კენეთ ბრანა

კენეთ ბრანა
Kenneth Branagh
კენეთ ბრანა 2011 წანას
ჯოხო დაბადებაშვანს	კენეთ ჩარლზ ბრანა
მოღალობა	არტისტი რეჟისორი პროდიუსერი სცენარისტი
ბიოგრაფიული ჩინებეფი
დაბადებაშ თარიღი	10 ქირსეთუთა, 1960 (1960-12-10)
დაბადებაშ აბანი	ბელფასტი, ოორუე ირლანდია
მენოღალობა	გოართოიანაფილი ომაფე

სერ კენეთ ჩარლზ ბრანა (ინგლ. Sir Kenneth Charles Branagh; [[IPA შანეფიშ ერკებული|/]]ˈbrænə[[IPA შანეფიშ ერკებული|/]]; დ. 10 ქირსეთუთა, 1960) — ოორუე ირლანდიარი არტისტი, რეჟისორი, პროდიუსერი დო სცენარისტი. 2015 წანაშე დრამატული ხელუანობაშ ომაფე აკადემიაშ პრეზიდენტი.

გინოღალირჷ აფჷ უილიამ შექსპირიშ ნაწარმეფიშ მუსხირენ კინოადაპტაცია: „ჰენრი V (1989) (ნამუშ გეშა მიპალჷ ოსკარიშ ჟირი ნომინაცია), „ჭაჭალი მუთუნვარშენ“ (1993), „ოტელო“ (1995), „ჰამლეტი“ (1996) (ნამუშ გეშა მიპალჷ ოსკარიშ ნომინაცია საუჯგუშო ადაპტირაფილი სცენარიშო) „მიშაფურთხონი ჸოროფაშის“ (2000), „თეშ მუჭო სი გიჸორსჷნ“ (2006). თაშნეშე რეჟისორი რე ფილმეფიში: „ოლორიშ ბირა“ (1992), „მერი შელიშ ფრანკენშტეინი“ (1994), „მაგიური ფლეიტა“ (2006), „გჷთმანაკვერალი“ (2007), „თორი“ (2011), „ჯეკ რაიანი: ბანძღუაშ თეორია“ (2014), „ჭონჭია“ (2015), „ჸვილუა ბჟაეიოლ ექსპრესის“ (2017).

მუჭოთ არტისტი ოკათუდჷ შხვადოშხვა ფილმეფს დო ტელესერიალეფს: „ლჷმაშ ფორტუნა“ (1987), „პოპულარალა“ (1998), „ტყარი, ტყარი ბჟადალი“ (1999), „აკორაგადი (2001), „რზა ელდორადოშა“ (2000), „ჰარი პოტერი დო ფულირი ოთახი“ (2002), „სიტიბაშ ოდუდეეფი“ (2005), „ვალკირია (2008), „როკ–რეღმა“ (2009), „ვალანდერი“ (2008–2016), „ართი მარა მერლინწკჷმა“ (2011) დო „დიუნკერკი“ (2017).

რე ემიშ დო BAFTA-შ ლაურეატი (სუმი ნომინაციაშე), ორქოშ გლობუსიშ დო აკადემიაშ ჯილდოშ ხუთ-ხუთ რზაშ ნომინანტი. 2012 წანაშ 9 გერგობათუთას მიაჩჷ რაინდი-ბაკალავრიშ წოდებაქ.

ლიტერატურა

• Kenneth Branagh (1990) Beginning, London: Chatto and Windus, ISBN 0-7011-3388-0; New York: W. W. Norton & Co, ISBN 0-393-02862-3.
• Ian Shuttleworth (1994) Ken & Em, London: Headline. ISBN 0-7472-4718-8.
• Mark White (2005) Kenneth Branagh, London: Faber and Faber. ISBN 0-571-22068-1.

რესურსეფი ინტერნეტის

• შეგილებუნა ქოძირათ მედიაფაილეფი თემაშე „კენეთ ბრანა“ ვიკიოწკარუეს.
• კენეთ ბრანა — კინოფილმეფიშ ინტერნეტ მუნაჩემეფიშ ბაზას (ინგლისური)
• კენეთ ბრანაშ ბიოგრაფია ვებ-ხასჷლას Tiscali film section
• ინტერვიუ კენეთ ბრანაწკჷმა (1996)
• Branagh Collection at Queen's University, Belfast
• Renaissance Theatre Company Archive, Shakespeare Institute, University of Birmingham