მექსიკარეფი

ვიკიპედიაშე

მექსიკარეფი (ესპ. Mexicanos — მექსიკანოს) — ბჟადალი გვერდოსფეროს მუდანობაშ (აშშ-იშ ამერიკალეფიშ დო ბრაზილიარეფიშ უკული) მეჯინათ მასუმა აბანს მარენჯი კათა. მექსიკარეფს მიარეფერუამი რასობურ-ეთნიკური გოჭყაფა უღჷნა, მარა აკმაართიანენა საართო ლათინოამერიკული, უმოს ზუსტას მექსიკური კულტურა დო ესპანური ნინა. მექსიკაშ თარი მახორობა (დოხოლ. 112 მლნ. ადმ.) დო ააშ-ის მუდანობათ მაჟირა ეთნიკური ბუნა რე (32 მილიონი), სოდეთ რანწკი ობჟათე-ბჟადალი რაიონეფს, კოლონიური პერიოდშე (ჩიკანო) აბსოლუტურ უმენტაშობას აკმადგინანა. უმენტაში ალმახანური მექსიკარშო ოდაბადური ნინა რე - ესპანური ნინა, უმოს ზუსტას თიში გიშაკერაფილი ნინაშობური ვარიანტი — მექსიკური. ააშ-ის რჩქვანელობურო ჟირნინამი რენა. მექსიკარეფი — მოსოფელს ართ-ართი უშხუაში დო მალას გუმაფაჩუ კათა რე. ეთნოგრაფიული თოლოზირუეთ, მექსიკარეფი ლათინოამერიკულ კათაშა მიშმულა, ნინაშობურო - რომანულ კათეფშა. ანთროპოლოგიური ტიპი - თარო მეტისეფი.

ნინა[რედაქტირაფა | წყუშ რედაქტირაფა]

ალმახანური მექსიკარეფიშ უმენტაშობაშო (93-95 %) ოდაბადური ნინა რე  — ესპანური, უმოს ზუსტას თიში გიშაკერძაფილი ნინაშობური ვარიანტი (ქძ. ესპანური ნინა მექსიკას). ქიანაშ ობჟათე ნორთიშ ოფუტე რაიონეფს, თაშნეშე გოფაჩილი რე კანკალე ინდიური ნინეფი (7 %), თინეფშე არძაშე გოფაჩილი რე — ნაუატლი. ეიოშინალი რე, ნამჷ-და მექსიკას ავტოქტონური ნინეფიშ მარჩქინეეფიშ მუდანობა ირიათო იძინანს, ეკონია 300 წანას მახორობას თინეფიშ წილიშ შანულამი რკებაშ უმკუჯინალო.


რჩქინელი მექსიკარეფი[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.