კარლ ვეიერშტრასი

კარლ ვეიერშტრასი
	კარლ ვეიერშტრასი
	გერმ. Karl Weierstraß
დაბადებაშ თარიღი:	31 გჷმათუთა, 1815
დაბადებაშ აბანი:	ენიგერლო, პრუსიაშ ომაფე
ღურაშ თარიღი:	ფურთუთა 19, 1897 (81 წანერი)
ღურაშ აბანი:	ბერლინი, პრუსიაშ ომაფე
მენოღალობა:	პრუსიაშ ომაფე; გერმანიაშ რსხუ; გერმანიაშ იმპერია
ომენცარე სფერო:	მათემატიკა
სამუშაშ აბანი :	ფრიდრიხ ვილჰელმიშ უნივერსიტეტი
ალმა-მატერი:	ბონიშ უნივერსიტეტი; მიუნსტერიშ აკადემია
ომენცარე ხემანჯღვერი:	კრისტოფ გუდერმანი
ჯოხოშინელი მოგურაფეეფი:	ნიკოლაი ბუგაევი; გეორგ კანტორი; ფერდინანდ გეორგ ფრობენიუსი; იმანუელ ლაზარუს ფუქსი; ვილჰელმ კილინგი; იოჰანეს კნობლაუხი; ლეო კენიგსბერგერი; სოფია კოვალევსკაია; მათიაშ ლერხი; ჰანს კარლ ფრიდრიხ ფონ მანგოლდტი; ოიგენ ნეტო; კარლ რუნგე; არტურ მორიც შენფლისი; ჰერმან შვარცი
ჩინებული რე მუჭოთ:	თეხანური მათემატიკური ანალიზიშ მუმა
ჯილდოეფი დო პრემიეფი:	კოტენიუსიშ მენდალი (1887); ჰელმჰოლციშ მენდალი (1892); კოპლიშ მენდალი (1895); პრუსიაშ მენცარობეფიშ აკადემიაშ მაკათური (1856); პარიზიშ მენცარობეფიშ აკადემიაშ ურცხოალი მაკათური (1879); ლონდონიშ ომაფე ჯარალუაშ ურცხოალი მაკათური (1881)
ხეშმოჭარუა:

კარლ თეოდორ ვილჰელმ ვეიერშტრასი (გერმ. Karl Theodor Wilhelm Weierstraß; დ. 31 გჷმათუთა, 1815, ენიგერლო, პრუსიაშ ომაფე — ღ. 19 ფურთუთა, 1897, ბერლინი, პრუსიაშ ომაფე) — გერმანალი მათემატიკოსი. ფშხირას მიშინუანა მუჭოთ თეხანური მათემატიკური ანალიზიშ მუმას. ვეიერშტრასიქ წჷმარინუ უჭყვადუ ფუნქციაშ დო კომპლექსური ანალიზიშ რსული დეფინიცია, დანტკიცჷ ბოლცანო-კოშიშ დო ბოლცანო-ვეიერშტრასიშ თეორემეფი.

დებადჷ ნოღა ენიგერლოშ გოხოლუას, ვესტფალიაშ პროვინციას. გურაფულენდჷ ბონიშ უნივერსიტეტის, ნამუთ ვაუთებუ. უკულ გურაფა გაგინძორჷ მიუნსტერიშ აკადემიას. ოგურუანდჷ მათემატიკას, ფიზიკას, ბოტანიკას, გიმნასტიკას მიუნსტერიშ დო ბრანევოშ გიმნაზიეფს.

1854 წანას ვეიერშტრასიქ მიპალუ საპატიო დოქტორიშ ხარისხი კენიგსბერგიშ უნივერსიტეტიშე. 1864 წანაშე რდჷ ბერლინიშ უნივერსიტეტიშ პროფესორი.

კარლ ვეიერშტრასიქ ღურუ პნევმონიათ 1897 წანაშ 19 ფურთუთას, 81 წანერქ. ვეიერშტრასიშ ჯოხონობაშ რე ართ-ართი კრატერი თუთას დო ართი ასტეროიდი. 1992 წანას ბერლინს დირსხუ ვეიერშტრასიშ ჯოხონობაშ გჷმორინაფონი ანალიზიშ დო სტოქასტიკაშ ინსტიტუტიქ.

გიშნაგორა პუბლიკაციეფი[რედაქტირაფა | წყუშ რედაქტირაფა]

Zur Theorie der Abelschen Funktionen (1854)
Theorie der Abelschen Funktionen (1856)
Abhandlungen-1, Math. Werke. Bd. 1. Berlin, 1894
Abhandlungen-2, Math. Werke. Bd. 2. Berlin, 1895
Abhandlungen-3, Math. Werke. Bd. 3. Berlin, 1903
Vorl. ueber die Theorie der Abelschen Transcendenten, Math. Werke. Bd. 4. Berlin, 1902
Vorl. ueber Variationsrechnung, Math. Werke. Bd. 7. Leipzig, 1927

რესურსეფი ინტერნეტის[რედაქტირაფა | წყუშ რედაქტირაფა]