იუჯინ შუმეიკერი
| იუჯინ შუმეიკერი | |
| ინგლ. Eugene Merle Shoemaker | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 18, 1997 (69 წანერი) |
| ღურაშ აბანი: |
ალის-სპრინგსიშ გოხოლუას, ავსტრალია |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჩინებული რე მუჭოთ: |
პლანეტარული გეოლოგიაშ დუმარსხუაფალი |
| ჯილდოეფი დო პრემიეფი: |
ართურ ფლემინგიშ პრემია (1966) |
იუჯინ შუმეიკერი (ინგლ. Eugene Merle Shoemaker; დ. 28 პირელი, 1928, ლოს-ანჯელესი, კალიფორნია, ააშ — ღ. 18 კვირკვე, 1997, ალის-სპრინგსიშ გოხოლუას, ავსტრალია) — ამერიკალი გეოლოგი. მუში ალმასქუ კეროლინ შუმეიკერი დო კანადარი ასტრონომი დევიდ ლევიწკჷმა ართო მიოგორუ კომეტას შუმეიკერი–ლევი 9-ს, ნამუქჷთ 1994 წანაშ კვირკვეს ქარაგჷ პლანეტა დიას დო ჸათე პროცესი მოსოფელიშ მასშტაბით ტელევიზიათ გინიჩამუდჷ. თაშნეშე, შუმეიკერი რდჷ კრატერეფიშ მარკვიებელი. გურაფულენდჷ მეტეორიტულ კრატერეფს დო თინეფიშ გოჭყაფაშ ბაძაძეფს. შუმეიკერი რდჷ ამერიკაშ გეოლოგიური რკვიებეფიშ ასტროგეოლოგიური პროგრამაშ მაართა დირექტორი.
იუჯინ შუმეიკერიქ დებადჷ ლოს-ანჯელესის, კალიფორნიას. გურაფულენდჷ კალიფორნიაშ ტექნოლოგიაშ ინსტიტუტის, სოდეთ მიპალუ ბაკალავრიშ დო მაგისტრიშ ხარისხი. კალტექიშ უკულ გურაფა გაგინძორჷ პრინსთონიშ უნივერსიტეტიშ ოდოქტორე პროგრამას. ჸათე პერიოდის გეჩინებაფუ მუში მაჸალეშ და კაროლინი, ნამუთ მალას, 1951 წანას ოსურო ქიმიჸუნჷ.
1950 წანაშე იუჯინ შუმეიკერი მუშენდჷ ამერიკაშ გეოლოგიური რკვიებეფიშ ცენტრის. ჸათაქ მუშობაშ ბორჯის შუმეიკერი ვულკანეფს დო კრატერეფს ირკვიენდჷ.
1960 წანას შუმეიკერიქ პრინსტონიშ უნივერსიტეტის თხილუ ოდოქტორე დისერტაცია ჰარი ჰესიშ ხემანჯღვერობათ.
იუჯინ შუმეიკერიქ 1963 წანას დარსხუ ასტროგეოლოგიური რკვიებეფიშ პროგრამა, ნამუქჷთ მიშეღჷ დიდი თია პლანეტარული გეოლოგიაშ დისციპლინაშ გოვითარაფაშა.
შუმეიკერი რდჷ აპოლოშ პროგრამეფიშ ართ-ართი კანდიდატი. თინა იჸუაფუდჷ მაართა გეოლოგი ნამუქჷთ თუთაშა ფურინუნჷ, მარა ადისონიშ ლახარაშ გეშა, შუმეიკერიშ კანდიდატურაქ დისკვალიფიცირებულქ იჸუ.
იუჯინ შუმეიკერი რდჷ შხვადოშხვა პრემიეფიშ დო ჯილდოეფიშ ლაურეატი. 1992 წანას მიპალუ ააშ-იშ ართ-ართი რეიტინგული დო პრესტიჟული ჯილდო მენცარობაშ ერუანული მენდალი.
შუმეიკერიქ ღურუ 1997 წანაშ 18 კვირკვეს, ავტოკატასტროფას, ავსტრალიას, ნოღა ალის-სპრინგსიშ გოხოლუას.
რესურსეფი ინტერნეტის
[რედაქტირაფა | წყუშ რედაქტირაფა]- USGS page about Shoemaker
- NASA page about Shoemaker Archived 2010-01-17 ვებ-ხასჷლას Wayback Machine.