მელიტონ ქანთარია

მელიტონ ქანთარია
მელიტონ ვარლამიშ სქი ქანთარია
მოღალობა	სხუნუეფიშ რსხუშ გერგეზი
ბიოგრაფიული ჩინებეფი
დაბადებაშ თარიღი	5 გჷმათუთა, 1920
დაბადებაშ აბანი	ჯვარი, საქორთუო
ღურაშ თარიღი	ქირსეთუთა 26, 1993 (73 წანერი)
ნთხორუაშ აბანი	ჯვარიშ მასუამ საარძო სკოლაშ ოზეს, საქორთუო
მენოღალობა	სსრრ→ საქორთუო
დოლმახორალა	სსრრ
ერუანობა	ქორთუ
მუმა	ვარლამ ქანთარია
ნანა	ლიდია შონია - ქანთარია
ალმასქუ	ბარბარე ჯალაღონია
სქუალეფი	მირიანი, რეზო დო ციალა

მელიტონ ვარლამიშ სქი ქანთარია (დ. 5 გჷმათუთა, 1920, ჯვარი — ღ. 26 ქირსეთუთა, 1993, მოსკოვი) — სხუნუეფიშ რსხუშ გერგეზი (8 მესი, 1946), სხუნუეფიშ არმიაშ ქორთუ სერჟანტი, ნამუქჷთ ოფიციალურ ჩინებეფით გომორძგუაშ შილა ეიოხუნუ რაიხსტაგის 1945 წანაშ 30 პირელს, 21.50 სათის.

რინა

დებადჷ ყაზაყიშ ფანიას თიჟამო ოფუტე ჯვარს, სამარგალო, დო რდჷ კოლმეურნეობაშ მაკათური 1940 წანაშახ, მუჟამცჷთ სხუნუეფიშ არმიაშა იჭანეს. მაჟირა მოსოფელიშ ლჷმაშ პერიოდის ინალენდჷ 756-ა მაჸოთამალეფიშ ბატალიონს, მა-3 არმიაშ 150-ა მაჸოთამალეფიშ დივიზია, მაართა ბელორუსულ ფრონტის. თიქ სერჟანტ მიხეილ ეგოროვწკჷმა ართო ეიოხუნუ სხუნუეფიშ ჭითა შილა დონთხაფილი რაიხსტაგიშ დუც ბერლინშო ჩხუპიშ ბორჯის, 1945 წანაშ 30 პირელს.

1946 წანას დემობილიზაციაშ უკული ქანთარია სოხუმს ოხორანდჷ. აფხაზეთიშ კონფლიქტიშ პერიოდის აძვილაფირქ იჸუ ჸუდე ქჷდუტებუდჷკონ (1993 წანაშ ეკენიას). ქანთარიაქ ფანიამო მოსკოვშა გჷნილჷ, სოდეთ ჟირ თუთაშა დოღურჷ.

ოლჷმარი შარა

1940 წანას მელიტონ ქანთარია იჭანეს არმიაშ რანწკეფშა, თის მალას ქჷმაჭიშუ ლჷმაქ. მაართათ კავკაციას აწუდირთჷ ნტერს. ოკათჷდჷ სმოლენსკიშ ოლქიშ გოდუდიშალაფაშო მანჯებულ ჩხუპის. თაქ მელიტონ ქანთარიაქ მონკათ იჸუ ნჭყოლირქ. სქილიდაფაშ უკული თინა კჷნე ფრონტის რე. თიქ ჯოხოშინელი შარა მუკორთჷ პოლონეთიშ ტერიტორიას, ოკათჷდჷ წყარმალუეფიშ ვისლაშ დო ოდერიშ, ნეისეშ დო შპრეშ გჷნოლახუას, დუბლინიშ, ლატვიაშ დო ბელორუსიაშ გოდუდიშალაფაშო მიმალ ჩხუპეფც. ლჷმაშ ბორჯის იდრიცკიშ კუტუზოვიშ ორდენამ 150-ა მაჸოთამალ დივიზიაშ 776-ა მაჸოთამალ პოლკიშ გურამ ჯინუ მელიტონ ქანთარიაქ სუმშა იჸუ მონკას ნჭყოლირქ .

ლჷმაშ გეჸვენჯი წანეფი

ლჷმაშ უკული მელიტონ ქანთარია მუშენდჷ ოფუტე აგუბედიაშ კოლმეურნეობას, უკული მეშახტეთ ტყვარჩელს. რდჷ საქორთუოშ სსრ მა-2 - მა-6 მოჭანაფაშ უმაღალაშ სხუნუშ დო აფხაზეთიშ ასსრ უმაღალაშ სხუნუშ დეპუტატი. დაჯილდოებული რე ლენინიშ 2 ორდენით, ჭითა შილაშ, მარქსიშ (გდრ) ორდენით დო მენდალეფით.

საფულე

მელიტონ ქანთარიაქ 1993 წანაშ 26 ქირსეთუთას ღურჷ ნ. მოსკოვს. ღურაშე მუსხირენი დღაშა თიწკჷმაიანი პრემიერ-მინისტრიშ გამა-კოჩიშ ირაკლი მენაღარიშვილიშ დუდმახვენჯალათ მანწყის მასაფულებერი კომისია. მელიტონ ქანთარიაქ დასაფულეფურქ იჸუ ჯვარიშ მასუმა საჯარო სკოლაშ ოზეს, გომორძგვილი ჯარიშკოჩიშ ნოჭახნაკუშ ხასჷლას, 1994 ქანაშ 5 ღურთუთას.

„არძო ოკუპაცია გეთებუ დო დემარცხებუ“, - გჷმოთქჷ საქორთუოშ პრეზიდენტიქ, მიხეილ სააკაშვილქ. 2011 წანაშ 9 მესის თიქ ჯვარიშ საჯარო სკოლაშა ქანთარიაშ ჯოხოდვალაშ მეჩამას დერსუ დო გერგეზიშ მემორიალი პეულეფით მანწყუ. პრეზიდენტიქ ეშანუ: „მელიტონ ქანთარია რდჷ ჩქინი ქიანაშ ტრაგიკული ბედიშ ლეგენდარული მალჷმორი, მიქჷთ გომორძგუაშ შილა რაიხსტაგის ეიოხუნუ“. სააკაშვილქ ქანთარიას ლტოლვილი გიოდჷ, რახან თინა აფხაზეთიშე რდჷ, „ოდო თინეფქ, მიწკჷმა ართოთ გომორძგუაშო ლჷმენდჷნ, ოკუპანტეფო გჷნირთეს“.

ფანია

მელიტონ ქანთარიაშ ალმასქუ ბარბარე ჯალაღონია დასაფულებურიე ოჩამჩირეშ რაიონიშ ოფუტე ბედიას. გერგეზის დასქიდჷ სუმი სქუაქ: მირიანი, რეზო და ციალაქ, ნამუეფით მიარერიცხუამ სქუალეფწკჷმა დო მოთალეფწკჷმა ართო ამდღა, თხოზინალობაშ გეშა , ოხორანა ხურგაშგალე.

ბიბლიოგრაფია

• მელიტონ ქანთარია, გერგეზი მეშილე, აკმადგინალი ბექა ქანთარია, ქთ. 2003 წ; გჷშმაშქუმალარობა "მოლოდინი"
• გომორძგუაშ სიმბოლო, ავტორეფი სერგო წურწუმია დო ზაურ შეროზია, ქთ. 2005 წანა
• ბექა ქანთარია, გაზეთი "საქართველოს რესპუბლიკა," 2000 წანა, 9 მესი

რესურსეფი ინტერნეტის

• http://www.warheroes.ru/hero/hero.asp?Hero_id=282
• http://www.public.ru/tagcloud/KANTARIYA.htm?1241672730 Archived 2016-03-04 ვებ-ხასჷლას Wayback Machine.
• http://test.ghn.ge/news-41682.html^{[ღურელი რსხილი]}