მარიუპოლი

მარიუპოლი
შილა	გერბი
ქიანა	უკრაინა
ოლქი	დონეცკი
რაიონი	მარიუპოლი
კოორდ.	47°07′21″ ოორ. გ. 37°34′44″ ელ. გ. /
დინოხოლენი დორთუალა	რაიონი
მერი	ვადიმ ბოიჩენკო
დირსხუ	1778
ნოღა	1779 წანაშე
ფართობი	134,7 კმ²
ცენტრიშ სიმაღალა	22 მ
ოფიციალური ნინა	უკრაინული
მახორობა	100 000 (უკრაინაშ მუნაჩემეფით); (პირელი,2022, 2022 წანაშ რუსული; ქარტაშ დო მენტებაშ უკული) თეიშახ,; 2022 წანაშ ღურთუთაშო,; ოხორანდჷ — 425,681) კოჩი (2022)
ერუანული; აკოდგინალუა	უკრაინალეფი,; რუსეფი
ეთნოქორონიმი	маріу́полець, маріу́полька, маріу́польці
ბორჯიშ ორტყაფუ	UTC+2, ზარხულს UTC+3
ტელ. კოდი	+380-629
ოფოსტე ინდექსი	87500—87590
ოავტომობილე კოდი	BB
ოფიციალური ვებ-ხასჷლა	www.mariupolrada.gov.ua/
	მარიუპოლი

უკრაინაშ ოკუპირაფილი ნოღა

მარიუპოლი (უკრ. Маріу́поль, 1948 —1989 წანეფს — ჟდანოვი, 1948 წანაშახ — მარიუპოლი) — ნოღა უკრაინაშ ობჟათე-ბჟაეიოლშე, აზოვიშ ზუღაშ ოორუე წყარპიჯის, წყარმალუ კალმიუსიშ ნადუწკჷმა. 2022 წანაშ მუნჩემეფით, მარიუპოლიშ მახორობა 425,681 ადამიერს აკმადგინანს, თე მაძირიაფალით, წჷმარინუანს უკრაინაშ სიკაბეტათ მავითა დო დონეცკიშ ოლქიშ მაჟირა უკაბეტაშ ნოღას.

მარიუპოლი კაზაკეფიშ ჸოფირი კარეშ, ჯოხოთ კალმიუსიშ აბანს დირსხჷ,^[2] ნოღაშ სტატუსიქ 1778 წანას მიაჩჷ. რდჷ ყუბერამეფიშ ვაჭრუაშ, მეტალურგიაშ დო მონკა ხერეჭუაშ ცენტრი. მარიუპოლქ შანულამი როლი ილაჸაფჷ უკრაინაშ ინდუსტრიალიზაციას. ასეშო, მარიუპოლი კჷნე სქიდჷ ხერეჭუაშ, უმაღალაში გონათუაშ დო ბიზნესიშ ცენტრო.

1948 წანაშე 1989 წანაშახ, სხუნუეფიშ მოღალეშ, ანდრეი ჟდანოვიშ პოატიოცემელო ნოღას ჟდანოვქ გიადჷ; ნოღეფშო კომუნისტი ლიდერეფიშ ჯოხოეფიშ გედვალა სხუნუეფიშ რსხუს მოდვალირი პრაქტიკა რდჷ.^[3]

2014 წანა დონბასის მიმალი ლჷმაშ უკული, მუჟანსჷთ დონეცკიქ მუშითგჷმოცხადაფილი დონეცკიშ ოკათე რესპუბლიკაშ ნოღათ გეგმაცხადესჷნ, მარიუპოლქ დონეცკიშ ოლქიშ ობორჯე ადმინისტაციულ ცენტრო გჷნირთუ.

ასე ნოღა უკრაინაშა მინოკათინელჷ რუსი ოკუპანტეფიშ ქართას დო მონკას რე დაღამაკებული. იბჟინუაფჷ ჩინებეფი, ნამჷ-და რუსეთიშ საოკუპაციე ნძალეფი მარიუპოლს თინჩალ მახორობას ბომბუნს, ჟილიტუნს დო ლჷმაშ დჷნაშებუეფს იქჷნს.

2022 წანაშ 13 მელახის, მარიუპოლს უკრაინაშ გერგეზი ნოღაშ ტიტულქ მიაცჷ.^[4]