მუხუდო
იერსახე
![](http://upload.wikimedia.org/wikipedia/commons/thumb/8/82/Soybean.USDA.jpg/200px-Soybean.USDA.jpg)
მუხუდო (Glycine) — ტყალამი ჩანარეფიშ გვარი პოპოქიშობურეფიშ ფანიაშე. აკმოდირთუ მუზმარენ ვითარ გვარობაშე. ფართასიე გოფაჩილი კულტურული მუხუდო, ნამუშ შურობუმუთ ჩინეთი რე. ირთუ ოთხ თუდონგვარობათ: კორეული, მანჯურიული, ჩინური დო ინდური. ართწანამი სოიაშ სიმაღალა 0,2-2 მეტრიშახ ოჭირინუანს. პოპოქი ღილე ვარა რუმე უჩა რე, დინოხოლე რე 2-3 (ვარა 1-4) ღილე ფერიშ კაკალი. სინთეში დო ტენიშ მაჸოროფუ რე. ჯგირო ირდუ შხვადოშხვა ტიპიშ ნერჩის ( მჟავე, ონტყოლაშეამი დო ბიცობი ნერჩეფიშ მეტი). სოია ტექნიკური, ოჩმალი დო სიდერალური კულტურა რე. კაკალს 24-45% ცილა რე, 20-32% - ნოშქერწყარეფი, 13-37% ცხიმი. იკათუანს D, B, E დო შხვა ვიტამინეფს. საქორთუოს გოფაჩილ ჯიშეფშე შანულამი რე იმერული, გურული, ჭიათურაშ, მოწინავე-7, კოლხიდა-4, ადრეულა-6, სანაკიშ და შხვა.