მარტინ რაილი
| მარტინ რაილი | |
| ინგლ. Martin Ryle | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 14, 1984 (66 წანერი) |
| ღურაშ აბანი: |
კემბრიჯი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ომაფე ჯარალუაშ მაკათური (1952) |
.svg){kind=small}
მარტინ რაილი (ინგლ. Sir Martin Ryle; დ. 27 ეკენია, 1918, ბრაიტონი, ინგლისი — ღ. 14 გჷმათუთა, 1984, კემბრიჯი, ინგლისი) — ინგლისარი რადიოასტრონომი. გიმიგონჷ რევოლუციური რადიოტელესკოპური სისტემეფი დო თინეფიშ გიმორინაფათ დადგინჷ დაღარი რადიო წყუეფიშ ლოკაციეფი. 1946 წანას დერეკ ვონბერგიწკჷმა ართო გჷმაბჟინუ ინტერფორომეტრულ-ასტრონომიული რკვიებეფი. გაუჯგუშებული ინსტრუმენტეფით რაილიქ მიოგორუ არძაშე შორს მადვალუ გალაქტიკეფს.
მარტინ რაილი გურაფულენდჷ ოქსფორდიშ უნივერსიტეტის, სოდეთ თხილუ ოდოქტორე დისერტაცია. გურაფაშ თებაშ უკული მუშენდჷ კემბრიჯიშ უნივერსიტეტის (კავენდიშიშ ლაბორატორია). ჸათაქ რაილიქ მიშეღჷ დიდი თია ასტრონომიული ინტერფერომეტრიშ დო აპერტურული სინთეზიშ დორსხუაფაშა დო გოვითარაფაშა. 1946 წანას რაილიქ ეიონწუ პირველი მიარე-ელემენტური ასტრონომიული რადიო ინტერფერომეტრი.
მარტინ რაილიშ ინიციატივათ დო ხემანჯღვერობათ რადიოასტრონომიულ ბუნაქ აკადგინჷ შხვადოშხვა რადიოწყუეფიშ კატალოგეფი. რადიოწყუეფიშ კემბრიჯიშ მასუმა კატალოგიშ გიმორინაფათ, მენცარეფქ მიოგორეს პირველ კვაზი-მურიცხულ ობიექტის (კვაზარი), 1959 წანას.
მარტინ რაილი რდჷ კემბრიჯიშ უნივერსიტეტიშ რადიოასტრონომიაშ პირველი პროფესორი დო მალარდიშ რადიოასტრონომიული ობსერვატორიაშ დუმარსხუაფალი-მაკათური. 1972-1982 წანეფს რაილი რდჷ რანწკით მავითოჟირა ომაფე ასტრონომი.
მარტინ რაილი რდჷ შხვადოშხვა პრემიეფიშ დო ჯილდოეფიშ ლაურეატი. რაილიქ (ენტონი ჰიუიშიწკჷმა ართო) მიპალუ ნობელიშ პრემია 1974 წანას. თენა რდჷ ნობელიშ პრემიაშ პირველი ჯილდო, ნამუქჷთ მენცარეფს გინაჩჷ ასტრონომიული რკვიებეფიშო.
რესურსეფი ინტერნეტის
[რედაქტირაფა | წყუშ რედაქტირაფა]- მარტინ რაილი ენციკლოპედია ბრიტანიკას
- მარტინ რაილი Nobelprize.org-ის