ობუჯი — ოფუტე საქორთუოს, სამარგალო-ჟიმოლენი შონეშ აკანიშ წალენჯიხაშ მუნიციპალიტეტის,[1] აშაძჷ ოდიშიშ დჷკის, წყარმალუ წენწყარიშ ძგალეფს, ზუღაშ დონეშე 160 მეტრას. წალენჯიხაშე გოძჷ 6 კილომეტრი. ჯვარიშე 17 კმ. 2014 წანაშ ეჭარუაშ მუნაჩემეფით ოფუტეს ოხორანს 706 ადამიერი.[2]
ოფუტეშ ობჟათე–ბჟადალ გვალას რე XIII-XIV ოო ქორთული ხურომანჯღვერული ძეგლი – ობუჯიშ მონასტერიშ აკნაცჷმეფი. ოფუტეს წჷმოსქილადირი რე ჯაღჷრაშ ჯიხა.
ოფუტეს დებადჷ ქორთუ კინორეჟისორქ ნიკოლოზ შენგელაიაქ. თე ოფუტეშე რე თაშნეშე მარგალური ნინაშა ჭარილი ჩინებული "ხუმლა კოჩიშ" დო ისტორიული პოემა "ბულათიაშ" ავტორი დანიელ ფიფია. ოფუტე ობუჯის რე ლეო ქიაჩელიშ ჸუდე–მუზეუმი.
