მერაბ მამარდაშვილი
მერაბ მამარდაშვილი (დ. 15 ეკენია, 1930 ― 25 გერგობათუთა, 1990) ― ქორთუ ფილოსოფოსი, ფილოსოფიაშ მენცარობეფიშ დოქტორი (1968), პროფესორი (1972).
დებადჷ გორს. 1955 წანას გაათუ მოსკოვიშ სახენწჷფო უნივერსიტეტიშ ფილოსოფიაშ ფაკულტეტი. 1968-1987 წანეფს ართ-ართი ომენცარე ჟურნალიშ თარი რედაქტორიშ გამაკოჩი, მოსკოვიშ სახენწჷფო უნივერსიტეტიშ პროფესორი დო რუსეთიშ მენცარობეფიშ აკადემიაშ მოსკოვიშ ფილოსოფიაშ ინსტიტუტიშ უნჩაში მენცარ-წორომოხანდე რე. 1987-1990 წანეფს მამარდაშვილი საქორთუოშ მენცარობეფიშ აკადემიაშ ს. წერეთელიშ ჯოხონობაშ ფილოსოფიაშ ინსტიტუტიშ ფილოსოფიაშ ფაკულტეტიშ გამგე რე დო ქართიშ სახენწჷფო უნივერსიტეტიშ პროფესორი. შხვადოშხვა ბორჯეფს ლექციეფს კითხულენდჷ გერმანიას, საფრანგეთის დო შხვა ქიანეფს. გერმანული ფილოსოფიაშ (გჷშაკერძაფილო ემანუელ კანტიშ გოლინათ მუშენდჷ ეჩამაშ (აღქმაშ) რაციონალისტურ თეორიაშე. გჷმობჟინაფილი აფუ მარსელ პრუსტიშ აკოქიმინჯალაშ გჷმორკვიებეფი.
2001 წანაშ მესის ქართის გინწყჷ მერაბ მამარდაშვილიშ ბიუსტიქ (ნოჭახნაკუშ ავტორი ერნსტ ნეიზვესტნი).
ბაღანობა
[რედაქტირაფა | წყუშ რედაქტირაფა]მუმა, კონსტანტინე (კოტე) მამარდაშვილი რდჷ პოლკოვნიკი, თეშ გეშა ქიანაშ შხვადოშხვა აკანეფს უხვადუდჷ ინალუა დო რინა. მერაბიშ დაბადება ბორჯის, გორს ინალენდჷ. ნანა, ქსენია გარსევანიშვილი, დიაჸუდეში რდჷ. რდჷ სქუალეფიშ ჯგირი მარდუალი. ლჷმაშ დოჭყაფაშე ჭიჭე ხანიშ წოხოლე კოტე მამარდაშვილს ჩილი დო სქუა ქართიშა გინოჸუნს. ბინას არზენა უნივერსიტეტიშ წოხოლე, ჭავჭავაძეშ N 24–ს. მერაბი გურაფულენს ქართიშ N 14 სკოლას. ოშქარი სკოლაშ თებაშ უკული, 1949 წანას მერაბი ქართის იტალენს ნანას დო დას დო მოსკოვშა მეურს, სოდეთ მუშ მუმა რდჷ თი ბორჯის.
სტუდენტალა
[რედაქტირაფა | წყუშ რედაქტირაფა]მერაბი გურაფულენდჷ მოსკოვიშ სახენწჷფო უნივერსიტეტიშ ფილოსოფიაშ ფაკულტეტის. გურაფას მოჸუმენაფილი გურაფულენდჷ ბერძენულ ფილოსოფიას, ფრანგულს, გერმანულს. ჭარუათ ხვალე ქორთულო დო რუსულო ჭარჷნდჷ.
ბიბლიოგრაფია
[რედაქტირაფა | წყუშ რედაქტირაფა]- "აზროვნების ფორმები და შიგთავსები" (1968)
- "სიმბოლო და ეჭვი" (ა.მ. პიატიგორსკთან ერთად, იერუსალიმი, 1982)
- "რაციონალიზმის კლასიკური და არაკლასიკური იდეალები" (1984)
- "როგორ მესმის ფილოსოფია" (1990)
- "კარტეზიანული განსჯანი" (1993)
- "კარტეზიანული ვარიაციები" (1997)
- "შემეცნების ისარი" (1997)
- "ლექციები ანტიკურ ფილოსოფიაში" (1997)