დინორეშა გინულა

კანადური კოსმოსური სააგენტო

ვიკიპედიაშე
კანადური კოსმოსური სააგენტოშ ოფიციალური გერბი

კანადური კოსმოსური სააგენტო (ინგლ. Canadian Space Agency; ფრანგ. Agence spatiale canadienne) — კანადაშ ერუანული კოსმოსური სააგენტო, ნამუქჷთ დირსხუ 1989 წანას. სააგენტო კანადაშ ინოვაციაშ, მენცარობაშ დო ინდუსტრიაშ სამინისტროშ ადმინისტრირაფაშ თუდო რე. სააგენტოშ შტაბ-ბინა იდვალუაფჷ ჯონ ჩეპმენიშ კოსმოსურ ცენტრის, ნოღა ლონგუეის, კვებეკის. სააგენტოს, თაშნეშე უღჷ ოფისეფი ოტავას, ჰიუსტონს, ვაშინგტონს დო პარიზის.

კანადაქ ჟინი ატმოსფეროშ დო კოსმოსიშ რკვიება 1940-იან წანეფშე დიჭყჷ. კანადაშ მაართა სატელიტი რდჷ Alouette 1, ნამუქჷთ გოტებულქ იჸუ 1962 წანას. ჸათეთ, კანადაქ გინირთჷ მასუმა ქიანათ ააშ-იშ დო სსრრ-შ უკული, ნამუქჷთ სატელიტი გიშეჸონჷ კოსმოსიშა.

1980-იან წანეფს კანადაშ თარობაქ დანტკიცჷ კანადური კოსმოსური სააგენტოშ აქტი, ჸათე აქტით დირსხუ სააგენტოქ. სააგენტოშ ოფიციალური დორსხუაფაშ თარიღი 1989 წანაშ 1 მელახი რე.

2021 წანაშ მუნაჩემეფით სააგენტოს ჸუნს 744 წორომოხანდე დო თიში ირწანური ბიუჯეტი დოხოლაფირო 420 მლნ. კანადური დოლარი რე.

კანადური კოსმოსური სააგენტოშ მაართა პრეზიდენტი კანადარი ფიზიკოსი ლერკინ კერვინი რდჷ.

კანადური კოსმოსური სააგენტო ბშხირას ოპერირენს ნასა დო ევროპული კოსმოსური სააგენტოწკჷმა ართო.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: