მილა იოვოვიჩი
| მილა იოვოვიჩი | |
.jpg) მილა იოვოვიჩი 2014 წანას | |
| დაბადებაშ ჯოხო | მილიცა იოვოვიჩი |
| დაბადებაშ აბანი | კიევი, უკრაინა |
| დებადჷ | 17 ქირსეთუთა, 1975
|
| საქვარუა | არტისტი მოდელი მუსიკოსი დიზაინერი |
| აკოქიმინჯალაშ წანეფი | 1985–ასეშა |
| ალმასქუ(ეფი) | ლიუკ ბესონი (1997-1999) |
მილა იოვოვიჩი (რუს. Милица Йовович; დ. 17 ქირსეთუთა, 1975)[1] — ამერიკალი არტისტი, მოდელი დო მუსიკოსი. კარიერაშ გოძვენას ოკათუდ მიარე ომენცარე ფანტასტიკურ დო ქიმინუაშ ჟანრიშ ფილმის. კარიერა დიჭყჷ მუჭოთ მოდელქ; მაართათ გიმორჩქინდ ჟურნალ „ლეიშ“ კაბრას. 1988 წანას მაართათ მიღჷ პროფესიონალური ოარტისტე როლი ოტელევიზიე ფილმის „სერიშ სერანუა კატმანდუს“; თი წანას ილაჸაფჷ ფილმის „ჟირი თუთაშ მეწყორუა“. მუსხირენ უნიშული ოტელევიზიე გიშულაშ უკულ, 1989 წანას როლი მიღჷ ფილმის „ჩილამი, სქუალეფწკჷმა ართო“. პოპულარობა მოუღჷ ფილმიქ „დორთინა ცაშფერ ლაჸუჯიშა“. 1992-1993 წანეფს ილაჸაფჷ ფილმეფს „კაფსი“ დო „კაიფის დო ერია-მორიას“. უკულ, ჭეხანით ეკრანს დეთხიუ. 1997 წანას ბრიუს უილისწკჷმა ართო ილაჸაფჷ ჩინებულ ფილმის „მახუთა ელემენტი“, ჟირი წანაშ უკულ ფილმის „ჟანა დ`არკი“. ოშინალი რე ხოლო ფილმეფიშ სერია „უბადობაშ ოსვანჯე“.
ბიოგრაფია
[რედაქტირაფა | წყუშ რედაქტირაფა]მილა იოვოვიჩიქ დებადჷ 1975 წანაშ 17 ქირსეთუთას უკრაინაშ ნანანოღა კიევს, მუამუშიშ ბოგდან იოვოვიჩიშ, ერუანებათ სერბი[2][3] პედიატრიშ დო დიამუშიშ თეატრიშ არტისტიშ ერუანობათ რუსიშ — გალინა ლოგინოვაშ ფანიას.[4] მირდჷ რუსული მართლმადიდებლური ტრადიციეფით.[5] 1980 წანას, მუჟამით მილა 5 წანერი რდჷ თიში ფანიაქ პოლიტიკური სამანჯელეფიშ გეშა სხუნუეფიშ რსხუ დიტუ დო დარინალო ნოღა ლონდონშა გინორთ. გვიანო გინორთჷ ააშ-შა, დიო საკრამენტოშა (კალიფორნიაშ შტატი), უკულ ლოს-ანჟელესშა.
9 წანაშ ხანს გილულა დიჭყჷ ომოდელე მორსებეფს. თინას მიოგორუ ჯინ ლემიუელქ, მუჟამსით თინა გინიღანდ იოვოვიჩიშ ოტესტე ფოტოსურათეფ. თიში სურათეფი იბეშტუდჷ ჟურნალეფს: The Face, Vogue დო Cosmopolitan
1985 წანას აბარჷ კალიფორნიაშ პროფესიონალ ოარტისტე სკოლას. 1988 წანას მაართათ არსულჷ როლი ფილმის „სერიშ სერანუა კატმანდუს“. 1992 წანას კრისტიან სლეიტერწკჷმა ართო ილაჸაფჷ ფილმის „კაფსი“. შხვა კინოროლეფიშე ოშინალი რე: „მახუთა ელემენტი“, „ჟანა დ`არკი“, „მაანთხა ბუნა“, „სახეეფი არგვათას“ დო შხვა.
ფილმოგრაფია
[რედაქტირაფა | წყუშ რედაქტირაფა]| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1988 | ფ | ჟირი თუთაშ მეწყორუა | Two Moon Junction | სამანთა |
| 1991 | ფ | დორთინა ცაშფერ ლაჸუჯიშა | Return to the Blue Lagoon | ლილი |
| 1992 | ფ | კაფსი | Kuffs | მეია კარლტონი |
| 1992 | ფ | ჩაპლინი | Chaplin | მილდრედი |
| 1997 | ფ | მახუთა ელემენტი | The Fifth Element | ლილუ |
| 1999 | ფ | ჟანა დ'არკი | The Story of Joan of Arc | ჟანა დ'არკი |
| 2000 | ფ | ორქოშ ნტვერი | The Claim | ლუსია |
| 2001 | ფ | ოტელი მილიონი დოლარო | The Million Dollar Hotel | ელოიზა |
| 2002 | ფ | უბადობაშ ოსვანჯე | Resident Evil | ელისი |
| 2004 | ფ | უბადობაშ ოსვანჯე: აპოკალიფსი | Resident Evil: Apocalypse | ელისი |
| 2006 | ფ | ულტრავიოლეტი | Ultraviolet | ვიოლეტი |
| 2007 | ფ | .45 | .45 | კეტი |
| 2007 | ფ | უბადობაშ ოსვანჯე 3 | Resident Evil: Extinction | ელისი |
| 2009 | ფ | იდელური ნტება | A Perfect Getaway | სიდნი |
| 2009 | ფ | მაანთხა ბუნა | The Fourth Kind | ებიგეილი |
| 2010 | ფ | უბადობაშ ოსვანჯე 4 | Resident Evil: Afterlife | ელისი |
| 2010 | ფ | წინდამი ძღაბი | Dirty Girl | სიუი-ენი |
| 2011 | ფ | მანცურიეფი | Vykrutasy | ნადია |
| 2011 | ფ | სუმი მუშკეტერი | The Three Musketeers | მილედი |
| 2011 | ფ | სახეეფი აგვათა | Faces in the Crowd | ანა |
| 2012 | ფ | უბადობაშ ოსვანჯე 5 | Resident Evil: Retribution | ელისი |
რესურსეფი ინტერნეტის
[რედაქტირაფა | წყუშ რედაქტირაფა]
სქოლიო
[რედაქტირაფა | წყუშ რედაქტირაფა]- ↑ Official Website Biography. Millaj.com. კითხირიშ თარიღი: 2010-12-10.
- ↑ “Mila Jovović peva zanimljive pesme“, 2000-07-07. კითხირიშ თარიღი: 2010-11-07. (Serbian)
- ↑ The Official Milla Jovovich Website :: Biography. კითხირიშ თარიღი: 2008-11-10.
- ↑ Milla: The world's richest model. Forbes (2004-07-28). დოარქივაფილი რე ორიგინალშე 2007-12-07-ს. კითხირიშ თარიღი: 2007-12-29.
- ↑ Frequently Asked Questions. Milla Jovovich official website. კითხირიშ თარიღი: November 11, 2011.