ციურიხიშ ფედერალური ტექნოლოგიეფიშ ინსტიტუტი
| ციურიხიშ ფედერალური ტექნოლოგიეფიშ ინსტიტუტი გერმ. Eidgenössische Technische Hochschule Zürich | |
| |
| დირსხუ | 1855 |
|---|---|
| ტიპი | ოჯარალე |
| ფონდეფი | CHF $ 1.896 მლრდ. (2021) |
| წორომახანდე | 9,718 |
| პრეზიდენტი | Joël Mesot |
| პროფესორი | გიუნტერ დისერტორი |
| სტუდენტი | 24,534 |
| ორენი |  ციურიხი, შვეიცარია
|
| კამპუსი | ურბანული |
| ფერეფი | უჩა დო ჩე |
| საიტი | ethz.ch |
| |
ციურიხიშ ფედერალური ტექნოლოგიეფიშ ინსტიტუტი (გერმ. Eidgenössische Technische Hochschule Zürich; ინგლ. Swiss Federal Institute of Technology in Zürich) — უნივერსიტეტი შვეიცარიაშ ნოღა ციურიხის. 1854 წანას დარსხჷ შვეიცარიაშ ფედერალურ თარობაქ. უნივერსიტეტის მიშინუანა გერმანული აბრევიატურათ - ETH. უნივერსიტეტი ორიენტირაფილი რე უმოსო მენცარობაშ, ტექნოლოგიეფიშ, ინჟინერიაშ დო მათემატიკაშ დისციპლინეფიშო. მაჸალე ინსტიტუტი, ლოზანაშ ფედერალური პოლიტექნიკური სკოლაწკჷმა ართო, ციურიხიშ ტექნოლოგიეფიშ ინსტიტუტი შვეიცარიაშ ფედერალური ინსტიტუტეფიშ ტექნოლოგიური დომეინიშ მაკათური უნივერსიტეტი რე.
2008 წანაშ მოსოფელიშ უნივერსიტეტეფიშ რეიტინგით, ციურიხიშ ტექნოლოგიეფიშ ინსტიტუტის უკინებუდჷ მაბრუო აბანი დო რეიტინგით თინა რდჷ მაანთხა ევროპაშ მასშტაბით, ოქსფორდიშ უნივერსიტეტიშ, კემბრიჯიშ უნივერსიტეტიშ დო ლონდონიშ იმპერიული კოლეჯიშ უკული. 2021 წანაშ უნივერსიტეტეფიშ რეიტინგის ციურიხიშ ტექნოლოგიეფიშ ინსტიტუტი მანთხა რდჷ მოსოფელს, ინჟინერიაშ დო ტექნოლოგიეფიშ დისციპლინეფიშ მეჯინათ დო მაართა რდჷ დიხაუჩაშ მენცარობეფიშ სფეროს. 2021-2022 წანეფიშ უმაღალაში გონათაფაშ მოსოფელიშ უნივერსიტეტეფიშ, ბრიტანული ჟურნალი Times Higher Education-იშ რეიტინგეფს, ციურიხიშ ტექნოლოგიეფიშ ინსტიტუტის უკინებჷ მავითოხუთა პოზიცია.
2021 წანაშ მუნაჩემეფით უნივერსიტეტის ჸუნს 24,500 სტუდენტი (მოსოფელიშ 120 ქიანაშე), თაურეშე 4,460 ოდოქტორე პროგრამეფიშ სტუდენტი რე. ციურიხიშ ტექნოლოგიეფიშ ინსტიტუტის გურაფულენდეს დო უნივერსიტეტწკჷმა აფილირაფილეფი რდეს: ნობელიშ პრემიაშ 22 ლაურეატი, ფილდსიშ მენდალიშ 2 ლაურეატი, პრიცკერიშ პრემიაშ 3 ლაურეატი დო ტიურინგიშ პრემიაშ 1 ლაურეატი. ართ პერიოდის უნივერსიტეტის მუშენდჷ გიშარჩქინელი გერმანალი ფიზიკოსი ალბერტ აინშტაინი. ციურიხიშ ფედერალური ტექნოლოგიეფიშ ინსტიტუტი რე IDEA League-შ დო რკვიებეფიშ უნივერსიტეტეფიშ საირქიანო ალიანსიშ ართ-ართი დჷმარსხუაფალი დო მაკათური.
