მესტიაშ აეროპორტი
მესტიაშ აეროტპორტი მესტიის აეროპორტი | ||
|---|---|---|
 | ||
| მესტიაშ აეროპორტი | ||
ინფორმაცია | ||
| ტიპი | ომენოღალე | |
| მაღვენჯი | შპს „საქართველოს აეროპორტების გაერთიანება“ | |
| ონინალჷ | მესტია | |
| ორენი |  საქორთუო | |
| კოორდინატეფი | / | |
მესტიაშ აეროპორტი, თაშნეშე რჩქინელი რე მუჭოთ მესტიაშ თამარ მაფაშ ჯოხონობაშ აეროპორტი — აბანობური შანულობაშ აეროპორტი[1] საქორთუოს, მესტიაშ მუნიციპალიტეტის, დაბა მესტიას, ზურაშ დონეშე 1400 მ სიმაღალეს იდვალუაფუ.[2] უღჷ ეიოფურინალ-დაფურინალი ზოლი, ნამუშ ზჷმეფი რე 850 მ X 30 მ.[3] ხელუანური ოფორუეშ ტიპი აკმოდირთუ ცემენტ-ბეტონიშე. აკოგაფაშ პროექტის მუსხირენი ქორთული კომპანია მუშენდჷ დო დოსაქვარაფილი რდჷ 300-შახ ადამიერი. აეროპორტიშ თარი არქიტექტორი რე იურგენ მეიერ-ჰერმანი.[4] აეროპორტიშ აკოგაფაქ 2010 წანაშ 24 ქირსეთუთას ითუ.[5] ზოთონჯიშ პერიოდის აეროპორტი ღებულენს ართმოტორიან ფურინჯეფს დო მორჩილი 18 კოჩიან ფურინჯეფს. ზარხულიშ პერიოდის აეროპორტის შეულებუ 50 კოჩიანი ფურინჯიშ მეღება.[6] ავიაკომპანია „ავიასერვიშ“ ხარჯშა ქართიშ ოერეფოშქაშე აეროპორტიშე ფურინუეფი ისრულებუ მესტიაშ მალობთ. რეისიეფი მარაშე ჟირშა, თუთაშხას დო ობიშხას, ბოლო მოდიფიკაციაშ Mi-171 ტიპიშ ვერტფურინჯით ისრულებუაფუ.[7] მესტიაშ აეროპორტიშ აკოგაფაქ სახენწჷფოს დოხოლაფირო 8 მლნ. ლარქ დუზოჯჷ.[8] მესტიაშ აეროპორტიქ მოსოფელიშ 10 არძოშე ურჩქვანელო აეროპორტეფიშ ერკებულს ქჷმოხვადჷ. ვებ-ხასჷლა Novate-იშ არქიტექტორეფქ მოსოფელიშ ურჩქვანელობური აეროპორტეფიშ ერკებულშა მესტიაშ აეროპორტი გენშიონეს დო „ჭიჭე ქორთული სარკო“ გიოდვეს.[9]
სქოლიო
[რედაქტირაფა | წყუშ რედაქტირაფა]- ↑ საქართველოს საგარეო საქმეთა სამინისტრო
- ↑ მესტიაში თამარ მეფის სახელობის აეროპორტი ოფიციალურად გაიხსნა
- ↑ მესტიის აეროპორტი Archived 2016-03-05 ვებ-ხასჷლას Wayback Machine.
- ↑ მესტიის თამარ მეფის სახელობის აეროპორტი
- ↑ პრეზიდენტი მესტიის აეროპორტს გახსნის[ღურელ რსხილი]
- ↑ მესტიაში თამარ მეფის სახელობის აეროპორტი ოფიციალურად გაიხსნა Archived 2016-03-04 ვებ-ხასჷლას Wayback Machine.
- ↑ თბილისის საერთაშორისო აეროპორტიდან ფრენები მესტიის მიმართულებით აღდგენილია Archived 2014-08-21 ვებ-ხასჷლას Wayback Machine.
- ↑ მესტიაში აეროპორტის მშენებლობა სახელმწიფოს 8 მლნ ლარი უჯდება Archived 2016-03-05 ვებ-ხასჷლას Wayback Machine.
- ↑ მესტიის აეროპორტი უჩვეულო აეროპორტების სიაში მოხვდა[ღურელ რსხილი]
| |||||||||
