კოლხეთი (ტელეკომპანია)

ვიკიპედიაშე

კოლხეთი 89
ტელეკომპანია კოლხეთი 89

კოლხეთი 89
ქიანა საქორთუოშ შილა საქორთუო
მიოწურაფალი საქორთუო, ჩხოროწყუ, გობეჩიაშ შოშე №5
უჭყაფაშ ბორჯი 2 საათი (დორხველური გინოჩამეფი)
შხვა სათეფი პარტნიორი ტელეკომპანიაშ გინოჩამეფი
უჭყაფაშ ნინა ქორთული/მარგალური
უჭყაფაშ ცენტრი საქორთუოშ შილა საქორთუო: ჩხოროწყუ
არხიშ თემატიკა შხვადოშხვა
უჭყაფაშ ზონა ჩხოროწყუშ მუნიციპალიტეტი
მარტვილიშ მუნიციპალიტეტი (ნორთობურო)
სანაკიშ მუნიციპალიტეტი (ნორთობურო)
წალენჯიხაშ მუნიციპალიტეტი (მორჩილ ნორთის)
ხობიშ მუნიციპალიტეტი (მორჩილ ნორთის)
ზუგდიდიშ მუნიციპალიტეტი (მორჩილ ნორთის)
დირსხუ 1989
მინჯე გოხურგილი გამამინჯალაშ ჯარალუა:
თემურ ლაშხია (60%) დო
ნესტორ კაჭარავა (40%)
მანჯღვერეეფი ნესტორ კაჭარავა (დირექტორი, ორგან-პარტნიორეფიშ ხუნაშ მადუდე)
ავტორიზაციაშ ნომერი BR-1209
http://kolkhetitv.com/

ტელეკომპანია კოლხეთი 891989 წანას, ტელეკომპანია 4 კერზო პიჯიქ დარსხუ წორწო წილამი კათაფათ. კოლხეთი 89 გოხურგელი გამამინჯალაშ ჯარალუა რე. 1993 წანაშახ დონჩალუაშ უმუშო საქვარენდჷ, 1993-1995 წანეფს უჭყაფა ობორჯეთ გაჩერჷ. უკულიან პოლიტიკურ სტაბილურალაქ, ტელეკომპანიას უჭყაფაშ გოახალაფაშ საშველი ქემეჩჷ.

ტელეკომპანია საქორთუოშ ზოხორინელი ტელე-რადიომაუჭყაფალეფიშ ასოციაციაშ მაკათური რე დო თე ორგანიზაციაშ ფარგანეფს მეჭედელო წოროხანდენს ნანანოღაშ კომპანია რუსთავი 2-წკჷმა, ნამუშ გინოჩამეფიშ რეტრანსლირაფაშ საშუალებას არზენს, სატელევიზიო ეთერი გაფშასჷნ. დორხველურო კოლხეთი 89-ს გინოჩამეფი ოჭმარეშ 8-შე 9 სათშახ დო ონჯუაშ 22-შე 23 სათშახ გინიჩამუაფჷ, დოსქილადირი ბორჯი პარტნიორი ტელეკომპანიაშ გინოჩამეფს უკებჷ.

კოლხეთი 89-აშ ჟირსათიან ეთერს ოინფორმაციე გიშაშქუმალა (30 წუთი), კინე მუ ტელეკომპანიაშით მოზადებული ორეკლამე თაჯი, ფასიანი გაცხადებეფი დო ანალიტიკური დო ბორჯიშოღალარ გინოჩამეფს უკებჷ. ოინფორმაციე გიშაშქუმალა ედომუშამო აბანურ ამბეფს გინმოჩანს დო ოპერატიულობათ დო დობალანსაფირალათ გიშეგორუაფუ. 2003 დო 2004 წანეფიშ გიშაგორუეფიშ პერიოდის, ინტერნიუსიშ მოხვარათ ტელეკომპანია სტუდიაშე ბონი ეთერეფს ახორციელენდჷ.

აბანურ ხეშუულებაწკჷმა ურთიართობა კოლხეთი 89-ს ტრადიციულო რსხიპალ უღუდჷ. თიში ეთერით გინოჩამილ სიუჟეტეფს გამგეობაშ საქვარუაშ უგუჭვირე მუშობაშ დო სოციალურ პროგრამეფშე გიშართილი ფარეფიშ ვაღანკობური ხარჯებაშ გეშა ზიტყვიერი რცქინაფეფი დო შხირას ელექტროენერგიაშ გუმოთიშუათ, ტელეკომპანიაშ მაუჭყაფალობაშ მეჭყვიდუა მაჸუნუდჷ მინშა. რევოლუციაშ უკული ურთიართობეფიშ ხასიათიქ დითირჷ დო აბანურ ხეშუულებას ოპოზიციური, ონამგეთ, რევოლუციაშახ პერიოდის ტელეკომპანიაშოთ ჯგირიშ მაზალებერ პიჯეფქ ქჷმორთეს. თექ ტელეკომპანიაშ კრიტიკულ პათოსის ეუქექუ.

ტელეკომპანია კოლხეთი 89-ს, მუში რსებაშ გოძვენას გინოღალირი მასალა, არქივიშ სახეთ აფჷ ჩუალირი დო ომენოღალე ლჷმაშ პერიოდიშ შანულამი მოლინეფიშ ემახანტალი მიარე დო ანდაღებული ფონდი უღუ.

ტელეკომპანიაშ ტექნიკური ანჯარაფა დორხველურ ანწას დო გინოჩამეფს, ომონტჟეტაბაკის, 2 კომპიუტერს, 1 ცირფულ დო 2 Super VHS კამერას დო გენერატორს იკათუანს. თიშ მაუჭყაფალობა ჩხოროწყუშ მუნიციპალიტეტიშ მოხ, წალენჯიხაშ, მარტვილიშ, სანაკიშ დო ხობიშ მუნიციპალიტეტეფიშ გოხოლუაშ ტერიტორიეფსჷთ ფორუნს. მაუჭყაფალობაშ ლიცენზია კოლხეთი 89-ს 2009 წანაშახ უღუდჷ[ოხვილუ წყუშ მეწურაფას].

ტელეკომპანიას 20 წორომოხანდე ჸუნს: გენერალური დირექტორი, დირექტორი, ბუღალტერი, პროგრამისტი, თარი ტექნიკური ინჟინერი დო დგჷმილიშ 4 მორიგე, ოინფორმაციე გუმნართიშ გამგე, 4 ჟურნალისტი, 3 ოპერატორი, ორეკლამე ნინალაშ უნჩაშ დო 2 ორეკლამე აგენტი.

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.