გეორგ კანტორი

ვიკიპედიაშე
გეორგ კანტორი
გერმ. Georg Cantor

გეორგ კანტორი 1910 წანას
დაბადებაშ თარიღი:

3 მელახი, 1845

დაბადებაშ აბანი:

სანქტ-პეტერბურგი, რუსეთიშ იმპერია

ღურაშ თარიღი:

ღურთუთა 6, 1918 (72 წანერი)

ღურაშ აბანი:

ჰალე, საქსონია, გერმანიაშ იმპერია

მენოღალობა:

გერმანია

ომენცარე სფერო:

მათემატიკა

სამუშაშ აბანი :

ჰალეშ უნივერსიტეტი

ალმა-მატერი:

შვეიცარიაშ ფედერალური პოლიტექნიკური ინსტიტუტი
ბერლინიშ უნივერსიტეტი

ომენცარე ხემანჯღვერი:

ერნსტ კუმერი
კარლ ვეიერშტრასი

ჩინებული რე მუჭოთ:

მიარეეფიშ თეორიაშ დუმარსხუაფალი

ჯილდოეფი დო პრემიეფი:

სილვესტრიშ მენდალი (1904)

გეორგ ფერდინანდ ლუდვიგ ფილიპ კანტორი (გერმ. Georg Ferdinand Ludwig Philipp Cantor; დ. 3 მელახი [ჯვ.სტ. 19 ფურთუთა], 1845, სანქტ-პეტერბურგი, რუსეთიშ იმპერია — ღ. 6 ღურთუთა, 1918, ჰალე, საქსონია, გერმანიაშ იმპერია) — გერმანალი მათემატიკოსი. კაბეტ თია მიშეღჷ მიარეეფიშ თეორიაშ დორსხუაფაშა დო გოვითარაფაშა, ნამუთ მათემატიკაშ ფუნდამენტური თეორია რე.

კანტორი გურაფულენდჷ შვეიცარიაშ ფედერალური პოლიტექნიკური ინსტიტუტის. უკულ გურაფა გაგინძორჷ ბერლინიშ უნივერსიტეტის, სოდეთ თიში ლექტორეფი რდეს გიშარჩქინელი მათემატიკოსეფი: ლეოპოლდ კრონეკერი, ერნსტ კუმერი, კარლ ვეიერშტრასი. გურაფაშ თებაშ უკულ კანტორი მუშენდჷ ჰალეშ უნივერსიტეტის. რდჷ მათემატიკაშ რსული პროფესორი.

კანტორის მუში მენცარული კარიერაშ გოძვენას ბრელი კრიტიკაქ შეხვადუ. თიში თეორიას დუდშე მენცარეფი სერიოზულო ვაუჯინიდეს დო კანტორს მენცარობაშ შარლატანს ხოლო უძახუდეს. ლუდვიგ ვიტგენშტაინი მიარეეფიშ თეორიას გაციგანუდჷ დო თის ბორული დო ტყურა თეორიას ხოლო უძახჷდჷ.

რესურსეფი ინტერნეტის[რედაქტირაფა | წყუშ რედაქტირაფა]