ნილს კაი ერნე

ვიკიპედია-შე
ნავიგაციაზე გადასვლა ძიებაზე გადასვლა
ნილს კაი ერნე
დან. Niels Kaj Jerne
Niels Kaj Jerne 1950 crop.jpg
დაბადებაშ თარიღი:

23 ქირსეთუთა, 1911

დაბადებაშ აბანი:

ლონდონი, ინგლისი

ღურაშ თარიღი:

გჷმათუთა 7, 1994 (82 წანერი)

ღურაშ აბანი:

კასტიიონ-დიუ-გარი, საფრანგეთი

მენოღალობა:

დანიაშ შილა დანია

ომენცარე სფერო:

იმუნოლოგია

სამუშაშ აბანი :

ჭყანთხილუაშ მოსოფელიშ ორგანიზაცია
ბაზელიშ იმუნოლოგიაშ ინსტიტუტი

ალმა-მატერი:

კოპენჰაგენიშ უნივერსიტეტი
ლეიდენიშ უნივერსიტეტი

ჯილდოეფი დო პრემიეფი:

გაირდნერიშ პრემია (1970)
მარსელ ბენუაშ პრემია (1978)
ომაფე ჯარალუაშ მაკათური (1980)
ნობელიშ პრემია ფიზიოლოგიაშ დო მედიცინაშ დარგის (1984)

ნილს კაი ერნე (დან. Niels Kaj Jerne; დ. 23 ქირსეთუთა, 1911, ლონდონი, ინგლისი — ღ. 7 გჷმათუთა, 1994, კასტიიონ-დიუ-გარი, საფრანგეთი) — დანიარი იმუნოლოგი, იმუნური სისტემაშ მენცარული რკვიებაშ დო მონოკლონალური ანტირსხულეფიშ პროდუქციაშ პრინციპიშ ძირაფაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1984 წანას (გეორგ კელერი დო სეზარ მილშტეინიწკჷმა ართო). გურაფულენდჷ ფიზიკას ლეიდენიშ უნივერსიტეტის, უკულ ფიზიკაშ გურაფა მიოტუ დო დიჭყჷ მედიცინაშ დოგურაფა. ლეიდენიშ უნივერსიტეტიშ უკულ გურაფა გაგინძორჷ კოპენჰაგენიშ უნივერსიტეტის, სოდეთ მიპალუ მედიცინაშ დოქტორიშ ხარისხი 1951 წანას. გურაფაშ თებაშ უკულ მუშენდჷ ჭყანთხილუაშ მოსოფელიშ ორგანიზაციას, ჟენევას. 1966 წანაშე რდჷ ფრანკფურტიშ გოეთეშ უნივერსიტეტიშ ექსპერიმენტალური თერაპიაშ პროფესორი. 1969-1980 წანეფს კაი ერნე რდჷ ბაზელიშ იმუნოლოგიაშ ინსტიტუტიშ დირექტორი. კაი ერნე რდჷ შხვადოშხვა პრემიეფიშ დო ჯილდოეფიშ ლაურეატი. 1978 წანას მიპალუ გაირდნერიშ პრემია დო 1978 წანას მარსელ ბენუაშ პრემია. რდჷ ამერიკაშ მენცარობაშ დო ხელუანობაშ აკადემიაშ, დანიაშ მენცარობეფიშ აკადემიაშ, ამერიკაშ მენცარობაშ ერუანული აკადემიაშ, საფრანგეთიშ მენცარობეფიშ აკადემიაშ დო ლონდონიშ ომაფე ჯარალუაშ მაკათური. ნილს კაი ერნე რდჷ ჩიკაგოშ უნივერსიტეტიშ, კოლუმბიაშ უნივერსიტეტიშ, კოპენჰაგენიშ უნივერსიტეტიშ დო ბაზელიშ უნივერსიტეტიშ საპატიო დოქტორი.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: