ოფუტე

ვიკიპედიაშე
დართლო, თუშეთი, საქორთუო.
ბერბერეფიშ ოფუტე მაროკოს
ოფუტე საფრანგეთის, ჟიმოლენი პროვანსიშ ალპეფიშ დეპარტამენტის
მასულე, გილანიშ პროვინცია, ირანი

ოფუტე — დოხორინიშ ართ-ართი უჯვეშაში დო ოირკოჩეთ გოფაჩილი ფორმა. მახორუეფიშ მუდანობაშ მეჯინათ გჷშმაგორჷნა ჭიჭე (მუდგაზმარენი ფანია, ვარა კოჩი) დო დიდ (მუდგაზმარენი ვითოში) ოფუტეეფს. ოფუტეეფიშ ანგარია გოშხვანერაფილიე ქიანაშ ორთაშობური პიჯალეფიშ დო ოწარმუე გეზაშ გეშა, მარა თინეფიშ ოართე დჷმახასიათაფალი შანი რე ინდივიდუალური ოხორინალი ჸუდეეფით გოკიდუაშ დო ოფუტურ-ომეურნულ წარმებაშ უმოსო გოფაჩუა.

ისტორიულო დირსხუ ოფუტურ დოხორინიშ მუსხირენი ფორმაქ:

  • გინძური ნაშენუა — მუჟამცჷთ ჸუდეეფი გორანწკილი რენა ართი შარაშ (შოშეშ) მანგას.
  • ქართული ნაშემნუა — მუჟამცჷთ ჸუდეეფი გორანწკილი რენა ცენტრალური ოართე მოედანიშ მუკი-მუკი ქართაშობურო.

თე ჟირი ფორმა არქაულიე, თეჟამო ვანაფერო აფხვადუნა, თიშ გეშა ნამდა ოფუტეეფს მახორობაშ რდუალაქ თინეფიშ ტრანსფორმაცია გიშეჭანუნ.

ოფუტეეფი საქორთუოს[რედაქტირაფა | წყუშ რედაქტირაფა]

საქორთუოს ოფუტე ადმინისტრაციულ-ტერიტორიული დორთუალაშ ჯინჯიერი ართური რე. ოფუტეს აბანობური მუშითდუდალაშ ორგანო რე ოფუტეშ ოკათუეში. მორჩლი ზჷმაშ ოფუტეეფი გოართოიანაფილი რენა თემიშ უკათუეშის. კონფლიქტური რეგიონეფიშ უგუთოლწონებუო საქორთუოს 3668 ოფუტე რე, ნამუეფით მახორობაშ რიცხუანობაშ მეჯინათ ირთუნა ათაში:

ბუნა თუდონი თანჯა ჟინი თანჯა მუდანობა
1 < 10 312
2 11 50 393
3 51 100 360
4 101 200 480
5 201 500 911
6 501 1000 621
7 1001 2000 373
8 2001 3000 124
8 3001 5000 64
9 5001 > 28

თე სტატიტიკა ვეთოლწონენს აფხაზეთიშ დო ცხინვალიშ რეგიონიშ ოფუტეეფს, თიშენ, ნამდა თინეფშე მუთუნი სარწუმო ინფორმაცია ვაარსებენს.

რესურსეფი ინტერნეტის[რედაქტირაფა | წყუშ რედაქტირაფა]