ოლომოუცი (ჩეხ. Olomouc), ოლმიუცი (გერმ. Olmütz) — სტატუტური ნოღა ჩეხეთის, ოლომოუციშ აკანიშ ადმინისტრაციული ცენტრი.
ნოღა იდვალუაფჷ ჩეხეთიშ ბჟაეიოლშე, მორავიაშ ისტორიული რეგიონიშ ცენტეის, წყარმალუ მორავაშ ჟირხოლო წყარპიჯის.
ნოღაქ დირსხჷ 1253 წანას. მუშ ბორჯის მორავიაშ სახენწჷფოშ ნანანოღა რდჷ. ჩეხეთიშ ართ-ართი უჯვეშაში ნოღა დინდარი კულტურული რინათ. ოლომოუციშა უჯოხონა მაჟირა პრაღა, ელაზჷმაფათ უმოსი რჩქალი რე. ნოღას იდვალუაფჷ არქიეპისკოპოსიშ რეზიდენცია, ქიანაშ მაჟირა უჯვეშაში უნივერსიტეტი (პალაცკიშ უნივერსიტეტი), ჩეხეთიშ ოურდუმე ოსქირონე ჯარიშ დო ნთელ რანწკი კულტურული დო სახენწჷფო დჷნაწესებუეფიშ ორენი. ნოღაშ მიკმანჭაფუ — შადრევანამი ფართო მოედანეფი, ნამუეფქჷთ აკიგჷ XVIII ოშწანურას ბაროკოშ სტილით.
