მახუთა ელემენტი (ფილმი)

ვიკიპედია-შე
Jump to navigation Jump to search
მახუთა ელემენტი
რეჟისორი:

ლიუკ ბესონი

პროდიუსერი:

პატრის ლედუ

სცენარიშ ავტორი:
თარ როლეფს:
მუსიკა:

ერიკ სერია

მონტაჟი:

სილვი ლანდრა

კინოსტუდია:

Gaumont

გჷშულაშ თარიღი:
  • მესი 7, 1997 (1997-05-07)
ხანგჷნძარალა:

127 წნ

ქიანა

საფრანგეთი

ნინა:

ინგლისური

მუშნალი:

263.920.180 მლნ $

მახუთა ელემენტი (ინგლ. The Fifth Element, ფრანგ. Le Cinquième élément) — 1997 წანაშ ინგლისურნინამი ომენცარე ფანტასტიკაშ ჟანრიშ ფილმი, ნამუშ სცენარისტი დო რეჟისორი რე ლიუკ ბესონი. ფილმი თიშ ნაქიმნა ამბეშა რე დორსხუაფილი. თარი როლეფს არსულენა ბრიუს უილისი, გერი ოლდმენი დო მილა იოვოვიჩი. ფილმის ამბე უმოსო XXIII უკუნს მეურს. თის ჩიება რე პლანეტაშ გინოსქილადაშ მისიაშ გეშა, ნამუთ მიკოლაფირო კისერს გიადვალუ ტაქსისტ დო ჯვეშ მაიორ კორბენ დალასს (უილისი) დო ახალი ოსურს (იოვოვიჩი). ეკონიაწკჷმა ართო დალასი გორუნს ოთხ ლამოსურ ქუას, ნამუთ აუცილებერი რე დიხაუჩაშ ჭყვადუაშე გინასქილიდაფარო.

ბესონქ ფილმიშ ოსხირო გინორთინაფილ ამბეშ ჭარუა 16 წანაშ ხანს დიჭყჷ, ფილმიქ გიშართჷ თიმწკჷმა, მუჟამსით ავტორი 38 წანერი რდჷ. ლიუკს დუდშე თიში გინოღალა საფრანგეთის ოკოდჷ, მორო დიხეფქ ათეშო ვეგორჷ. ათეშენ გინოღალეფი მიშჷ ლონდონს დო მავრიტანიას. კომიქსეფიშ ავტორეფი ჟან ჟირო დო ჟან-კლოდ მეზიერე, ნამუეფიშ კომიქსიშ გოშინათ იქიმინჷ ფილმიშ შხვადოშხვა მუნაკვათეფქ, იჭანეს დიზაინშა ომუშებელო. კოსტუმეფიშ დიზაინიშ ავტორი რე ჟან-პოლ გოტიე.

მახუთა ელემენტიქ უმოსო ჯგირი ფასებეფი მიღჷ, მორო რდჷ გლახა გოსიმაფეფით. თი პერიოდის თიქ მიღჷ, მუჭოთ არძა ბორჯიშ საუჯგუშო ოზარხულე ბლოკბასტერიშ, ხოლო არძა ჯოხოთ. ფინანსურო თინა წჷმოძინელი რდჷ დო 90 მილიონი ააშ დოლარიშ ბიუჯეტით მაქიმნალეფს 263 მილიონი ააშ დოლარიშ მუშნალი მოუღჷ. მიში ბორჯიშო თინა რდჷ არძაშე ზნდური ევროპული ფილმი დო 2011 წანაშ „ხეუხებუეფიშ“ გიშულაშა არძაშე მიშმალუამი ფრანგულ ფილმო სქიდუ.

რესურსეფი ინტერნეტის[რედაქტირაფა | წყუშ რედაქტირაფა]


სქოლიო[რედაქტირაფა | წყუშ რედაქტირაფა]