მულხრა, მულხურა — წყარმალუ ბჟადალ საქორთუოს, მესტიაშ მუნიციპალიტეტის, ინგირიშ მარძგვანი ნადუ. სიგინძა რე 27 კილომეტრი, ღანჩოშ ფართობი - 435 კვ.კმ. ოდუდე უღჷ შონეშ კავკაციონიშ თარი ქჷნდჷრიშ ობჟათე კართეს, ტვიბერიშ ჯიშთის, წყარმალუ ინგირს აკათუ ოფუტე კვანჭიანარიშ გოხოლუას. ირდუ ჯიშთური, თჷრიშ, ჭვემაშ დო დიხაშთუდონი წყარით. წყარალა უჩქჷ პირელშე (აპრილშე) გჷმათუთაშა, წყარიშ სიმორჩილე — გჷმათუთაშე პირელშა. გერგობათუთაშე მელახიშ ბოლოშა უჩქჷ წყარიშ მუნოჸინუა. ოშქარი წანმოწანური ხარჯი მიშაკათაფუწკჷმა რე 22,5 მ.კუბ./წმ.
