სტადიონი

ვიკიპედია-შე
Jump to navigation Jump to search
„ალიანც არენა“ მიუნხენს, გერმანიას - მაართა სტადიონი რე, ნამუსჷთ მუში გალენი მიოჯინიშ ფერეფიშ თირუა შეულებჷნ.
მელბურნ კრიკეტ გრაუნდი - 10-ა უდიდაში სტადიონი რე მოსოფელს ნტირაშ მეჯინათ. თინა რე კრიკეტიშ სტადიონეფშე უდიდაში დო ართ-ართი უჯვეშაში დო სოდე იმანებუაფჷ ავსტრალიური კუჩხბურთიშ მატჩეფი.

სტადიონი წჷმარინაუნს დგჷმილს სპორტული ოძირაფუეფშო. უმენტაშ შვანს თინა წჷმორინაფილი რე, მუჭოთ დიდი მოედანი დო აბანი (ტრიბუნეფი) მაჯინეეფშო. თაშნეშე სტადიონეფწკჷმა შხირას მუთმოფხვადჷნა გეძინაფონი მუსხირენი დგჷმილი, ოგჷმათირუეფი, სავარჯიშო დარბაზეფი დო თ.უ. სტადიონი ხვალე სპორტული ღანკეფშო ვაგჷმირინუაფუ, თაქ შილებე იმანჯინას კონცერტეფქ დო შხვა ოძირაფუეფქ.

ისტორია[რედაქტირაფა | წყუშ რედაქტირაფა]

მაართა სტადიეონეფი აკოგაფილი რდჷ ჯვეში საბერძნეთის, ოლიმპიური ლაჸაფეფიშ დო შხვა სპორტული რკინალეფიშ ომაჯინაფალო. არძაშე ჯვეში ჩინებული სტადიონი იდვალუაფუ ოლიმპიას (საბერძნეთი). დუდმაართაშე სტადიონი ხვალე რულას რკინალაშო გჷმირინუაფუდჷ; თაურეშე მოურს სტადიონიშ ვეშ ზჷმაშ სტანდარტიზაციაშ პრაქტიკა — 180–200 მეტრა (ართი სტადია, სოიშეთ დგჷმილს ჯოხოქ გიადჷნ).

ართ-ართი მაართა თეხანური სტადიონო გჷნირთჷ ინგლისურ სტემფორდ ბრიჯი, ნამუქჷთ 1877 წანას გინწყჷ.

ოკუჩხბურთე სტადიონეფი[რედაქტირაფა | წყუშ რედაქტირაფა]

არსებენს მუჭოთ უნივერსალური (ქექეათლეტური, ორულარი საროტეფამი) სტადიონეფი, თაშნეშე შხირას ოკუჩხბურთე (თე ბოლო უმოს შხირას რე გოფაჩილი ინგლისის).

სტადიონი, სოდე იმაჯინაფჷ სადებიუტო მოსოფელიშ ოკუჩხბურთე ჩემპიონატიშ არძაშე მაართა მატჩიქჷნ (1930, ურუგვაი) — „სტადიონი პოსიტოსი“ ურუგვაიშ ნანანოღა მონტევიდეოს (ართ-ართი მაართა ელიფსური ფორმაშ სტადიონი მოსოფელს. თაქ იჸუ ტურნირიშ ისტორიაშ მაართა გოლქ მითოღალირქ.

რეკორდული სტადიონეფი[რედაქტირაფა | წყუშ რედაქტირაფა]

მოსოფელს არძაშე დიდი სტადიონეფი:

გეძინელი ინფორმაცია: ოკუჩხბურთე სტადიონეფიშ ერკებული ნტირაშ მეჯინათ

მოსოფელიშ არძაშე ძვირიანი სტადიონეფი:

  • Wembley Stadium (ლონდონი, გოართოიანაფილი ომაფე; 2006) — 1,5 მილიარდი დოლარი.
  • Olympic Stadium (მონრეალი, კანადა; 1976) — 1,4 მილიარდი დოლარი.
  • Cowboys Stadium (არლინგტონი, ააშ; 2009) — 1,3 მილიარდი დოლარი.

ფოტოგალერა[რედაქტირაფა | წყუშ რედაქტირაფა]


Commons-logo.svg
ვიკიოწკარუეს? რე ხასჷლა თემაშენ:

რესურსეფი ინტერნეტის[რედაქტირაფა | წყუშ რედაქტირაფა]