 report. კითხირიშ თარიღი: 7 February 2017.
  9. ↑ The Constitution. კითხირიშ თარიღი: 29 October 2017.
  10. ↑ GDP per capita, PPP (current international $) | Data. კითხირიშ თარიღი: 20 November 2022.
  11. ↑ GNI per capita, Atlas method (current US$) | Data. კითხირიშ თარიღი: 20 November 2022.
  12. ↑ Nations, United (8 September 2022). Human Development Report 2021-22 (en). კითხირიშ თარიღი: 16 November 2022.
  13. ↑ Indices & Data | Human Development Reports. United Nations Development Programme (14 March 2013). კითხირიშ თარიღი: 27 June 2013.
  14. ↑ “2022 World LNG Report Press Release“, International Gas Union (IGU), 6 July 2022. კითხირიშ თარიღი: 7 October 2022. 
  15. ↑ Where in the world do people emit the most CO2? (4 October 2019). კითხირიშ თარიღი: 17 July 2021.
  16. ↑ Cooper, Andrew F.. Middle Powers: Squeezed out or Adaptive?. Public Diplomacy Magazine. კითხირიშ თარიღი: 12 March 2015.
  17. ↑ Kamrava, Mehran. Mediation and Qatari Foreign Policy. კითხირიშ თარიღი: 12 March 2015.
  18. ↑ Dagher, Sam. “Tiny Kingdom's Huge Role in Libya Draws Concern“, Online.wsj.com, 17 October 2011. კითხირიშ თარიღი: 30 December 2013. 
  19. ↑ Qatar: Rise of an Underdog. Politicsandpolicy.org. კითხირიშ თარიღი: 30 December 2013.
  20. ↑ Black (26 October 2011). Qatar admits sending hundreds of troops to support Libya rebels. კითხირიშ თარიღი: 30 December 2013.
  21. ↑ cite web | title = Qatar Municipalities | publisher = Qatar Ministry of Municipality and Urban Planning | url = http://www.baladiya.gov.qa/cui/view.dox?id=585&siteID=2%7C[ღურელი რსხილი] accessdate = | archiveurl = | archivedate = 2011-12-22}}
ვიკიოწკარუეს? რე ხასჷლა თემაშენ:
გორილი რე "https://xmf.wikipedia.org/w/index.php?title=კატარი&oldid=240884"-შე