მერი ლიკი

მერი ლიკი
	მერი ლიკი
	ინგლ. Mary Leakey
	; მერი ლიკი 1977
დაბადებაშ თარიღი:	6 ფურთუთა, 1913
დაბადებაშ აბანი:	ლონდონი, ინგლისი
ღურაშ თარიღი:	ქირსეთუთა 9, 1996 (83 წანერი)
ღურაშ აბანი:	ნაირობი, კენია
მენოღალობა:	გოართოიანაფილი ომაფე
ომენცარე სფერო:	არქეოლოგია; პალეოანთროპოლოგია
ალმა-მატერი:	ლონდონიშ ოუნივერსიტეტე კოლეჯი
ჯილდოეფი დო პრემიეფი:	ჰაბარდიშ მენდალი (1962); პრესტვიჩიშ მენდალი (1969); ოსურეფიშ გეოგრაფიული ჯარალუაშ ორქოშ მენდალი (1975); ლინეშ ორქოშ მენდალი (1978); ელიზაბეტ ბლექველიშ პრემია (1980)

მერი დუგლას ლიკი (ინგლ. Mary Douglas Leakey; დაბადებაშ გვარი ნიკოლი, ინგლ. Nicol; დ. 6 ფურთუთა, 1913, ლონდონი, ინგლისი — ღ. 9 ქირსეთუთა, 1996, ნაირობი, კენია) — ბრიტანალი არქეოლოგი დო პალეოანთროპოლოგი.

ბიოგრაფია დო მენცარული რკვიებეფი

მერი ლიკიქ დებადჷ 1913 წანაშ 6 ფურთუთას, ლონდონს. გურაფულენდჷ ლონდონიშ ოუნივერსიტეტე კოლეჯის. გურაფაშ თებაშ უკული ოკათუდჷ შხვადოშხვა არქეოლოგიურ ექსპედიციეფს. 1936 წანას ოსურო მიდაჸუნჷ კენიარ-ბრიტანალ არქეოლოგის დო პალეოანთროპოლოგის ლუის ლიკის. მერი ლიკიქ მიოგორუ პრიმატეფიშ ართ-ართი გვარობაშ პროკონსულიშ დუდიშ ხოკოს. მენცარეფი პროკონსულეფს ადამიერეფიშ წჷმოხონეფო მირჩქინანა. თაშნეშე, ლიკიქ მიოგორუ Zinjanthropus-იშ დუდიშ ხოკოს, ოლდუვაიშ ლეხერს (ტანზანია) მენცარული რკვიებეფიშ ბორჯის.

მერი ლიკი მუში მენცარული კარიერაშ ბორჯის, მუში ქომონჯიწკჷმა ართო მუშენდჷ. ჟირხოლოქ ართო ძირეს დო გიმირკვიეს ანტიკური ჰომინიდეფიშ ფოსილეფი დო თინეფიშ გჷმნაგონებუ ქუაშ ანჯარეფი. მერი ლიკიქ აკადგინჷ ქუაშ ანჯარეფიშ კლასიფიკაციაშ სისტემა. თაშნეშე, ლიკიქ მიოგორუ ლაეტოლიშ ნოქურეფს. ლიკიქ მიოგორუ დო გიმირკვიუ ჩხოლარეფიშ 15 ახალი გვარობა დო მიშეღჷ ჩხოლარეფიშ გვარობეფიშ ახალი ჯოხოდვალეფი.

მერი ლიკი რდჷ შხვადოშხვა პრემიეფიშ დო ჯილდოეფიშ ლაურეატი. 1962 წანას მიპალუ ჰაბარდიშ მენდალი, 1969 წანას პრესტვიჩიშ მენდალი, 1975 წანას ოსურეფიშ გეოგრაფიული ჯარალუაშ ორქოშ მენდალი, 1978 წანას ლინეშ ორქოშ მენდალი დო 1980 წანას ელიზაბეტ ბლექველიშ პრემია. ლიკი რდჷ ბრიტანეთიშ აკადემიაშ მაკათური.

მერი ლიკი რდჷ ვიტვატერსრანდიშ, იელიშ, მიჩიგანიშ დო ოქსფორდიშ უნივერსიტეტეფიშ საპატიო დოქტორი.

გიშნაგორა პუბლიკაციეფი

Excavations at Njoro River Cave (ლუის ლიკიწკჷმა ართო), 1950
Olduvai Gorge: Excavations in Beds I and II, 1960–1963, 1971
Olduvai Gorge: My Search for Early Man, 1979
Africa's Vanishing Art: The Rock Paintings of Tanzania, 1983
Disclosing the Past, 1984

რესურსეფი ინტერნეტის