მეკონგი

მეკონგი
ქხმ. - មេគុង; ლაო. - ປະເທດລາວ; ვიეტ. - Mê Kông
	; მეკონგი ლუანგპხაბანგიშ რაიონს
დოხასიათაფა
სიგჷრძა	4 500 კმ
ღანჩოშ ფართობი	810 000 კმ²
ღანჩო	ობჟათე ჩინეთიშ ზუღა
წყარიშ ხარჯი	15 000 მ³/წმ
წყარიშ ნადუ
ოდუდე	ტიბეტიშ გვალონა
• ორენი	ტიბეტი
• კოორდინატეფი	33°09′09.8″ ოორ. გ. 94°03′50.5″ ელ. გ. /
აკაკათაფუ	ობჟათე ჩინეთიშ ზუღა
• კოორდინატეფი	კოორდინატეფი:10°11′41.3″ ოორ. გ. 106°44′35.4″ ელ. გ. / 10°11′41.3″ ოორ. გ. 106°44′35.4″ ელ. გ. /
ინაკათუ	ობჟათე ჩინეთიშ ზუღა
ქიანეფი	ჩინეთი; მიანმარი; ლაოსი; ტაილანდი; კამბოჯა; ვიეტნამი
ნოღეფი	ვიენტიანი; პნომპენი

მეკონგი — მოსოფელიშ ართ-ართი უდიდაში წყარმალუ. მიშმურს მოსოფელიშ 10 უდიდაშ წყარმალუშ ერკებულშა. აზიაშ სიგჷრძათ მა-7 წყარმალუ. თიში სიგჷრძა 4 500 კმ რე, წყარმალუშ ღანჩოშ ფართობი — 810 000 კმ². ირწანას, ოკიანეშა დინმუღჷ 475 კმ. კუბი წყარი.

წყარმალუ ოდუდეს ეთმეჭოფუნს ტიბეტიშ პლატოს, უკულ მეურს ჩინეთიშ იუნანიშ პროვინციაშა, გჷნმოჭკირუნს მიანმარს, ლაოსის, ტაილანდის, კამბოჯას დო ვიეტნამს. 1995 წანას, ლაოსიქ, ტაილანდიქ, კამბოჯაქ დო ვიეტნამქ, მეკონგიშ რესურსეფიშ კოორდინირაფაშ ღანკით ქჷდარსხუეს „წყარმალუ მეკონგიშ კომისია“. 1996 წანას, თე კომისიაშ პარტნიორეფო გჷნრთეს ჩინეთიქ დო მიანმარქ.

წყარმალუშ გიშაკერზაფილი სეზონური თირაფა, ჭორომეფი დო წყარგელაფუეფი, მეკონგის ონოშეთ ძალამ რთულ წყარმალუთ გჷნმართინუანს.

მალობა

მეკონგი ოდუდეს ეთმეჭოფუნს ტიბეტიშ პლატოს, იუნანიშ სუმი პარალელური წყარმალუშ ორთაშობურ ტყაჩირს. ჩინეთიშ სახენწჷფო ხურგაშ დოტებაშ უკული, მეურს ობჟათე-ბჟაეიოლჸურე, სოდე წჷმოქიმინუნს 100 კმ–შ ორთაშობურ ხურგას მიანმარს დო ლაოსიშ შქას, თეშ უკული, მალობა იგჷნძორებუ ობჟათე-ბჟადალჸურე, სოდეთ ასე ლაოსიშ დო ტაილანდიშ სახენწჷფო ხურგაშ 850 კმ მუნაკვათი გინმურსჷნ. ლაოსის, მეკონგი ნანანოღა ვიენტიანს გჷნმოჭკირუნს. კამბოჯას, თის აკათუ წყარმალუეფი — მანი დო საპი, უკული - ნანანოღა პნომპენს გჷნმოჭკირუნს. ვიეტნამიშ ცენტრალური ნორთიშ გჷნულაშ უკული, ინოჸელებუ ჩხორო ჸათ დო წჷმოქიმინუნს მეკონგიშ დელტას, მუშ უკულ ინმაკათუ ობჟათე ჩინეთიშ ზუღას.