კარტიკა

ვიკიპედიაშე

კარტიკა (სანს. कार्तिक, kārtika IAST, ტამილ. கார்த்திகை, ბენგ. কার্ত্তিক) — თუთა ინდუისტურ კალენდარს. ინდოეთიშ ართამ ერუანულ კალენდარს კარტიკა წანაშ მაბრუო თუთა რე, ნამუთ იჭყაფუ 23 გჷმათუთას დო ითებუ 21 გერგობათუთას. კარტიკას 30 დღა რე. გუჯარათიშ შტატის, კარტიკა წანაშ მაართა თუთა რე.

თუთას ჯოხოქ თიშ გეშა მიაჩჷ ნამჷ-და, თე ბორჯის თუთა კრითიკაშ მურიცხფონიშ არხოს იდვალუაფუ (პლეადეფი), ნამუშ ამშვი მურიცხიშე ირი ლჷმაშ ღორონთიშ კარტიკეიაშ ნანათ იკოროცხუ.

კარტიკაშ თუთაშ გოფშა თუთაშ დღა — კარტიკა-პურნიმა — ინდუსეფშო წიმინდე დღახუთ იკოროცხუ. თე თუთას სიქეფი ოშინუანა გურუ ნანაკ ჯაიანტის — გურუ ნანაკიშ დაბადებაშ დღას, სიქხი გურუს.

თაშნეშე ქოძირით[რედაქტირაფა | წყუშ რედაქტირაფა]