დინორეშა გინულა

კარლ გუსტავ იაკობ იაკობი

ვიკიპედიაშე
კარლ გუსტავ იაკობ იაკობი
გერმ. Carl Gustav Jacob Jacobi
დაბადებაშ თარიღი:

10 ქირსეთუთა, 1804

დაბადებაშ აბანი:

პოტსდამი, პრუსიაშ ომაფე

ღურაშ თარიღი:

ფურთუთა 18, 1851 (46 წანერი)

ღურაშ აბანი:

ბერლინი, პრუსიაშ ომაფე

მენოღალობა:

პრუსიაშ ომაფე

ომენცარე სფერო:

მათემატიკა

სამუშაშ აბანი :

კენიგსბერგიშ უნივერსიტეტი

ალმა-მატერი:

ბერლინიშ უნივერსიტეტი

ომენცარე ხემანჯღვერი:

ენო დირკსენი

ჯოხოშინელი მოგურაფეეფი:

პაულ გორდანი
ოტო ჰესე

ჯილდოეფი დო პრემიეფი:

Grand prix des sciences mathématiques (1830)
ლონდონიშ ომაფე ჯარალუა მაკათური

კარლ გუსტავ იაკობ იაკობი (გერმ. Carl Gustav Jacob Jacobi; დ. 10 ქირსეთუთა, 1804, პოტსდამი, პრუსიაშ ომაფე — ღ. 18 ფურთუთა, 1851, ბერლინი, პრუსიაშ ომაფე) — გერმანალი მათემატიკოსი.

ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]

კარლ გუსტავ იაკობ იაკობიქ დებადჷ 1804 წანაშ 10 ქირსეთუთას, ნოღა პოტსდამს, ურიეფიშ ფანიას. გურაფულენდჷ მათემატიკას ბერლინიშ უნივერსიტეტის, სოდეთ თხილუ ოდოქტორე დისერტაცია 1825 წანას, ენო დირკსენიშ ხემანჯღვერობათ. გურაფაშ თებაშ უკულ მუშენდჷ კენიგსბერგიშ უნივერსიტეტის, სოდეთ რდჷ მათემატიკაშ პროფესორი. კარლ გუსტავ იაკობ იაკობი რდჷ ლონდონიშ ომაფე ჯარალუაშ დო შვედეთიშ მენცარობეფიშ ომაფე აკადემიაშ მაკათური. იაკობ იაკობიქ მიშეღჷ დიდი თია ელიპტიკური ფუნქციეფიშ დინამიკაშ, დიფერენციალური განტოლებეფიშ, დეტერმინანტეფიშ დო რიცხუეფიშ თეორიაშ გოვითარაფაშა. რდჷ შხვადოშხვა მენცარული პუბლიკაციეფიშ ავტორი.

რესურსეფი ინტერნეტის[რედაქტირაფა | წყუშ რედაქტირაფა]