ლორენა როხასი
| ლორენა როხასი Lorena Rojas | |
| დაბადებაშ ჯოხო | სეიდი ლორენა როხას გონსალესი |
| დაბადებაშ აბანი | მეხიკო,  მექსიკა |
| დებადჷ | 10 ფურთუთა, 1971 |
| ღურჷ | ფურთუთა 16, 2015 (44 წანერი) მაიამი, ააშ |
| საქვარუა | არტისტი, მოდელი, მაბირე |
| აკოქიმინჯალაშ წანეფი | 1990—2015 |
ლორენა როხასი (ედომუშამი ჯოხო სეიდი ლორენა როხას გონსალესი; ესპ. Seydi Lorena Rojas González; დ. 10 ფურთუთა 1971, მეხიკო — 16 ფურთუთა 2015, მაიამი[1]) — მექსიკარი არტისტი, მოდელი, მაბირე[2].
ბიოგრაფია
[რედაქტირაფა | წყუშ რედაქტირაფა]ლორენაშ მასქერეფქ ართიანს დეთხიეს დიო ხოლო თიწკჷმა, მუჟამსჷთ თინა ბაღანა რდჷნ. მუამუშიქ ლორენაშ ნანა, ილდა ქჷდიტუ, სუმ ბაღანაწკჷმა ართო დო მუშ ქიანაშა კოსტა-რიკაშა მიდართჷ. ლორენას ჸუნდჷ უნჩაში და მაირა დო ჯიმა ვალტერი.
ლორენაქ სკოლაშ თებაშ უკული აძვილებურქ, იჸუ გემუანობეფი გაგმუჩამუდუკო დო მუში დუდიშ ეიოჯუმალარო თაშ უმუშებუდჷკონ. თიშ უნჩაში და მაირა როხასიქ (ნამუთ თიმ ბორჯიშო უკვე არტისტი რდჷნ) ბაღანობაშე ლორენას ქეგიოხვილუ არტისტული მუნაჩემეფი დო ელუჩჷ ლორენას თე გემაჸვენჯობათ დუდი უცადებუდკონ. კინოხ ლორენა ცადენდჷ ვეტერინარიაშ დო ფილოსოფიაშ დოგურაფას.
ფოტომოდელო გინმიღალუაფუდჷ ჟურნალშო „H para Hombres“[3], „Conexiones Internacional“, „Siempre mujer“,[4] „TV y Novelas“ დო შხვეფს.
1990 წანას რდჷ ლორენაშ დებიუტი კინოს, დო თარო მექსიკურ ტელესერიალეფს გინმიღალუდჷ.
პიჯური რინა
[რედაქტირაფა | წყუშ რედაქტირაფა]2001—2005 წანეფს ლორენა ჩილო ეკუხედჷ პატრიკ შნაასის.
მოგვიანაფათ ლორენა ფაქტიურ ქორწინებათ ესპანარ ბიზნესმენ ხორხე მონხესის ეკუხედჷ. ჭკობას ჸუნს ენაჭოფა ცირასქუა — ლუსიანა როხასი (დ. 6 გჷმათუთა 2013)[5].
ლახარა
[რედაქტირაფა | წყუშ რედაქტირაფა]2008 წანაშ დამორჩილს, ლორენას გჷმურჩქინეს ობჟალე ჯარკვალიშ კიბო.[6] 9 ქირსეთუთას, მაიამის ლორენას წჷმოძინელი ოპერაცია უკეთეს, მორო არტისტიშ დგომარაფაქ მალას გეუფურაშჷ, მეტასტაზეფქ შხვა ორგანოეფშა გეგნორთეს დო პროგრესირებაფონი ლახარა გჷმიჭანუ[7].
2015 წანაშ 16 ფურთუთას ლორენა როხასიქ ჩხონჩხიშ კიბოშ გეშა დოღურჷ.
ფილმოგრაფია
[რედაქტირაფა | წყუშ რედაქტირაფა]| წანა | მარგალური ჯოხო | ორიგინალური ჯოხო | როლი |
|---|---|---|---|
| 1990 | მურიცხიშა მეჭირინაფა | Alcanzar una estrella | სარა დელ რიო |
| 1991 | მურიცხიშა მეჭირინაფა 2 | Alcanzar una estrella II | სარა დელ რიო |
| 1992 | ჩქიმწკჷმა ქოსხაპი | Baila conmigo | როსარიო |
| 1992 | Más que alcanzar una estrella | პაულინა ბონიტა | |
| 1993 | El triste juego del amor | ტერეს | |
| 1993 | სამოთხეშ გორუას | Buscando el paraíso | ლოლიტა |
| 1994 | La quebradita | რიტა | |
| 1995 | ართი სახეშ | Bajo un mismo rostro | კაროლინა |
| 1995 | Morena | დანიელა | |
| 1996 | ჸოროფაშ ბირა | Canción de amor | ანნა |
| 1997 | შურს ფერი ვაუღუ | El alma no tiene color | ანნა ლუისა როლდანი |
| 1998 | Azul tequila | კატალინა | |
| 1998 | Tentaciones | ხულია მუნიოსი | |
| 1999 | El candidato | ბეტარისი | |
| 2001 | Corazones rotos | ტერესა | |
| 2001 | მუჭოთ კინოს | Como en el cine | ისაბელ მონტერო |
| 2001 | Lo que callamos las mujeres | დიანა | |
| 2003 | ნჯარიშ ეშმაღალარიშ ამნახანტიშ გიმე | Ladrón de corazones | ვერონიკა ვეგა |
| 2004 | Zapata: Amor en rebeldía | როსა ესკანდონი | |
| 2005 | Volver al paraíso | ხულია ტოლედო | |
| 2005 | მაჟირა თელარა | El cuerpo del deseo | ისაბელ აროიო |
| 2007 | Decisiones | ლორენა | |
| 2007—2008 | შხვაში ცოდეფი | Pecados ajenos | ნატალია რუისი |
| 2010 | ჸოროფაშ დო კორინიშ შქას | Entre el amor y el deseo | კლაუდია ფონტანა მარტინესი |
| 2013 | როსარიო | Rosario | პრისცილა პავონი |
| 2014 | Sangre en el Diván | ვერონიკა გარსია |
დისკოგრაფია
[რედაქტირაფა | წყუშ რედაქტირაფა]- „Como Yo No Hay Ninguna“ (2001, Azteca Music)
- „Deseo“ (2006, Big Moon Records)
რესურსეფი ინტერნეტის
[რედაქტირაფა | წყუშ რედაქტირაფა]- ლორენა როხასი — კინოფილმეფიშ ინტერნეტ მუნაჩემეფიშ ბაზას (ინგლისური)
სქოლიო
[რედაქტირაფა | წყუშ რედაქტირაფა]- ↑ Muere la actriz Lorena Rojas víctima de cáncer. El Universal (16 de febrero de 2015). კითხირიშ თარიღი: 2015-02-17.
- ↑ Lorena Rojas, the Hispanic actress Lance Armstrong chose as his heroine Archived 2019-01-20 ვებ-ხასჷლას Wayback Machine.
- ↑ Лорена Рохас в журнале H para Hombres (февраль 2012, Мексика)
- ↑ Lorena Rojas: tentadora en la cocina Archived 2016-03-04 ვებ-ხასჷლას Wayback Machine.
- ↑ Jorge Calvillo. (Oct 16, 2013). Actress Lorena Rojas Becomes A Mother By Adoption. Latinos Post. კითხირიშ თარიღი: 2013-11-13.
- ↑ Reaparece el cáncer que padeció la actriz Lorena Rojas Archived 2017-07-18 ვებ-ხასჷლას Wayback Machine.
- ↑ Lorena Rojas nuevamente diagnosticada con cáncer: 'Voy a luchar'