ჩაიტრა

ვიკიპედია-შე
Jump to navigation Jump to search

ჩაიტრა (ჰინ. चैत caita, სანს. चैत्र caitra, ტამილ. சித்திரை chithirai) — თუთა ინდუისტურ კალენდარს, ინდოეთიშ ართამ ერუანულ კალენდარს ჩაიტრა წანაშ მაართა თუთა რე.

თუთა ჩაიტრა იჭყაფუ 21/22 მელახის დო ითებუ 20 პირელს[1]. თეწკჷმა ართო ჩაიტრა ბენგალურ კალენდარს წანაშ ბოლო თუთა რე, სოდე თის ჯოხო ჩოიტრა (ბენგ. চৈত্র). თაშენშე თე თუთა ნეპალურ კალენდარს წანაშ ბოლო თუთა რე, ნამუთ ითებუ მეხოლაფირო 13 პირელს.

თაშნეშე თუთა ჩაიტრა იასოცირებუ აფუნიშ მუნულაწკჷმა, მუჭოთ ჰოლინ თეშ, აფუნური დღახუ, ნამუთ იშინუაფუ ჩაიტრაშ დაჭყაფუშოთ (უმოს ზუსტას, თუთა პჰალგუნაშ ბოლო დღას). ზუსტას ამშვი თუთაშ უკული იშინუაფუ ჩაიტი ჩხატჰი.

თუთაშ რელიგიური კალენდარიშ მეჯინათ ჩაიტრაშ თუთა იჭყაფუ კინ თი პერიოდის ახალი თუთათ ვარდა გოფშა თუთათ, დო რჩქვანელობურო ჩაიტრა წანაშ მაართა თუთა რე. ჩაიტრაშ მაართა დღა, მუჟამსჷთ იშანუაფუ ახალი წანაშ დღა, რჩქინელი რე მუჭოთ ჩაიტრაი ვიშნუ ტამილნადუს, უგადი - კარნატაკას დო ანდჰრა-პრადეშის, გუდი-პადვა - მაჰარაშტრას. თე ბოლოს თაშნეშე ჯოხო "შილეფიშ დღახუ", თიშენ ნამჷ-და თე დღახუშ ეშინუაშ ბორჯის გჷმოფინუნა შხვადოშხვა ფერიშ დო ზჷმაშ შილეფს. თუთაშ მაჟირა დღას მუნეფიშ ახალ წანას იშინუანა, ჩეტი ჩანდის, სინდჰეფი.

ჩაიტრაშ შხვა შანულამი დღახუეფი რე: რამა-ნავამი, ღორონთი რამაშ დაბადებაშ შინუა, ნამუთ იშინუაფუ ჩაიტრაშ თუთაშ მაჩხორა დღას, დო ჰანუმან-ჯაინატი, ნამუსჷთ იშინუანა თუთაშ ბოლო დღას.

სქოლიო[რედაქტირაფა | წყუშ რედაქტირაფა]

  1. Ульциферов О. Г. — Индия. Лингвострановедческий словарь. — М.: Рус. яз. — Медиа, 2003. — С. 535. — ISBN 5-9576-0010-5