მოლოტოვ-რიბენტროპიშ პაქტი

ვიკიპედიაშე
მოლოტოვი ხეს ოჭარანს გერმანია-სხუნუეფიშ რსხუშ უგუნთხაფალაშ პაქტის. თიშ უკახალე გერენა სტალინი დო რიბენტროპი.

რიბენტროპ-მოლოტოვიშ პაქტი1939 წანაშ 23 მარაშინათუთას მოსკოვს მასუმა რაიხიშ დო სსრრ-შ შქას დოდვალირი უგუნთხაფალაშ პაქტი, ნამჷსჷთ გერმანიაშ განშე ხე მაჭარჷ გალენურ საქვარეფიშ მინისტრიქ იოახიმ ფონ რიბენტროპიქ, სსრრ-შ განშე სხუნუეფიშ გალენურ საქვარეფიშ მინისტრიქ ვიაჩესლავ მოლოტოვქ. თე პაქტის ხოლო რდჷ ჩიება ცენტრალური ევროპაშ ართიანშქას გორთუალაშ გეშა. თე პაქტიქ აკორცჷ 1941 წანას გერმანიაშ განშე, მუჟამსჷთ თიქ ქეგიანთხჷ სხუნუეფიშ რსხუსჷნ.

ხეკულუაშ მეჯინათ, სხუნუეფიშ რსხუს დო ნაცისტური გერმანიას დუდი ოკო აუღალჷდესკო-ოკო ართიანიშ გენთხაფაშენ, თინეფს ხოლო აუღალჷდესკო-ოკო დუდი ართიანიშ აწმარენჯი ოლჷმარ საქვარუეფს კათინშენ თიმწკჷმათ მუჟამსჷთ, თენეფშე ნამდგაიჸინს მასუმა სახენწჷფო ქიგიანთხუდჷ-და. პაქტიშ მაკათურეფი ხოლო ვარიას იჩიებჷდეს თი ალიანსის კათაფაშენ, ნამუთ გოკოდა ორცათ თე ნამდგაიჸინი სახენწჷფოშ აწმარენჯო ქიჸიდჷ მეწურაფილ-და. 1948 წანას, ხეკულუაქ ხემიოჭირინუქ იჸუ, მუჭოთ ფოტოსურათეფქ. 2009 წანას, ევროპაშ პარლამენტქ 23 მარაშინათუთას, მოლოტოვ-რიბენტროპიშ პაქტიშ გოფორმაფაშ დღა, გჷმაცხადჷ სტალინიზმიშ დო ნაციზმიშ ნაკიბირალეფიშ შინაშ დღათ.

ფულირი ბირგულეფი[რედაქტირაფა | წყუშ რედაქტირაფა]

მოლოტოვ-რიბენტროპიშ პაქტის რინელი ფულირი ბირგულეფიშ მეჯინათ, ნაცისტურ გერმანიაქ დო სხუნუეფიშ რსხუქ მირაგადეს ტერიტორიეფიშ გეშა, ნამუეფჷთ მიშმეშეს თითოკაშ ინტერესეფიშ სფეროშა. პაქტიშ მეჯინათ, ჟირი სახენწჷფოშ ინტერესეფიშ სფეროეფიშ ხურგიქ იჸუ ლიეტუვაშ ოორუე სანძღოქ. დო ლიეტუვას მიაჩამუდჷ ვილნიუსი, ნამჷთ თიმწკჷმა პოლონეთიშ აკოდგინალუაშა მიშმეშჷ, დო ხეკულუაშ მეჯინათ სსრრ-შ გაულაშ თუდო იჸიდჷ ბესარაბია.

რესურსეფი ინტერნეტის[რედაქტირაფა | წყუშ რედაქტირაფა]