იუვენტუსი (ოკუჩხბურთე კლუბი)

იუვენტუსი
Juventus

ედომუშამი ჯოხო	ოკუჩხბურთე კლუბი „იუვენტუსი“
შხვა ჯოხო	რჩინჷ ოსურპატჷნი, ბიანკონერი
დირსხუ	1 გერგობათუთა, 1897
სტადიონი	იუვენტუსიშ სტადიონი ტურინი, იტალია (ნტირა: 41 000 მაჯინე)
პრეზიდენტი	ანდრეა ანიელი
მაწვართალი	მასიმილიანო ალეგრი
კაპიტანი	ჯორჯო kიელინი
ლიგა	სერია A
2020-21	მე-4
ჯინჯიერი ფორმა რეზერვიშ ფორმა მასუმა ფორმა

იუვენტუსიშ არძა ბორჯიშ საუჯგუშო ბომბარდირი - ალესანდრო დელ პიერო, 2007–08 წანეფიშ სეზონი.

იუვენტუსი (იტალ. Juventus, ლათ. iuventus, gioventù: ახალნორდი), დოკუნტარაფათ იუვე — იტალიური ოკუჩხბურთე კლუბი ტურინშე. 1897 წანას დარსხუეს ტურინიშ ლიცეუმიშ სტუდენტეფქ, მუჭოთ სპორტული კლუბი იუვენტუსი. ისტორიაშ უდიდაში ნორთი იუვეს გატარებული აფჷ იტალიაშ ოკუჩხბურთე ჩემპიონატიშ უმაღალაშ ლიგას (1929 წანაშე სერია A), გჷმნარკებუ რდჷ ხვალე 2006-07 წანეფიშ სეზონი.

„რჩინჷ ოსუპრატჷნი“, მუჭოთ „იუვეს“ შხირას მიშინუანან, მასუმა კლუბიე იტალიაშ არძაშე ხანიანეფს შქას, ამდღა რინელეფშე ხვალე „ჯენოაქ“ (1893) დო „უდინეზექ“ (1896) დირსხუეს „იუვენტუსშე“ წოხოლე. „იუვე იტალიურ ოკლუბე კუჩხბურთის არძაშე წჷმოძინელი კლუბიე, მუშ აქტივს რე 57 ტიტული, არძაშ უმოსი იტალიას. ბუნაშ მაართა წჷმოძინა ჩემპიონატის 1905 წანას ითარიღებუ. თაჸურეშე მოჸუნაფილი „იუვენტუსიქ“ ორეკორდეთ, 31-შა მიგჷ ქიანაშ ჩემპიონიშ ტიტული, 9-შა მიპალუ იტალიაშ თასი, 4-შა იტალიაშ სუპერთასი, ჯამს 46 გოლაჸაფინს მიპალუ გომორძგუა იტალიას. მაართა ოერეფოშქაშე ტიტული „იუვეშო“ რდჷ 1977 წანას მოგებული უეფაშ თასი, გვალო თე ტურნირს 3-შა მიოჭირინუ წჷმოძინას, 1985 დო 1996 წანეფს ტურინიშ „იუვენტუსიქ“ უეფაშ ჩემპიონეფიშ თასიშ (1992 წანაშე ჩემპიონეფიშ ლიგა) გოლაჸაფინს მიოჭირინუ წჷმოძინას, 194 წანას მოპალაფირი აფჷ თასეფიშ მაღვენჯეფიშ თასიშ ტიტული, 2-შა უეფაშ სუპერთასი. კუჩხბურთიშ ისტორიაშა „იუვენტუსიქ“ მიშართჷ მუჭოთ მაართა კლუბიქ, ნამუქჷთ არძა ტურნირს მიოჭირინუ წჷმოძინას. „იუვენტუსი“, „ლივერპულწკჷმა“ ართო, ევროპას მაოთხა კლუბიე ოერეფოშქაშეთ აღიარაფილი ტიტულეფიშ მუდანობაშ მეჯინათ, „მილანიშ“ (17), „რეალიშ“ (15) დო „ბარსელონაშ“ (12) უკული 11 ტიტულით.

„იუვენტუსის“ გურიმოჭვეეფიშ არძაშე დიდი არმია ჸუნს იტალიას. Demos-იშ ტარებული გჷმოკითხირეფით იტალიას 32,5% „იუვეს“ გინარე, 14% „ინტერს“, 13,6% „მილანს“. იტალიაშ 20 ოლქიშე 12-ს იუვე მაართა აბანსიე, დოსქილადირი 8-შე 7-ის მაჟირას, ლიგურიას მასუმა რე „ჯენოაშ დო „სამპდორიაშ“ უკული. ოერეფოშქაშე დონეს მუთ ოწაწჷნ, გერმანული გჷშაშქუმალა Sport+Markt-იშ 205 წანაშ მუნაჩემეფით „იუვეს“ ევროპას 43 მილიონი გურიმოჭვე ჸუნს, აზიას 100, თაშნეშე 10 მილიონშახ ადამიერი გინარე ობჟათე ამერიკაშ კონტინენტის.

„იუვენტუსი“ რე ორგანიზაცია ECA-შ ართ-ართი წოროდჷმარსხუაფალი კლუბიე, ნამუქჷთ დოთჷრუ G-14.

„იუვენტუსიშ“ დინოხოლენი სტადიონიე იუვენტუსიშ სტადიონი, ნამუთ ეგაფაქ 2011 წანას ითუ. ინტირინუანს 41 000 მაჯინეს.

„იუვენტუსი“ ვარჯიშენს ტურინიშ ხოლოს დვალირ ვინოვოშ ბაზას.

აკოდგინალუა

მოჩამილიე 2015 წანაშ 27 მარაშინათუთაშ დგომარობათ.

ნომერი პოზიცია მოლაჸაფე 2 მათხილე მაურისიო ისლა 3 მათხილე ჯორჯო კიელინი (კაპიტანი) 4 მათხილე მარტინ კასერესი 6 ოშქაშემათხილე სამი ხედირა 7 გემანთხაფალი სიმონე ძაძა 8 ოშქაშემათხილე კლაუდიო მარკიზიო (მაჟირა ვიცე-კაპიტანი) 12 მათხილე ალექს სანდრო 15 მათხილე ანდრეა ბარძალი 16 ოშქაშემათხილე ხუან გილიერმო კუადრადო

ნომერი პოზიცია მოლაჸაფე 17 გემანთხაფალი მარიო მანჯუკიჩი 19 მათხილე ლეონარდო ბონუჩი 20 ოშქაშემათხილე სიმონე პადოინი 21 გემანთხაფალი პაულო დიბალა 22 ოშქაშემათხილე კვადვო ასამოა 24 მათხილე დანიელე რუგანი 25 მეკარე ნეტო 26 მათხილე შტეფან ლიხტშტაინერი 27 ოშქაშემათხილე სტეფანო სტურარო 33 მათხილე პატრის ევრა 34 მეკარე რუბინიო 37 ოშქაშემათხილე რობერტო პერეირა

ტიტულეფი

• იტალიაშ ჩემპიონი: 36

1905, 1925–26, 1930–31, 1931–32, 1932–33, 1933–34, 1934–35, 1949–50, 1951–52, 1957–58, 1959–60, 1960–61, 1966–67, 1971–72, 1972–73, 1974–75, 1976–77, 1977–78, 1980–81, 1981–82, 1983–84, 1985–86, 1994–95, 1996–97, 1997–98, 2001–02, 2002–03, 2011-12, 2012-13, 2013-14, 2014–15, 2015–16, 2016–17, 2017–18, 2018–19, 2019–20

• მაჟირა აბანი (21): 1903, 1904, 1906, 1937–38, 1945–46, 1946–47, 1947–48, 1952–53, 1953–54, 1962–63, 1973–74, 1975–76, 1979–80, 1982–83, 1986–87, 1991–92, 1993–94, 1995–96, 1999–00, 2000–01, 2008–09

• იტალიის თასი: 10

1937–38; 1941–42; 1958–59; 1959–60; 1964–65; 1978–79; 1982–83; 1989–90; 1994–95, 2014-15

• ფინალისტი (5): 1972–73, 1991–92, 2001–02, 2003–04, 2011–12

• იტალიაშ სუპერთასი: 7

1995, 1997, 2002; 2003, 2012, 2013, 2015

• ფინალისტი (3): 1990, 1998, 2005

• სერია B: 1

2006–07

• ჩემპიონეფიშ ლიგა: 2

1984–85, 1995–96

• ფინალისტი (6): 1972–73, 1982–83, 1996–97, 1997–98, 2002–03, 2014-15

• უეფას თასი: 3

1976–77; 1989–90; 1992–93

• ფინალისტი (1): 1994–95

• თასეფიშ თასი: 1

1983–84

• უეფა-შ სუპერთასი: 2

1984; 1996

• ინტერტოტოშ თასი: 1

1999

• ოკონტინენტეფოშქაშე თასი: 2

1985, 1996

რესურსეფი ინტერნეტის

• ოფიციალური ვებ-ხასჷლა
• იუვენტუსი (ოკუჩხბურთე კლუბი) Facebook-ის
• იუვენტუსიშ ქორთული ფან კლუბი Archived 2021-05-08 ვებ-ხასჷლას Wayback Machine.