ოლშტინი (პოლ. Olsztynⓘ [ˈɔlʂtɨn]; 1945 წანაშახ ალენშტაინი გერმ. Allensteinⓘ; ლათ. Allenstenium, Holstin[1]) — ნოღა პოვიატიშ ნებეფით პოლონეთიშ ოორუეშე, ვარმია-მაზურიაშ სავოევოდეშ ადმინისტრაციული ცენტრი, თაშნეშე თაქ იდვალუაფუ ოლშტინიშ პოვიატიშ დუდოზოჯუ გამაგალაშ ორგანოეფი, კათოლიკური ოხვამეშ ვარმიაშ არქიეპარქიაშ კურიაშ დო ბერძენულ-კათოლიკური ოხვამეშ ოლშტინ-გლდანსკიშ ეპარქიაშ ცენტრი. ნოღაშე ვარშავაშა მეძჷ 215 კმ. იდვალუაფუ წყარმალუ ლინაშ წყარპიჯის. სავეოვოდეშ თარი ეკონომიკური, კულტურული დო ოგონათუე ცენტრი რე, თაშნეშე — შანულამი რკინაშარაშ დო მაგისტრალური ნოსქვი. ოლშტინიშ აგლომერაციაშ ცენტრალური ნოღა. პოლონეთიშ ისტორიული დო ეთნოგრაფიული რეგიონი ვარმიაშ არძაშე უკაბეტაში ნოღა.
ოლშტინიშ შანულამი ოქინაფუეფს ორხველუ ჯვეში ნოღა შქაოშწანურეფიშ ვარმიაშ საკათედრო ოხიდაშ ჯიხაზურგათ დო ჯგ. იაკობიშ ოხიდათ, ნამუთ 600 წანაშ უმოსი ხანიშ რე. ნოღაშ ბაზარიშ მოედანი ანგურაშ გოთური სტილიშ ევროპული მარშრუტიშ ნორთი რე დო საკათედრო ოხიდა, პოლონეთის გოთური არქიტექტურაშ[2] ართ-ართ უკაბეტაში ძეგლო იკოროცხუ. ნოღა თაშნეშე ჩინებული რე ნიკოლოზ კოპერნიკწკჷმა ასოცირებათ, ნამუთ თექ ცხოვრენდჷ. ჯიხაზურგას კოპერნიკიშით ნაკეთებუ ასტრონომიული რცხილი იდვალუაფუ დო 1521 წანას, ტევტონეფიშ მინოკათინიშის, კოპერნიკი ნოღაშ წუმოძინელ თხილუას დუდენდჷ. თეხანურობას ჯიხაზურგას მუზეუმი იდვალაუფუ დო კონცერტეფიშ, ხელუანობაშ გუმობჟინაფეფიშ, ფილმეფიშ ძირაფაშ დო შხვა კულტურული აქტივობებიშ მანჯებაშ აბანი რე, ნამუთ ოლშტინს პოპულარულ ტურისტულ აბანო გჷნმართინუანს.[3][4]
ოლშტინი, უკვე მუსხირენ წანა რე, ძალამ მაღალ ფასებას ღებულენს რინაშ ხარისხიშ, მიშნაველიშ, დასაქმებაშ დო უშქურანჯობაშ მეჯინათ. ნოღა პოლონეთიშ ართ-ართი საუჯგუშო აბანი რე ოხორინეთ დო ომუშებელო.[5][6] თაშნეშე ქიანაშ ართ-ართი არძაშე ბედინერი ნოღ რე.
ნიკოლოზ კოპერნიკიშ ბიუსტი ჯიხაზურგაშ გოხოლუას
მემორიალური დაფა ფელიქს ნოვოვიეისკიშ ჸოფირი ჸუდეს
- იოჰანეს ფონ ლეიზენი (1310–1388), ნოღაშ დჷმარსხუაფალი დო მერი
- ნიკოლოზ კოპერნიკი (1473–1543), ასტრონომი, ადმინისტრატორი დო ნოღაშ კომენდანტი
- იოჰანეს კნოლეიზენი (+1511), გერმანალი აკადემიკოსი
- ლუკას დავიდი (1503–1583), პრუსიაშ გერმანალი ისტორიკოსი
- მარჩინ კრომერი (1512–1589), პოლონარი კარტოგრაფი, დიპლომატი დო ისტორიკოსი, პოლონეთიშ მაფეფიშ კერძო მელამოსე, ვარმიაშ ეპისკოპოსი
- ანტონი ბლანკი (1785–1844), პოლონარი ხანტუ
- ჰუგო ჰასსე (1863–1919), გერმანალ-ურია პოლიტიკოსი, იურისტი დო პაციფისტი
- ფრანც იუსტუს რარკოვსკი (1873–1950), ოურდუმე ეპისკოპოსი (1938–1945)
- აუგუსტ ტრუნცი (1875–1963), Prussica-Sammlung Trunz-იშ დჷმარსხუაფალი
- ფელიქს ნოვოვიეისკი (1877–1946), პოლონარი კომპოზიტორი, დირიჟორი დო ორღანისტი
- ერიხ მენდელსონი (1887–1953), ნაცისტეფშე ნანტებუ გერმანალ-ურია არქიტექტორი
- ოლგა დესმონდი (1891–1964), გერმანალი მასხაპალი დო არტისტი
- ჰერმან დონა-ფინკენშტეინი (1894–1942), გერმანალი კლერკი დო პოლიტიკოსი
- გიუნტერ ვანდი (1912–2002), გერმანალი დირიჟორი
- კურტ ბალუსესი (1914–72) გერმანალი მობურთე დო მაწვართალი
- ჰერბერტ შახტშნაიდერი (1919–2008), გერმანალი ოპერაშ მობირე
- ჰანს-იურგენ ვიშნევსკი (1922–2005), გერმანალი პოლიტიკოსი
- კურტ ლოუენსი (1925–2017), გერმანალი არტისტი
- ლეონარდ პოლი (1929–2014), გერმანალი ტანმონარდიშე
- იუზეფ გლემპი (1929–2013), პოლონარი პრელატი, ვარმიაშ ეპისკოპოსი 1979–1981წწ.
- იორგ კუბარტი (1934–2018) გერმანიაშ ოურდუმე-ოჰეერე ოურდუმე ნძალეფიშ გენერალი
- ეუგენიუშ გენო მაუკოვსკი (1942–2016), პოლონარი ხანტუ, ფერჭარუ დო აკადემიკოსი
- ულრიხ შრადე (1943–2009), გერმანალ-პოლონარი ფილოსოფოსი დო პედაგოგი
- მარიან ბუბლევიჩი (1950–1993), 1980-იანი დო 1990-იანი წანეფიშ პოლონარი ავტომარაჸალი.
- იულიუშ მახულსკი (დ. 1955), პოლონარი კინორეჟისორი
- იზაბელა ტროიანოვსკა (დ. 1955), პოლონარი არტისტი დო მობირე
- ანდჟეი ფრიშკე (დ. 1956), პოლონარი ისტორიკოსი
- კშიშტოფ ხოუოვჩიცი (დ. 1962), პოლონარი ავტომარაჸალი
- პიოტრ ვივჩარეკი (დ. 1965),პოლონარი მუსიკოსი, ვოკალისტი დო გიტარისტი
- არტურ ვოიდატი (დ. 1968), მანჩურალი
- ელჟბიეტა იაბუონსკა (დ. 1970), ოლშტინს დჷნაბადი პოლონარი ანდაპროფილური ხანტუ[7]
- მამედ ხალიდოვი (დ. 1980), პოლონარ-რუსი ესვარილი ბურჯაფიშ სპორტსმენი
- ვოიჩეხ გჟიბი (დ. 1981), პოლონარი ფურინმობურთე
- იულია მარსელი (დ. 1982), პოლონარი მობირე/ბირეფიშ ავტორი დო პიანისტი
- მაუგოჟატა იაშინდკა (დ. 1984), პოლონარი პროფესიონალი ველოსიპედისტი (გნრ.)
- მიხაუ ტშეჩიაკიევიჩი (დ. 1984), ჸოფირი პოლონარი მობურთე
- მარჩინ მოჟჯონეკი (დ. 1985), ფურინმობურთე
- ადრიან მეჟეიევსკი (დ. 1986), პოლონარი მობურთე
- უუკაშ გიკევიჩი (დ. 1987), პოლონარი მობურთე
- რაფაუ გიკევიჩი (დ. 1987), პოლონარი მობურთე
- იოანნა იენდჟეიჩიკი (დ. 1987), მუა-ტაიშ დო MMA-შ მობურჯაფე, UFC-შ ჸოფირი ჩემპიონი ოსურეფიშ მინიმალური წონას
- პავეუ დავიდოვიჩი (დ. 1995), პოლონარი მობურთე
- არტურ შალპუკი (დ. 1995), პოლონარი ფურინმობურთე, 2018 წანაშ ჩემპიონი
