მონიკა ბელუჩი

ვიკიპედიაშე
მონიკა ბელუჩი

მონიკა ბელუჩი 2009 წანას
დაბადებაშ ჯოხო მონიკა ანა მარია ბელუჩი
დაბადებაშ აბანიჩიტა-დი-კასტელო, უმბრია, იტალია
დებადჷ 30 ეკენია, 1964 (1964-09-30) (59 წანერი)
საქვარუა არტისტი, მოდელი
აკოქიმინჯალაშ წანეფი 1990–ასეშა
ალმასქუ(ეფი) კლაუდიო კარლოს ბასო (1990 – ?)
ვენსან კასელი (1999 – 2013)

მონიკა ანა მარია ბელუჩი (იტალ. Monica Anna Maria Bellucci; დ. 30 ეკენია 1964,[1] ჩიტა-დი-კასტელო, იტალია) — იტალიარი[2] კინოარტისტი დო ფოტომოდელი.

ბიოგრაფია[რედაქტირაფა | წყუშ რედაქტირაფა]

მონიკა ბელუჩიქ დებადჷ 1964 წანაშ 30 ეკენიას იტალიაშ ართ-ართ პროვინციულ ნოღა ჩიტა-დი-კასტელოს.[3][4] მუამუში ლუიჯი ბელუჩი რდჷ ოფუტე-ომეურნე სფეროს მოხანდე, დიამუში მარია გუსტინელი — პროფესიათ ხანტუ რე.[5] 13 წანაშე მოდელო მუშენდჷ. 1986 წანას ბელუჩიქ ენირიცხჷ პერუჯიშ უნივერსიტეტიშ იურისპრუდენციაშ ფაკულტეტის.[6] გურაფაშ ფარა ქუშიბუდუკონ 16 წანაშე მუშენდჷ მოდელო „Liceo Classico“-წკჷმა. ომოდელე რინათ ბელუჩიქ დეინტერესჷ. 1988 წანას მონიკა ბელუჩი ორინალო გინურს ნოღა მილანშა, სოდეთ კონტრაქტი გაფორმჷ „Elite Model Management“-წკჷმა. 1989 წანას ბელუჩი, მუჭოთ მოდელი, ჯოხოგოლაფირი რდჷ პარიზის დო ნიუ-იორკის.

კინოკარიერა[რედაქტირაფა | წყუშ რედაქტირაფა]

ბელუჩიშ დებიუტიქ იტალიურ კინოს იჸუ 1990-იან წანეფს. კარიერას დუდშე ეპიზოდურ როლეფს იღენდჷ, მორო სიტუაცია დითირჷ თიში უკული, მუთი ბელუჩი იჭანეს ფრენსის ფორდ კოპოლაშ ფილმის — „დრაკულა“, სოდეთ დრაკულაშ მოჭყუდუშ როლი არსულჷ. უკულიანი წანეფს ფილმის ოლაჸაფეთ თის შხვა კინორეჟისორეფით იჭანუანა. გიშაკერძაფილო წჷმოძინას ბელუჩიქ მიოჭირინუ 1996 წანას, მუჟამსჷთ ილაყაფჷ ფილმის „ბინა“, სოდეთ თიში პარტნიორი რდჷ ვენსან კასელი. ათე ფილმის რსულებური როლიშო წჷმორინაფილი რდჷ სეზარიშ პრემიას ნომინაციას იმენდეფიშ მუმაჩამალი არტისტი.[7] წორას ათე ფილმიშ გინოღალეფს გეჩინებაფუ არტისტი ვენსან კასელი, ნამუთ გვიანო თიში ალმასქუქ იჸუ. მონიკა ბელუჩი გურგინელი რდჷ კლაუდიო კარლოს ბასოწკჷმა, მორო ჭკობაქ ართიანს დეთხუ. 1999-2013 წანეფს რდჷ ფრანგი კინოარტისტიშ ვენსან კასელიშ ალმასქუ, ნამუშეთ ჟირი სქუა ჸუნს.[8][9][10] უჩქუ იტალიურ, ფრანგულ, ინგლისურ დო სპარსულ ნინეფს.[11]

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1990 რინა ბაღანაწკჷმა Vita coi figli ელდა
1992 ბრემ სტოკერიშ დრაკულა Bram Stoker's Dracula დრაკულას პატარძალი

თარგი:ფილმში

1996 ბინა The Apartment ლიზა
1997 დობერმანი Dobermann ბოშა ნატალი
2000 მალენა Malèna მალენა სკორდია
2001 გერიშ ოჯიმალე Brotherhood of the Wolf სილვია
2002 ასტერიქსი დო ობელიქსი: მისია კლეოპატრა Astérix & Obélix: Mission Cléopâtre კლეოპატრა

თარგი:ფილმსი

2003 მატრიცა: რევოლუცია The Matrix Revolutions პერსეფონე
2004 ქირსეშ გემრეფი The Passion of the Christ მარიამ მაგდალინელი
2005 ჯიმალეფი გრიმეფი The Brothers Grimm სარკის დედოფალი
2010 ჯადოქარიშ მოწაფე The Sorcerer's Apprentice ვერონიკა
2012 რქალამეფიშ სეზონი Rhino Season მინა
2015 სპექტრი Spectre ლუსია სკიარა

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]

  1. Birth registration from the Perugina Registry Office
  2. [1]
  3. Martínez, Claudio (30 October 2003). Persephone (Spanish). El Diario de Hoy. კითხირიშ თარიღი: 9 November 2009.
  4. Monica Bellucci: Biography. MSN. კითხირიშ თარიღი: 23 January 2008.
  5. Monica Bellucci Biography (1969?–). Filmreference.com. კითხირიშ თარიღი: 8 September 2007.
  6. Corliss, Richard. “It's Monica Mania“, TIME, 10 March 2003. კითხირიშ თარიღი: 26 May 2007. 
  7. Campion, Chris (5 October 2006). Fantasy made flesh. The Daily Telegraph. კითხირიშ თარიღი: 17 April 2009.
  8. Silverman, Stephen M.. “'Passion' Actress Bellucci Has Baby Girl“, People, 14 September 2004. კითხირიშ თარიღი: 8 August 2010. 
  9. Actress Monica Bellucci has baby girl“, 25 May 2010. კითხირიშ თარიღი: 8 August 2010. დოარქივაფილი რე ორიგინალშე 31 May 2010-ს. 
  10. Monica Bellucci, Vincent Cassel To Divorce After 14 Years“, Huffington Post, 26 August 2013. კითხირიშ თარიღი: 2013-08-26. 
  11. Actress Monica Bellucci is not to be underrated - Toronto Sun