დინორეშა გინულა

ოსკარ უაილდი

ვიკიპედიაშე
ოსკარ უაილდი
დაბადებაშ თარიღი:

16 გჷმათუთა, 1854

დაბადებაშ აბანი:

დუბლინი, ირლანდია

ღურაშ თარიღი:

გერგობათუთა 30, 1900 (46 წანერი)

ღურაშ აბანი:

პარიზი, საფრანგეთი

ერუანობა:

ირლანდიარი

საქვარუა:

ჭარუ, დრამატურგი, პოეტი

პერიოდი :

1878—1895

Magnum opus:
  • რავენა
  • ბედინერი მაფასქირი დო შხვა თხობელუეფი
  • ლორდი ართურ სევილიშ ბრალობა დო შხვა თხობელუეფი
  • ბერწულეფიშ ჸუდე
  • დორიან გრეიშ პორტრეტი
  • ლედი უინდერმირიშ მარაო
  • ოსური ნამუთ მუთარე
  • იდეალური ქომონჯი
  • სერიოზული რინაშ შანულობა
  • რედინგიშ ჯიხაშ ბალადა
ჟანრი:

კომედია, დრამა, ტრაგედია, არიკი, პოემა, რომანი, თხობელუა, ესე

ნინა:

ინგლისური ნინა,
ფრანგული ნინა,
ბერძენული ნინა

ჯილდოეფი:

ნიუდიგეიტიშ პრემია (1878)

ხეშმოჭარუა

ოსკარ ფინგალ ო’ფლაერტი უილს უაილდი (ინგლ. Oscar Fingal O'Flahertie Wills Wilde; დ. 16 გჷმათუთა, 1854, დუბლინი, ირლანდია — ღ. 30 გერგობათუთა, 1900, პარიზი, საფრანგეთი) — ირლანდიარი ჭარუ, დრამატურგი დო პოეტი. ავტორი რე შხვადოშხვა პიესეფიშ, თხობელუეფიშ, არიკეფიშ, ლერსეფიშ, პოემეფიშ, პროზაული ლერსეფიშ, ესეეფიშ, მინიატურეფიშ, ეპიგრამეფიშ დო ართი რომანიშ დორიან გრეიშ პორტრეტი.

ოსკარ უაილდიქ დებადჷ ანგლო-ირლანდიარი ინტელექტუალეფიშ ფანიას. გურაფულენდჷ დიო ტრინიტი-კოლეჯის დო უკულ ოქსფორდიშ უნივერსიტეტის. სტუდენტობაშ ბორჯის მუში ომენცარე ხემანჯღვერეფიშ უოლტერ პატერიშ დო ჯონ რესკინიშ გოლინათ დეეხოლჷ ფილოსოფიური გემაჸვენჯობას ესთეტიზმის. გურაფაშ თებაშ უკული, უაილდიქ ოცხოვრებშა ლონდონშა გეგნორთჷ, სოდეთ ქაკათჷ შანულამ კულტურულ დო სოციალურ ბუნეფს.

ოსკარ უაილდიქ ლონდონიშ უკულ, ართი პერიოდის ამერიკაშა დო კანადაშა მიდართჷ, სოდეთ ატარენდჷ ლექციეფს, ნამუეფით ორხველუდჷ ხელუანობაშ ინგლისური რენესანსის. უკულ მალას, ოსკარ უაილდიქ კინ ლონდონშა დირთჷ დო მუშობა ქიდიჭყჷ ჟურნალისტო.

1890 წანას ოსკარ უაილდიქ გჷმაბჟინუ რომანი "დორიან გრეიშ პორტრეტი", ნამუქჷთ ავტორს დიდი პოპულარობა მოუღჷ.

მუჭოთ ჰომოსექსუალისტი, ჰომოსექსუალური აქტიშ გეშათ, უაილდი სასამართალოს გეგნოჩეს დო 1895-1897 წანეფს ჯიხას ქუდახუნეს. ღურაშახ, ეკონია წანეფს უალდი პარიზის ცხოვრენდჷ დო ბრიტანეთიშა ვადურთინჷ. ოსკარ უაილდიქ ღურუ 1900 წანაშ 30 გერგობათუთას, 46 წანერქ, მენინგიტით.

გიშნაგორა ნახანდეფი[რედაქტირაფა | წყუშ რედაქტირაფა]

  • რავენა (1878)
  • პოემეფი (1881)
  • ბედინერი მაფასქირი დო შხვა თხობელუეფი (1888, არიკეფი)
  • ლორდი ართურ სევილიშ ბრალობა დო შხვა თხობელუეფი (1891, თხობელუეფი)
  • ბერწულეფიშ ჸუდე (1891, არიკეფი)
  • ლამებეფი (1891, ესეეფი დო დიალოგეფი)
  • დორიან გრეიშ პორტრეტი (1890, რომანი)
  • ადამიერიშ შური სოციალიზმის (1891, პოლიტიკური ესე)
  • ლედი უინდერმირიშ მარაო (1892, პიესა)
  • ოსური ნამუთ მუთარე (1893, პიესა)
  • სფინქსი (1894, პოემა)
  • იდეალური ქომონჯი (1898, პიესა)
  • სერიოზული რინაშ შანულობა (1898, პიესა)
  • De Profundis (ლათ. "სიტომბაშე", 1897, ეპისტოლე)
  • რედინგიშ ჯიხაშ ბალადა (1898, პოემა)

რესურსეფი ინტერნეტის[რედაქტირაფა | წყუშ რედაქტირაფა]