მობილური მონწყილობა

ვიკიპედია-შე
გეგნორთი: ნავიგაცია, გორუა
სმარტფონეფი დო პლანშეტეფი

მობილური მონწყილობა თაშნეშე მობილური კომპიუტერი — გინაღალარი/გილაღალარი გჷმაკოროცხალი მონწყილობა.

  • ნოუთბუქი (ლეპტოპი) — გინაღალარი პერსონალური კომპიუტერი, ნამუშ კორპუსის სტაციონალური (დადგჷმალი) პერსონალური კომპიუტერიშო დჷმახასიათაფალი ტიპიური კომპონენტეფი რე გოართოიანაფილი, თინეფს შქას დისპლეი (ეკრანი), კლავიატურა დო გიოწურაფალი მონწყილობა (რჩქვანელობურო სენსორული პანელი, ვარდა ტაჩპადი), თაშნეშე აკუმლატორიშ ბატარეეფი. ნოუთბუქეფი გიშმეგორუნა ოშქაშე ზჷმათ დო წონათ, ნოუთბუქეფიშ ავტონომურ (დენიშ წყუშ უმუშო) ხანდაშ ბორჯი იძანძჷ 2-შე 15-სათშახ.
    • ლეპტოპი — უმოსი ფართო ტერმინი, ნამუთ გჷმირინუაფუ მიუჭოთ ნოუთბუქეფშო, თეშ ნეთბუქეფშო, სმარტბუქეფშო.
  • სუბნოუთბუქი — ნოუთბუქიშ მორჩილი ვერსია, ასეიან ბორჯიშო თის აქტიურო თირანა ნოუთბუქეფი დო ულტრაბუქეფი.
    • ნეთბუქი — სუბნოუთბუქი ალაზჷმაფათ ვართფერი მაღალი წარმადობათ, 7—12 დიუმიანი (17,78-30,48 სმ) დისპლეით (ეკრანით), დაბალი ენერგომოხვარებათ, ალაზჷმაფათ ეფი ფასით დო ქექე წონათ, თარო გიშაშქუმალირი რე ინტერნეტშა მიშაულარო დო საოფისე პროგრამეფწკჷმა ოხანდებელო. თე ტერმინი წჷმარინუ კომპანია Intel-ქ (დო თარო გჷმირინუაფუ თე კომპანიაშ პროცესორეფს დო ОС Windows-ის), მარა მაართათ გჷმირინუ, 1999 წანას, კომპანია Psion-ქ. ქიმინჯენდეს მუშ გიშარჩქინაშე 2012 წანაშ ბოლოშა, მუჟამსჷთ მაჸვენჯი მაწარმებელეფქ (ASUS დო Acer), ნეთბუქიშ კატეგორიაშ მოდელეფიშ გიშაშქუმალაშ (წარმებაშ) თებაშ გეშა გაცხადესჷნ[1]. ასეიან ბორჯიშო ვეწარმებუ, მარა გჷმოჩამას რე. ნეთბუქეფს ორხველჷ ქრომბუქი.
    • სმარტბუქი — სუბნოუთბუქი 5—10 დიუმიანი ეკრანიშ დიაგონალით, ნამუთ კინ თე კლასიშ აპარატულ პლატფორმას რე აკოქიმინელი, ნამუთ გჷმირინუაფუ სმარტფონეფშო დო ინტერნეტ-პლანშეტეფშო. ნეთბუქიშ ანალოგი, მარა გჷმირინუაფუ, მუჭოთ წესი, ARM, MIPS ვარდა შხვა არქიტექტურაშ პროცესორეფი, Intel-არქიტექტურაწკჷმა უმოხუჯურე, სპეციალიზირაფილი ოპერაციული სისტემა. ასეიან ბორჯიშე ბაზარშე გიშულირი რენა.
    • ულტრაბუქი — ულტრათხითხუ დო ქექე სუბნოუთბუქი, ნამუსჷთ ხოლო უმოსი ჭიჭე გაბარიტი დო წონა უღუ (2011 წანაშე).
  • Handheld PC (H/PC) — კლავიატურული ჯიბეშ კომპიუტერი.
  • ულტრამობილური პერსონალური კომპიუტერი (UMPC) — ოშქაშე ზჷმაშ მობიულური მონწყილობეფიშ სპეციფიკაციაса (2006 წანაშე).
  • პლანშეტური კომპიუტერი (tablet computer ვარდა ელექტრონული პლანშეტი) — აკოკორობილი გაგება, ნამუთ იკათუანს სენსორულე ეკრანამ შხვადოშხვა ტიპიშ კომპიუტერს (მონწყილობას).
  • პლანშეტური პერსონალური კომპიუტერი (tablet PC) — რსხულზჷმამი ნოუთბუქი, პერსონალური კომპიუტერიშ კლასის ორხველჷ, ნამუთ სენსორული ეკრანით რე ანჯარელი.
    • ინტერნეტ-პლანშეტი (Internet tablet ვარდა Web tablet — ვებ-პლანშეტი, ვარდა pad tablet — pad-პლანშეტი (ბლოკნოტური პლანშეტი), ვარდა web-pad — ვებ-ბლოკნოტი, ვარდა surfpad — ვებ-სერფინგ-ბლოკნოტი) — მობილური კომპიუტერი 5-შე 11-შახ ეკრანიშ დიაგონალით, ნამუთ კინ თე კლასიშ აპარატულ პლატფორმას რე აკოგაფილი, დო გჷმირინუაფუ სმარტფონეფშო. თაშნეშე Microsoft Tablet PC.
    • პლანშეტური ნეთბუქი — პორტატული პერსონალური კომპიუტერი, ნამუსჷთ ნეთბუქიშ დო ინტერნეტ-პლანშეტიშ მახასიათაფალეფი უღუ.
    • Pocket PC (Р/РС ვარდა PPC) — სენსორულ ეკრანიანი მონწყილობეფიშ საართო ჯოხოდვალა, ნამუეფით მუშენს ОС Windows Mobile-იშ მეშქაშობათ.
    • Slate PCთხითხუ პერსონალური კომპიუტერი») — პერსონალური პლანშეტური კომპიუტერიშ კომპაქტური ვარიანტი 7-11 დიუმიანი ეკრანიშ დიაგონალით, ინტერნეტ-პლანშეტეფიშ კონკურენციაშო რე გიშაშქუმალირი.
    • მობილური ინტერნეტ-მონწყილობა (Mobile Internet Device, MID) — კომპაქტური კომპიუტერეფი 4-7 დიუმიანი ეკრანიშ დიაგონალით, გჷმირინუაფუ მაართა რანწკის ვებ-ხასჷლეფიშ გაჯინალო დო ვებ-სერვისეფწკჷმა ოხანდებელო, ნამუთ რსულებური რე არძანერ ფორმა დო ფორმატის.
  • ჯპკ (ჯიბეშ პერსონალური კომპიუტერი) — პორტატული გჷმაკოროცხალი მონწყილობა, ნამუსჷთ ფართო ფუნქციური შელუამობეფი უღუ. ჯპკ-შა შხირას უჯონოა ხეშგურიში (ინგლ. palmtop), თიშ მორჩილი ზჷმაშ გეშა.
  • სმარტფონი — მობილური ტელეფონი, ნამუთ ფუნქციეფით ჯპკ-ს ომანგუ.
    • MultiPhone — მონწყილობეფიშ ჯოხოდვალეფიშ მიარეგვარობა, ნამუთ სმარტფონიშ ფუნქციეფს ასრულენს 4 (3,5; 4; 4,3; 4,5 и 5) დიუმიანი დიაგონალიშ ეკრანიშ მაღვენჯი მონწყილობეფს, წჷმორინაფილი რე ფირმა Prestigio-შით[2].
  • ფაბლეტი (phablet), თაშნეშე პლანშეტი (დიდი ზჷმა, მუჭოთ იკოროცხუ, თინეფს უმოსო პლანშეტეფს უგურუანა — მონწყილობეფიშ კლასი (სმარტფონი დო კომუნიკატორი), 5-შე 10-დიუმშახ დო უმოსიანი დიაგონალიშ სენსორული ეკრანამი მონწყილობა, ნამუსჷთ სმარტფონიშ დო მინი-პლანშეტიშ ფუნქციეფი უღუ.
  • პორტატული ოლაჸაფე სისტემა — ქექე, კომპაქტური, პორტატული ელექტრონული მონწყილობა, ნამუთ გჷმირინუაფუ ვიდეოლაჸაფეფიშ ოლაჸაფეთ. თეჯგურა მონწყილობეფი ოლაჸაფე კონსოლეფშე გიშეგორუაფუ კომპაქტურობათ დო მობილურობათ; ოლაჸაფე კონტროლიორიშ, ეკრანიშ დო ხონარამი ელემენტეფი, მუჭოთ წესი, თე მონწყილობაშ აკმადგინალი ნორთი რე.
  • სპეციალიზირაფილი გჷმაკოროცხალი მანქანა — გჷმაკოროცხალი მანქანა, ნამუთ გიშაშქუმალირი რე ართი ეშაჩიინებუ ვარდა ინწრო წირეშ ეშაჩინებუეფი ორსულებერო.
  • ელექტრონული წინგი — ინწროსპეციალიზირაფილი კომპაქტური პლანშეტური კომპიუტერული მონწყილობეფიშ ბუნაშ საართი ჯოხოდვალა, გჷმირინუაფუ ელექტრონული სახეთ გიშაშქუმალირი ტექსტური ინფორმაციაშ ოძირაფალო, სამანგათ, ელექტრონულ წინგეფშო.
  • გილაღალარი კომპიუტერი — კომპიუტერი, ნამუშ გილაღალა შილებე (ხეშ სათიშ დო ნეთბუქიშ ოშქაშე მონწყილობა); მოჩამილი მომენტშო, მოჩამილი მონწყილობაშო ვარე ხალიწერი სპეციფიკაციეფი დო სტანდარტეფი.

თაშნეშე ქოძირით[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Закат эры нетбуков. Mail.Ru. დოარქივაფილი რე ორიგინალშე 2013-01-06-ს. კითხირიშ თარიღი: 2012-12-27.
  2. MultiPhone Prestigio(რუსული)