კელტური ნინეფი
კელტური ნინეფი — მოჯგირე ნინეფიშ ფანია, ინდოევროპული ნინეფიშ ფანიაშ ნორთი. მუჟამს კელტურ ნინეფშა იჩიებჷდეს ბჟადალ დო ცენტრალურ ევროპაშ დიდ ნორთის, თინეფი ასე დოსკილადირიე ხვალე უძგაშაშ ბჟადალს: ირლანდიას, უელსის, ბრიტანეთის, შოტლანდიას.
ისტორია
[რედაქტირაფა | წყუშ რედაქტირაფა]კელტური ნინეფი ინდოევროპული ნინეფიშ ართ-ართი ბჟადალური ფანია რე. თინა ხოლოს რე იტალიკურ დო გერმანიკულ ნინეფწკჷმა. ათეშ უმკუჯინალუო კელტურ ნინეფს არძა კუნთხუთ დისტანცია უკინებუ შხვა ბუნეფწკჷმა,მუჭოთ მინშა წოხოლე მიოჩქჷდეს კელტური ნინეფიშ დო ერეფიშ გოფაჩუა ევროპას მერინაფილიე რკინაშ ფარანწკჷმა, დო უკული ლათინურ კულტურაწკჷმა. ოეგებიე შურობუმუო მერჩქინელიე ცენტრალური ევროპა წყარმალუ რაინიშ დო დუნაიშ შქას. I ვითოშწანურაშ მაართა გვერდის თინეფქ მიშართეს ბრიტანეთიშ კოკიშა მეხოლაფირო მა-VII-ს ჩქნ.წ, გალიაშა მა-VI-ს ჩქნ.წ, იბერიაშ ჩქონშა მა-V-ს ჩქნ.წ. თინეფი იფაჩუდეს ობჟათეშე ალპეფიშ გოულათ დო ოხორანდეს ორუმეშ იტალიას დო ბოლოს III ოშწანურას ჩქნ.წ. მიოჭირინუეს საბერძნეთიშახ დო მორჩილ აზიაშახ.
ნინეფი
[რედაქტირაფა | წყუშ რედაქტირაფა]ბრიტული ნინეფი
[რედაქტირაფა | წყუშ რედაქტირაფა]- ჯვეშუელსური ნინა (VI—X .)
- შქაუელსური ნინა (X—XII .)
- ახალუელსური ნინა ( XIII-შახ.)
- ჯვეშბრეტონული ნინა (VI—XI .)
შკაბრეტონული ნინა (XII—XVII.) ათეხანური ბრეტონული ნინა
- ჯვეშკორნუოლური (VI—XI.)
- შქაკორნუოლური (XII—XVI.)
- ახალკორნუოლური ნინა (XVII—XIX.)
- ათეხანური კორნუოლური ნინა ( XX-შახ.)
კონტინენტალური ნინეფი
[რედაქტირაფა | წყუშ რედაქტირაფა]არძო თე ნინა ორხველჷ ღურელ ნინეფს, დო დიდო გლახათ რე დოკუმენტირაფილი.
- ლეპონტიური ნინა
- კელტო-იბერიული ნინა
- გალიური ნინა.
კლასიფიკაცია
[რედაქტირაფა | წყუშ რედაქტირაფა]კელტურ ნინეფქ შილებე გირთას ახალ კელტურ დო ჯვეშ კელტურ ნინეფო. ახალ კელტურს ორხველჷ ცოცხალი დო ვართ თენერ დიდი ჟამიშ წოხოლე ღურელი (კორნუოლური ნინა, მენური ნინა) ნინეფი. თე გორთუალას ხვალე ქრონოლოგიური ხასიათი ვაუღუ, მარა ლინგვისტიკურსით. მაგალითო V ოშწანურას მოხვადჷ ედომუშამ რანწკი პროცესეფიშ, დითირჷ კელტური ნინეფიშ ლინგვისტიკურ მახასიათებელეფქ დო ზუსტას თე პერიოდიშე რე უმოსო სარწმუნო წყუეფი.
კელტური ნინეფიშ დინოხოლენ გენეალოგიურ კლასიფიკაციაწკჷმა მერინაფათ რე ჟჷრ თარი ჰიპოთეზა: კოკიშ დო გალიურ-ბრიტული.
კოკიშ ჰიპოთეზა (კოკიშ ნინეფი)
[რედაქტირაფა | წყუშ რედაქტირაფა]- თე ჰიპოთეზაშ მეჯინათ, ოეგებიეთ, თარი შხვაობა კელტურ ნინეფს რე: კოკიშ დო კონტინენტალური ნინეფი. მართალო, თე ნინეფი იშხვაფერებუნა კონტინენტურშე რანწკი მუშებეფით, ნამუეფიშ უმენტაშობათ უნიკალურიე ვართ ხვალე კელტური ნინეფიშ ფარგალეფს, თაშნეშე ედომუშამ ინდოევროპულ ფანიას.