ოგიუსტ პიკარი
| ოგიუსტ პიკარი | |
| ფრანგ. Auguste Piccard | |
 ოგიუსტ პიკარი 1932 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 24, 1962 (78 წანერი) |
| ღურაშ აბანი: |
ლოზანა, შვეიცარია |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
რუდოლფ დიზელიშ მენდალი (1959) |
| ხეშმოჭარუა: |
|
ოგიუსტ პიკარი (ფრანგ. Auguste Antoine Piccard; დ. 28 ღურთუთა, 1884, ბაზელი, შვეიცარია — ღ. 24 მელახი, 1962, ლოზანა, შვეიცარია) — შვეიცარიალი ფიზიკოსი დო გჷმმაგონებელი.
პიკარი გურაფულენდჷ ციურიხიშ ფედერალური ტექნოლოგიეფიშ ინსტიტუტის. გურაფაშ თებაშ უკული მუშენდჷ ბრიუსელიშ დუდიშული უნივერსიტეტიშ ფიზიკაშ პროფესორო. 1922, 1924, 1927, 1930 დო 1933 წანეფს მონაწილენდჷ სოლვეშ კონფერენციეფს. პიკარიქ 1930-იან წანეფს ბალუნინგით დო ჟინი ატმოსფეროშ რკვიებეფით დეინტერესჷ. ჸათე პერიოდის პიკარიქ ეიოგჷ ალუმინიშ სფერული გონდოლა. თარი მოტივაცია ჟინი ატმოსფეროშ რკვიებეფით დაინტერესებაშო რდჷ კოსმოსური რადიაციაშ ზიმუა, ნამუქჷთ შილებედჷ იჸუკო ექსპერიმენტული ნტკიცებაქ ალბერტ აინშტაინიშ თეორიეფიშო. 1931 წანაშ 27 მესის პიკარიქ დო პაულ კიფპერიქ აუგსბურგიშე გეფურინეს წყარბადიშ ბურთით დო მიოჭირინეს რეკორდულ სიმაღალას - 15,781 მეტრას. ჸათე მისიაშ ბორჯის თინეფქ გინირთეს მაართა ადამიერეფო, ნამუეფქჷთ მიშართეს სტრატოსფეროშა. 1932 წანაშ 18 მარაშინათუთას, პიკარიქ დო მაქს კოსინსიქ მანწყის ოჰეერე ბურთით ფურინუაშ მაჟირა მისია დო მიოჭირინეს 16,201 მეტრაშ სიმაღალას.
1930-იანი წანეფიშ ოშქაშე პერიოდის, პიკარიქ ინტერესეფიშ სფერო დითირუ. პიკარიშ აზრით ბურთიშ კაბინაშ მოდიფიკაციათ, შილებედჷ ოკიანეშ სიტომბაშა ინულა ხოლო. 1937 წანას თიქ აკიმუშუ დიზაინი მაართა ბატისკაფიშ, ნამუთ რდჷ რკინაშ გონდოლა, ნამუსჷთ შეულებუდჷ გურზუკო დიდ, გალენ წნევას. პიკარიქ ჸათე პროექტიშ კეთება ქიდიჭყჷ, მარა საქვარქ ბოლოშა ვემიჸაონინუ. მაჟირა მოსოფელიშ ლჷმაშ უკულ ითუ ბატისკაფიშ ეგაფაქ. ბატისკაფიშ ჯოხოდვალა რდჷ FNRS-2. უკულიან წანეფს, ჸათე ბატისკაფიშ გიმორინაფათ, პიკარიქ გიმირკვიუ ოკიანეშ სიტომბა. ოგიუსტ პიკარიქ დო მუში სქუა ჟაკიქ ეიოგეს ახალი ბატისკაფი დო 1953 წანას თინეფქ ჸათე ბატისკაფით თიხანური პერიოდიშ რეკორდული სიტომბას - 3,150 მეტრას ქიმიოჭირინეს.
ოგიუსტ პიკარი რდჷ შხვადოშხვა პრემიეფიშ დო ჯილდოეფიშ ლაურეატი. 1959 წანას მიპალუ რუდოლფ დიზელიშ მენდალი. საფრანგეთიშ თარობაქ პიკარის გინოჩჷ საპატიო ლეგიონიშ ორდენი. ოგიუსტ პიკარიქ ღურუ 1962 წანაშ 24 მელახის, 78 წანერქ.
რესურსეფი ინტერნეტის[რედაქტირაფა | წყუშ რედაქტირაფა]
