პოტსდამი

ვიკიპედიაშე
ნოღა
პოტსდამი
გერმ. Potsdam
წიმინდე ნიკოლოზიშ ოხვამე დო ჯვეში რატუშა ჯვეში ოვაჭარე მოედანს
წიმინდე ნიკოლოზიშ ოხვამე დო ჯვეში რატუშა ჯვეში ოვაჭარე მოედანს
წიმინდე ნიკოლოზიშ ოხვამე დო ჯვეში რატუშა ჯვეში ოვაჭარე მოედანს
გერბი
გერბი
ქიანა გერმანიაშ შილა გერმანია
აკანი ბრანდენბურგი
კოორდ. 52°24′00″ ოორ. გ. 13°04′00″ ელ. გ. / 
დინოხოლენი დორთუალა 9 რაიონი
ობერბუგერმაისტერი მაიკ შუბერტი
ნოღა 1345  წანაშე
ფართობი 188,61 კმ²
ცენტრიშ სიმაღალა 32
ოფიციალური ნინა გერმანული
მახორობა 175.710 კოჩი (2017)
მეჭედალა 932 კოჩი/კმ²
ბორჯიშ ორტყაფუ UTC+1, ზარხულს UTC+2
ტელ. კოდი +49 0331
ოფოსტე ინდექსი 14467–14482
ოავტომობილე კოდი P
ოფიციალური ვებ-ხასჷლა www.potsdam.de

პოტსდამი ორენი გერმანია

პოტსდამი

პოტსდამი (გერმ. Potsdam) — ნოღა გერმანიას, ქიანაშ ფედერალური დიხაშ, ბრანდენბურგიშ უკაბეტაში ნოღა დო ნანანოღა. ნოღა ბონას უხურგანს გერმანიაშ ნანანოღა ბერლინს დო რე ბერლინ-ბრანდენბურგიშ მეტროპოლიური რეგიონიშ ნორთი. ნოღა იდვალუაფუ წყარმალუ ჰაფელს, ბერლინიშ ცენტრიშე ობჟათე-ბჟადალჸურე, 24 კილომეტრიშ მოჩილითაფათ.

პოტსდამი, 1918 წანაშახ პრუსიაშ მაფეფიშ დო გერმანალი კაიზერეფიშ რეზიდენცია რდჷ. ნოღაშ დოგეგმარაფა გონათუარობაშ ეპოქაშ ხორცმეკოდგინა რდჷ: პოტსდამიშ არქიტექტურაშ დო ლანდშაფტიშ რთხილი ბალანსი, ნოღას „თოლხიბულ, პასტორალურ ორცებათ“ გჷნმართინუანს, ნამუთ მუშ მახორუს გჷთმაშინანს ორთაწკმა დო გონებაწკმა ურთიართობას.[1]

ნოღაშ ელმოლს იდვალუაფუ ართიანწკმა მერსხილი ტობეფი დო კულტურული ოქინაფუეფი, კერზოთ, გერმანიაშ უშხუაში მოსოფელშ მონძალაშ ობიექტი სანსუსიშ დოხორეეფი დო პარკეფი. ეიოშინალი რე, ნამჷ-და 1945 წანას პოტსდამიშ კონფერენციაქ თაქ, ცეცილიენჰოფიშ დოხორეს იმანჯჷ.

ბაბელსბერგიშ რაიონი, ნამუთ პოტსდამიშ ობჟათე-ბჟაეიოლ ნორთის იდვალუაფუ, 1930-იან წანეფშახ კინოწარმებაშ თარი სტუდია რდჷ დო ბერლინიშ კიდალაშ დონთხაფაშ უკული, ევროპაშ კინემატოგრაფიაშ თარი ცენტრიშ სტატუსით რგებულენს. ბაბელსბერგიშ კინოსტუდია მოსოფელს უჯვეშაში ფართომასშტამი კინოსტუდია რე.

პოტსდამი XIX ოშწანურას გერმანიაშ ომენცარე ცენტრო გჷნირთჷ. ასე ნოღას სუმი ოჯარე კოლეჯი, პოტსდამიშ უნივერსიტეტი დო 30-შე უმოსი ორკვიაფონე ინსტიტუტი ქიმინჯენს.

კლიმატი[რედაქტირაფა | წყუშ რედაქტირაფა]

ოფიციალურო კლიმატი ოკიანური რე, ნამუთ უმოსო დჷთმანთხუ წყარპიჯშე მოჩილათაფათ დო ბჟაეიოლჸურე (კიოპენი: Cfb),[2] მორო 1961-1990 წანეფიშ ნორმალური დო 0 °C იზოთერმაშ მეჯინათ, ნორასს ლადარი კონტინენტური კლიმატი (Dfb) უღუ.

ლიტერატურა[რედაქტირაფა | წყუშ რედაქტირაფა]

  • Paul Sigel, Silke Dähmlow, Frank Seehausen und Lucas Elmenhorst, Architekturführer Potsdam Architectural Guide, Dietrich Reimer Verlag, Berlin 2006, ISBN 3-496-01325-7.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. The Potsdam project, 1996, HRH The Prince of Wales, Charles; Hanson, Brian; Steil, Lucien; Prince of Wales's Urban Design Task Force; Prince of Wales's Institute of Architecture, Prince of Wales's Institute of Architecture, 1998, Introduction.
  2. Potsdam climate: Average Temperature, weather by month, Potsdam weather averages - Climate-Data.org. კითხირიშ თარიღი: 2019-01-30.