კვათარა

ვიკიპედიაშე
Scolopax rusticola rusticola

კვათარა, (ქორთ. ტყის ქათამი, ვალდშნეპი ლათ. Scolopax rusticola), მაფურინჯე მექუბიშობურეფიშ რანწკიშე. თიში ასაგასაშ სიგირძა 34-38 სმ, მასა - 270-350 ოჭირინუანც. მოდვალირიე ევროპას დო აზიას. ჸოფილ სსრრ-შ ტერიტორიას ფართას რე გოფაჩილი. საქორთუოს აფხვადუნა გილაფურინუაბორც, მორჩილი მუდანობათ ბუდურანც, თაშნეშე იზოთუანც. ზოთონც მუკმურც ოორუე აფრიკას, ობჟათე ევროპას, შქა დო ობჟათე აზიას, მოლენკავკაციას. ბუდურანც დიხაშ ჟიდოხის. პოლიგამი რე. დვანც 4 მარქვალც, იმოჭვუანც დადული 22-24 დღა-სერი. ირძღუ ღვენწკეფით დო ფუტურეფიშ მუნტურეფით, მუსუთ გჷნძე ნინძგით ეთმოჭოფუნც დიხაშე. რე სპორტული ჯინუაშ ობიექტი.

ლიტერატურა[რედაქტირაფა | წყუშ რედაქტირაფა]

  • ჟორდანია რ., ქსე, ტ. 10, ხს. 91, ქთ., 1986